الفصل الجديد
السابع
من روايه حب الاالنهايه
**************
بعد يومين بالظبط حمزه وندى عايشين كويسين جدا مع بعض وحمزه ابوه زعلان منه مش بيكلمه حتى حمزه مستغرب زعلان ليه
.......
ورودى وسليم اتجوزوا وسافروا بره وسليم اهو بيصيع مع جميع انواع البنات بره ورودى عارفه وساكته
........
واحمد ومريم حددو فرحهم السبوع الجاى.
.......
ومالك طلب ايد سما وامها وافقت
......
وياسمين وايهاب هيتجوزوا مع احمد ومريم
.........
ياسين: انا مش عارف فرح ايه الخميس الجاى وجدى لسه ملوش شهر.
سها: حبيبي الحى ابقى من الميت وبعدين هما هيعملوه سوكيتى يعنى مش هيعملوا زفه وبتاع.
ياسين: يسلام وكده حل يعنى.
سها: انا مستغربه ان هيعملوه كده اساسا.
ياسين: يمسح ايده بالمنديل على السفره ويقول ذي ميحصل يحصل بقي ويقوم الحمدلله.
سها: مش هتكمل اكل.
ياسين: شبعت.
سها: تقوم وتشيل الاكل.
حست بدوخه ياسين فيه ايه سها مفيش.
ياسين: قلنا اتغذى كويس اديكى مش قادره تقفى اهو.
سها: لا انا كويسه.
ياسين: يمسك بايدها تعالى ارتاحى سيبى الاطباق انا هشيلها.
سها: ماشيه معاه لانها حاسه ان الدنيا كلها بتلف بيها.
ياسين: نروح للدكتور
سها: لا انا كويسه مفيش داعى.
ياسين: متاكده.
سها: اه.
...............
ندى: لابسه وخارجه حمزه رايحه فين على الصبح.
ندى: رايحه العياده.
حمزه: ايه وكيس الجوافه اللي في البيت ده ملوش لازمه ولا ايه.
ندى: حاطاه رجلها فوق الكرسى بتربط الكوتشى وحمزه طالع من الحمام بيجفف شعره بالمنشفه وبيتكلم.
ندى: مش كده والله انا محضرالك الفطار بره على السفره
حمزه: وهو اهم حاجه الاكل ولا الاحترام انتى كنتى هتخرجى لو انا كنت لسه في الحمام مخرجتش.
ندى: لا طبعا كنت هستناك تخرج متعملش كده بقي مش مستاهله.
حمزه: انتى عارفه انى مش بحب شغلك ده الست ملهاش الابيتها
ندى: انت بتقول ايه لا ياحمزه انا مش مقصره في حاجه معاك يبقي سينى اشوف شغلى بقي.
حمزه: اوك شوفي شغلك روحى يطلع هدوم وبيلبس.
ندى: انت مش هتفطر.
حمزه: لا مستعجل انا كمان عندى شغل في الشركه متتاخريش.
ندى: على الساعه 2هكون هنا
حمزه: وانا راجع الساعه 4كده
ندى: هكون حضرت الغداء وهستناك اوك
حمزه: تمام.
........
ندى: نزلت راحت العياده.
وياسين نازل قابل حمزه.
ياسين: صباح الخير
حمزه: صباح النور
ياسين: صاحى بدرى يعنى.
حمزه: فيه شغل مهم سايبه من امبارح.
ياسين: انا مكنتش هروح ياسيدى بس برضه في اوراق لازم امضيها.
حمزه: خير فيه ايه انت تعبان.
ياسين: لا سها تعبانه شويه
حمزه: سلامتها مالها.
ياسين: معرفش شكلها ماخده برد ولا ايه.
حمزه: لتكون حامل.
ياسين: حامل ممكن بس لسه بدرى على الموضوع ده.
حمزه: بدرى ايه انتوا متجوزين بقالكم شهرين اهو.
ياسين: امممم ممكن.
حمزه: هركب معاك عربيتك مش قادر اسوق انا.
ياسين : يفتح الباب وداخل اتفضل تعاله مش قادر ولا مش ليك نفس.
حمزه: يضحك الاتنين.
...............
بعد شويه سها حست بتعب جامد والم مش عارفه تعمل ايه اتصلت على ندى.
ندى: الو صباح الخير.
سها: الحقينى ياندى تعبانه اوى.
ندى: مالك ياحبيتى فيه ايه انا مش في البيت في العياده نص ساعه هجيلك.
سها: معرفش جسمى كله بيعرق وحاسه بالم فظيع في معدتى.
ندى: متتحركيش اقل من نص ساعة وهجيلك.
سها: ماشى.
ندى: تقول للمرضه انها رايحه البيت وراجعه مش هتتاخر.
..........
الكل مجتمعين بيفطروا.
ام احمد: قلبي مقبوض مش عارفه ليه.
ام حمزه: انشالله خير قولى خير.
ناديه: وانا تصدقي منمتش والله من امبارح كوابيس وقلق.
مالك: اووووو ع الصبح ربنا يستر منكم.
احمد: يقوم يقف اه والله انا ماشى ربنا يستر.
كامل: رايح فين.
احمد: رايح الجيم انت مش عارف انى كل خميس بروح الجيم..
كامل: اه اعزرنى نسيت.
مالك: وانا رايح الشركه.
ام حمزه : ربنا يحفظكم ويبارك فيكم يارب.
احمد: تسلمى يمرات عمى.
....
