scary daddy [BDSM]

"1"

♡VOTE +COMMENT ♡

1982 كلمه

☆ Have fun ☆

🍒

الشرط للبارت القادم
10v

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹

يمشي بنص الشارع و الدنيا صارت ظلمه ، يحاول قدر الإمكان يمشي لان الجروح تملي جسمه و بالكاد يكدر يوازن جسمه الضعيف

الساعه تخطت ال ١٢ بالليل و يمشي خايف يتلفت يمنه و يسره ، هو يخاف البشر و يخاف يتقرب من أي احد

يخاف منهم لأنه يعرف انهم ياذونه، حتى لو تصرفوا بلطف بالبدايه بس يجي اليوم اللي يعذبوه

ظل يمشي و جواه خوف فظيع و قهر بكلبه ، لحد ما تعب و كعد كدام بيت

رجليه ورمت من المشي من الصبح و هو يمشي ميعرف وين يروح و جسمه يوجعه من الجوع و الألم

حضن جسمه من البرد القوي و حس احد يجي يمه

اخترع و باوع لكاه رجال شايب كبير بالعمر " شتسوي هنا ابني ؟ " سألها

بخوف كام " م ما أس أسوي شي ، أأاسف، هسه راح ار-اروح "

ركز الرجال على حالته و لزم ايده " حجيه تعالي هنا دقيقه "

اجتي مره كبيره بالعمر اللي شافته قبل دقايق و صاحت زوجها و ظلت منتظره وره الباب

" شبيك ابني ، لا تخاف "سأله

" هااا، ما ، ما بيه شي خاله ، اسف كعدت كدام بيتكم ، هسه راح اروح " كال بخوف و جسمه يرجف

'هي مثلها اكيد ' فكر و يحاول يبتعد

" عندك مكان تروحله؟" سأل الرجال و هز رأسه ب 'لا '

" تعال طب جوه، تدفه يمه و بعدين روح لوين ما تريد " كالت المره الجبيره و لزمت ايده بحنان و دخلته للبيت

دخلته للاستقبال " ماما سامر سوي حليب حار و جيب بطانيه " صاحت لابنها و كعدت يم الولد اللي يرجف رغم الغرفه دافيه

جاب سامر بطانيه و تفاجأ بولد تقريبا بنفس عمره كاعد يم اهله

ما كال شي و راح حظر الحليب و جابه كدامه و كعد يم امه

دفه بعد ما شرب الحليب و تغطه " يمه ليش جنت وحدك بهيج وكت "

باوع الولد على الكوب اللي بيده " ما عندي احد و المكان اللي جنت عايش بيه طردوني منه "

" اهلك وين ؟" سأل سامر

" معندي " كال و بده يبجي

انقهروا عليه خصوصا ان منظره مريض ، شاحب و شكله كانما جان ما ياكل و يتعرض للضرب