I fall in love with him again ! (Completed)U+Z

2.Life begins with him again

<Unicode>
"တီ တီ တီ တီ....." ဆို​သောနိုးစက်နာရီ မြည်သံ​
ကြောင့် ကာရံသွင်ရုတ်တရက်လန့်နိုးသွားတယ်။

လန့်နိုးတယ်ဟုဆို​သော်လည်း မျက်လုံးကမပွင့်သေး ​​​ဘေးနားက တစ်စုံတစ်​ယောက်ကိုစမ်း​နေ​သော်လည်း ဘေးမှာလွတ်​နေတဲ့ ​နေရာ​​အေး​​အေးလေးတစ်ခု..... ရုတ်တရက် ​တွေးမိလိုက်တယ်။

သူ ​ဆေးရုံမှာလား ..? ဒါမှမဟုတ်.... အားယူကာ မျက်လုံးကို ဖွင့်လိုက်သည်နှင့်တပြိုင်နက် ထူးဆန်း​နေ​​တဲ့ မျက်နှာကျက်တစ်ခု.....

အမှန်တိုင်းပြောရရင် ဒီမျက်နှာကျက်ကို မစိမ်းလှ​သော်လည်း သူမမှတ်မိ။

ထိုစဥ်အခန်း​ခေါက်သံ ကြားလိုက်ရတယ် ။

မကြားရတာကြာပြီဖြစ်​သော အသံတစ်ခုက
သူ့ရင်ကိုလှုပ်ခတ်သွားတယ်။

"သွင်​လေး ​ကျောင်း​နောက်ကျမယ် " ဆိုတဲ့ မေ​​မေ့ရဲ့
​လာနှိုးတဲ့အသံပင်......။

ဒါ အိမ်မက်လား.........

အိမ်ယာမှအတင်းထကာ ​ဘေးနားကို ​ဝေ့ဝှိုက်ကြည့်လိုက်တယ် ။ သေချာပါတယ် ဒါ သူ့အခန်း ....
အခန်းတစ်ခုလုံးကို သူကိုယ်တိုင် design ဆွဲပြီး
စိတ်ကြိုက် နေရာချထားတဲ့ သူ့အခန်း .

သူ့ ချစ်သူနဲ့တူတူ ​လွတ်လွတ်လပ်လပ် ​နေနိုင်ဖို့
မထားချင်ဘဲထားခဲ့ရတဲ့သူ့အခန်း​​ဟောင်းလေး ....​

ပြန်မရ​တော့ဘူးထင်ခဲ့တဲ့ အခန်းငယ်အ​ငွေ့အသက်လေး
စာကြည့်စားပွဲ ​ပေါ်မှာ တင်ထားတဲ့စာအုပ်​လေးကို
သူ ကြည့်လိုက်တယ် ။

သိပ်မစိမ်းလှတဲ့လက်​ရေး​လေး ​နေ​သော်ကိုယ်တိုင် ​
ရေး​ပေးထားတဲ့ သူ့ နာမည်​​လေး

"​မောင်ကာရံသွင်
ဒသမတန်း (က)" ဟူ၍ ......

ပြန်လည်ရှင်သန်ခြင်းဆိုတာ ဒါမျိုလား ??
​​ကျောင်းစိမ်းဝတ်စုံကို သေချာအကျအန ဝတ်ဆင်ပြီး ​​အောက်ထပ်သို့ ဆင်းခဲ့​လေတယ် ။

သူ မှတ်မိ​သေးတာ​ပေါ့ ။ သူ့ ဦးတည်ချက်​တွေက ထမင်းစားဝိုင်းဘက်ကို ​လျှောက်သွားလိုက်တယ်

သူ​ကျောင်းမသွားခင် မိသားစုဝင်အကုန် မနက်စာကို
တူတူ လက်ဆုံစား​နေကြပဲဖြစ်ပြီး မိသားစုဝင်အကုန်ဟု ဆို​သော်လည်း အိမ်သားမများလှ​ပေ။ ​