السلام عليكم أحبائي🌷
مساءكم وطن🕊️
.....................................
يكلها...
ادورلج حچي ماگالته العشاگ
وحچيلج غزل ما سمعته بنيه
.....................................
زهراء:-وصلنه للبيت و هدى متوتره و خايفه و حتى وجهه أصفر
ورا ساعه كالو أجتي الزفه هيه تبجي و تمسح بدموعهه حتى ما يخرب المكياج
و أني أبجي وياهه طب العريس
و ضلو يهوسون و يركصون عاد طلعو و اني هم لبست و طلعت
ردت أصعد بـ سيارة أهلي جان بابا يكول لـ مصطفى تعال أصعد ويانه هو ما صدك اجه ويانه
مشت الزفه و و زفو العرسان و كملو العشه
اتحضرت حتى نرجع للبيت
من طلعت صار بوجهي مصطفى و كال
مصطفى:-حرامات خلص العرس و بعد ما أشوفج
راح أشتاقلج
زهراء:-والله لو ما عيب من الناس جان ضربتك راشدي اخليك تشتاقلي من صدك شهل الجراءه
مصطفى:-صايره تريد تضربين و لسانج طولان بالزايد بس هم راح أشتاقلج
زهراء:-وخر من يمي لا أصيح و الم عليك العالم
مصطفى:-عادي لمي العالم و تصير فضيحه و لازم أستر عليج و أتزوجج يعني بالحالتين اني الكسبان"أبتسمتلهه"ها شلوني
زهراء:-ما راح ارد عليك وخر يلاا"عفته و صعدت بالسياره و صورته أنطبعت بـ دماغي و الطريق كله أفكر بي أحس هذا الرجال بي سحر غريب عليه
أول مره اخاف من شخص و اول مره ما اعرف أرد عليه من يحجي شديصير وياي أني معقوله أحبه
لاا مستحيل وين لحكت أحبه"فزيت من أفكاري على صوت بابا
علي:-يلاا بابا نزلي صارلي ساعه احجي وياج
زهراء:-أي بابا ما ادري ما سمعت"نزلت و صعدت لغرفتي گبل سبحت و مشطت شعري
و نمت لأن جنت تعبانه حيل
مرت الأيام و أجه يوم السبعه
ماما قررت نروح حتى نبارك الهه اني طرت من الفرح كلت بلكت أشوفه
كشخت بـ أحلى شي عندي و رحنه
سلمت على هدى كالتلي تعاي أشوفج غرفتي
صعدت وياهه و اني اتلفت منا و منا
جان اتكول هدى
هدى:-مصطفى ما موجود الحالج أدورين تريدين تسمعين صوته
زهراء:-عزززه ترا ما جنت أدور عليهه شهل الاتهام
شو هاي طلعت التليفون و جان تخابره و فتحت سبيكر
و ضلت تحجي ويا و أني مركزه بكل كلمه يحجيهه
بعدين صدمني من كال
مصطفى:-هدى الله عليج أسألج سؤال
هدى:-أي أسال
