#لم-انساكى-ولكنى-عشقتها#

روايه(لم انساكى ولكنى عشقتها)

روايه(لم انساكى ولكنى عشقتها)
الفصل الثاني عشر
💕💕💕💕💕💕
عندما ذهب يوسف واخذ يدور ويلف حول ذلك المصنع المهجور لحظ وجود فتاه مكتفه الايدى والارجل ملقاه على الارض فى غرفه تملاءها الماء من كل اتجاه
اقترب يوسف اكثر من الشباك الذى كان مفتوح بعض الشئ لينصدم
ريهام..............
لم يستوعب يوسف ماراى واقترب اكثر من الشباك وبالفعل كانت ريهام هى التى راءها
يوسف بصوت منخفض
ريهام مش ممكن ايه جابها هنا
دلوقت بس عرفت ليه ادهم كان عالطول شارد
ريهام ريهام بوصى فوق انا يوسف ريهام
كانت ريهام متعبه جدا وفى حاله لا تحسد عليها فبعد ان تحدث حامد مع ادهم امرهم ان يضعوا ريهام فى غرفه بها ماء وان يقوموا بتكتيف ريهام ورميها على الارض
سمعت ريهام صوت يوسف الذى كانت تعرفه جيدا وحاولت الجلوس ولكنها لم تستطيع
التفت ريهام قليلا حتى رأيت يوسف فبكت وقالت
يوسف الحقنى انا بموت خدنى من هنا ابوس ايدك يايوسف
يوسف:ششششش وطى صوتك لحد يسمع انا ليمكن اسيبك هنا تقدرى تقومى
لا يايوسف مقدرش ايدى ورجلى مربوطين وكانت تبكى
طب خلاص اهدى وانا هحاول افتح الشباك ده وانزل
وبالفعل حاول يوسف فتح الشباك ونجح بالفعل
نزل يوسف الى الغرفه وحرر ريهام من الحبال التى كانت ملفوفه حول رجلها وكذلك يديها
احتضنت ريهام يوسف واخذت تبكى وتقول
الحمد الله ياااربى انك بعتلى يوسف عشان ينجدنى
اهدى يااريهام ويلا تعالى قومى اسندى عليه عشان اطلعك من هنا
مش هعرف اطلع يايوسف الشباك عالى اوى
انا هسعدك بس قومى
وقفت ريهام واخرج يوسف من جيبه مفاتيح سيارته وقال لها
خدى مفاتيح العربيه اهو اطلعى واركبيها واهربى من هنا بسرعه
وانت يايوسف انا ليمكن اسيبك هنا لوحدك ده مجرم وحيوان
متخفيش انا هطلع وراكى على طول يلا مفيش وقت
يوسف كنت عاوزه اقولك حاجه
مش وقته ياريهام
لا يايوسف لازم تعرف ادهم....
قاطعها يوسف وقال
مفيش وقت ياااريهام اطلعى وبعدين نتكلم
وفعلا لم يعطى يوسف فرصه لريهام ان تقول له مع سوف يفعله ادهم به
حمل يوسف ريهام وحاولت ريهام الإمساك بالشباك وبالفعل خرجت ريهام
ولكن كان يوجد بالخارج من ينتظرها
فتح حامد الباب على يوسف واخذ يصفك بيده ويقول
يوسف باشا نورت ياباشا بس مش كان لازم تستأذن قبل متدخل مكان مش بتاعك ونظر الى اعلى الشباك وقال هتوها
كان يقصد ريهام
امسك رجال حامد يوسف وكتفوا ايديه من الحلف
يوسف لحامد:سيب ريهام ياحامد ريهام ملهاش دخل فى اللى بينى وبينك
لاء ليها دخل وبعدين انت مالك هى تخصك دى مرات صاحبك يعنى مش مراتك
ريهام دى اختى وانا افديها بروحى
نظرت ريهام ليوسف وكانت هى ايضا مكتفه الايدى
نظره كلها حزن فهو يفديها بروحه وزوجها يرد قتله
حامد لرجاله:اربطوهم هنا واشار الى عمود فى ركن من اركان المصنع
وخرج واجرى اتصال وكان من يتصل به هو ادهم
الووو:
ايوه ياحامد
عملت ايه
الاوراق خلاص بقت معايه
ماشى حلو كده هبعتلك عنوان تيجى عليه عالطول لوحدك ياادهم ولا مراتك هتكون الثمن
ماشى مسافه الطريق
وعند انشغال حامد بالفون كان يوسف يفعل شئ
لاحظت ريهام ان يوسف يتحدث مع احد بصوت منخفض ونظرت اليه وعيونها كلها كلام ولكن دخول جابر منعها من التحدث
جابر:انا سامع صوت مين كان بيتكلم
نظرت ريهام ليوسف وقالت انا اللى كنت بتكلم
تعجب يوسف من ما قالته ريهام
أكملت ريهام حديثها وقالت
كنت بقول ليوسف انى عاوزه اشرب
مفيش مايه ومش عاوز اسمع صوت
يوسف:انت حيوان بتقولك عطشانه
حامد:فى ايه ياجابر معصب يوسف باشا ليه
ده حتى ضيف عندنا واكرام الضيف واجب
يوسف:انا ليمكن اكون ضيف عند واحد وسخ زيك ياحامد
طب ليه الغلط ياباشا
انت لسه شوفت حاجه فكنى وخليك راجل لراجل وانا اعرفك انت ايه قدام رجلتك اللى انت متحامى فيها دى
متستعجلش ياباشا هفكك بس لسه شويه
مستنين ضيف انا متاكد انه هيكون مفاجأه بالنسبه ليك
عرفت ريهام ان من يتحدث عنه هو ادهم فارتعب
وبعد لحظات وصل الضيف المنتظر لينصدم ادهم وهو يرى يوسف وزوجته بهذا الشكل
يوسف لاادهم:انت هنا بتعمل ايه ياادهم
حلو كده العب ابتدى هات اللى معاك ده كده ياادهم الاول وبعدين نفهم الباشا انت بتعمل ايه هنا
اخد حامد الملف الذى يدينه
وقال ليوسف انا افهمك بقا يايوسف
انت اكيد عارف ان احمد باشا معايه لانه متاكد انك عارف
بس اللى انت متعرفهوش بقا ان ادهم كمان معايه
نظر يوسف لاادهم وقال
ايه الكلام ده ياادهم فهمنى الكلام ده صحيح فهمنى اتكلم
لم يتحدث ادهم فقط ينظر الى الاسفل
ارفع وجهك وكلمنى زى مابكلمك فكنى ياحيوان انت وكان يقصد جابر
بعت ضميرك بكام ياادهم خنت القسم عشان خاطر إيه ياادهم اتكلم ياخساره ياالف خساره
ادهم بصوت عالى
كفايه انت مش فاهم حاجه
طب فهمنى فهمنى يااخويا وصاحب عمرى عرفنى قد ايه كنت مغشوش فيك
ادهم:فاكر يايوسف لما كنت مستعد تقدم استقالتك عشان خاطر علا
وقتها كانت ريهام مخطوفه مش عارف عنها حاجه غصب عنى عملت اللى عملته عشان انقذ مراتى من الموت حامد كان هيقتل ريهام يايوسف لو ماخدش الملف

حمار وانت كده انقذتها حامد هيقتلك ويقتل ريهام لما ياخد اللى عاوزه انت معندكش مخ تفكر واحد زى ده وسخ معندهوش مبادئ هينفذ وعده معاك
بس بقا وجعت دماغى انت وهو بس تعرف ياادهم كلام يوسف صح انت واحد خاين ومتستهلش انك تعيش
يعنى ايه ياحامد
يعنى نفذ اللى اتفقنا عليه ولا مراتك هتموت حالا قدام عنيك
نظر يوسف لاادهم وكذالك ريهام التى كانت منهاره من كثره البكاء
وقال:اتفاق ايه تانى ياادهم
حامد:تعرف يايوسف ان صاحبك طلع اوسخ منى
صاحبك كان متفق معايه على قتلك
نظر يوسف لاادهم نظره كلها حسره
اخذ حامد المسدس واعطاه لاادهم وامر جابر ان يضع المسدس على راس ريهام وقال يلا نفذ الاتفاق ولا مرات هتموت
انت مش خلاص اخذت الملف ليه اقتل يوسف خلينى نمشى ياحامد وانا اوعدك ان يوسف مش هيتكلم مشقده يايوسف
نظر يوسف لاادهم وقال يالف خساره
لانه يعلم جيدا ان بمجرد قتله سوف تقتل ريهام وكذلك ادهم
حامد انت لسه هترغى انجز ولا مراتك هتموت
جابر عد لحد خمسه ولو منفذش اقتل مراته
انا اسف يايوسف سمحنى ياصاحبى
المشهد كان كالاتى
ريهام كانت واقفه ومصوب مسدس على رأسها وعلى الجانب الاخر ادهم يحمل السلاح فى وجه يوسف
والعد التصاعدى يعد
1......2........3.......4................وقبل اطلاق النار بالحظه حدث مالم يكن بالحسبان
ترى ماذا حدث
هنعرف فى الفصل الثالث عشر من روايه
(لم انساكى ولكنى عشقتها)
استنونى منى ليكم اجمل و ارق التحيه والتقدير
Nasem EI Roh