#الجن...الجزء_ الأول
السلام عليكم اسمي حسن مواليد ١٩٩٣ اني طويل وابيض وعيوني سود اني أصلي من
البصره بس من اني وصغير انتقلنا لمحافظة ذي قار وبقينه عايشين هناك لهذا يومنه اني ملتزم
بصلاتي حيل احب دائما أروح للجامع واصلي
هناك جنت طالب سادس علمي مدخلت دورات لأنو جنت اشتغل وأطلع مصرفي بأيدي و
اعتمدت على نفسي بالقرايه و شديت حيلي صح مجنت اقره هواي بس جنت استوعب
بسرعه يعني تكفيني كم ساعه باليوم اقره بيها
المواد و افهمها يعني جنت مصيطر على المواد كولها و فعلاً اجتي الإمتحانات و إمتحنت
الحمدلله نجحت ووطلعت معدل عالي دخلت
هندسه ميكانيكيه و بنفس محافظتي أهلي فرحو بيه . اجتي السنه الدراسيه الجديده واني
متحظر حته ادخل الكليه بكول فرحه مستعد لهذه الحياة الجديده الي حدخلها و فعلاً بديت
الدوام و صار عندي اصدقاء حيل يحبوني
واحبهم و صار عندي صديق مقرب كلش حيل اليه و يخاف عليه ويحبني مثل اخوه وإسمه
(نمر )جنه نخلص اوقاتنه سوه و (وليد ومصعب) جنه شله حلوه نطلع سوه و نسهر سوه و واحد يخاف ع اللاخ ويساعد اللاخ.
حسن . هلااااا بالنمر
نمر . نجب ولك لا نمر و لابزونه هتلي سوالفك هذني موعليه صارلك يومين مختفي وين غاط لا حس و لا خبر .
حسن . لك نمر وعيونك جنت بالبصره وديت الوالده لأقاربنا هناك يومين و البارحه رجعت وداعتك
نمر . دكوم حضر نفسك كوم اليوم عدنه سهره يم وليد بالبيت نص ساعه و أمر عليك اني و مصعب
حسن . اوكي انتضرك .
حظرت نفسي و كعدت انتظر الولد يجون و وره نص ساعه اجوي رحنه لبيت وليد جان محظرلنه كعده حلوه حلويات و عصاير ودومنه واحنه روح كلوبنه الدومنه
وليد . هلووووو بالشباب منورين
حسن . شلونك ولك مشتاقلك هواااي شخبارك
مصعب . دكافييي شكو تتلوكون خلي نكعد ميت جوع ولك وليد جيبلي شعدكم بالمطبخ و الثلاجه و المخزن شكو أكل جيب
نمر . هاي شبيك ولك شنو اهلك ميوكلوك شهرتنا
مصعب . خايب اسكت الوالده معنفصه عليه صارلها يومين تريد تزوجني بنت خالتي واني مااريدها وهسه كالبه عليه ومسويه حصاار خررب
حسن . هههههههه كبررر زلمه شكبرك مسوين عليك حصار
نمر . ولك مو امه تعرف نقطة ضعفه تدري بس تقطع الإمدادات عنه راح يقبل يتزوج .
أنت تقرأ
الجن..🔞
Romanceحسن . انت شتريد مني عوفني دمرتني عوووفني أطلع من جسمي. 🔯يستحيل ان اترك هذا الجسد الجميل واعود للجسد البشع الذي كنت به الجسد هذا اصبح لي الان وليس لك اي حق به 🔯 الجن ..🔞(باللهجه العراقية ) (روايه قد لاتناسب ذوي القلوب الضعيفه )
