دكتورة بالصدفة 💜🌸 -٩-
اصحابو و نعم الاخ و هم مشوا كافتريا الجامعة و نحن طلعنا برا طلب اكل و انا دي خلاص زهجتي من كلامو لانو بدل علي انو انا بالنسبة ليهو اخت بس😭😭💔 جابوا الاكل يا اثو ما ح تاكلي انا ما لي نفس عمرو😳 خير ليه مالك في حد ضايقك انا لا بس ما لي نفس عايزة ارجع البيت عمرو لا لا اكيد في حاجة انتي كويسة يا اثو انا (بدون اي مقدمات او سابق انذار) انا بحبك يا عمرو عمرو دا بقى عامل كدي 😳😳😳😳 اااا اثووو ان ان انتي اكيد بتهظري ههه صح كلامي انا لا يا عمرو ما بكذب انا بحبك من لمن كنت في تامن و جبت لي هدية وقت نجحت و يوم النتيجة كنت موجود و فرحت لي شديد عمرو لسه عامل كدي😳😳 اثووو علي فكرة مزحتك بايخة المرة دي ههه انا لا المرة ما بمزح ( بتكلم جادة و مربعه يدي و بعاين جوا عيونو) هنا يا داب بدأ يصدق انو انا ما بهظر😳 انتي جادة انا هزيت ليهو راسي بمعني(نعم) عمرو صلح قعدتو و مسح وشو بي يديهو و رفع راسو علي و بقى يعاين فيني بعين كدي ما فهمتها في لحظة فكرت انو ح يقول لي و انا كمان اول كلمة قالها ايثار طبعا اول مرة يناديني ايثار كان دايما بقول لي اثو العثل بس المرة دي لا قال ايثار انا خلاص بقيت في حالة تانية و مركزة هو ح يقول شنو😭 سكت مسافة تانية و قال لي بس انا ما بحبك....... 💔💔 اول ما قال كدي دموعي جرت و كمل كلامو ايثار انا ما بحبك و لا حصل فكرت فيك من يوم قومتي بشوفك اختي الصغيرة ما اكتر و اختنا الوحيدة لانو ما عندنا اخت ( طبعا هم اربعة اخوان ما عندهم اخت) ما حصل فكرت فيك بالطريقة دي انتي صدمتيني بكلامك و ما داير اكذب عليك انتي اختي وبس و ما بقدر اختك في مكانة اكتر من اخت يا ايثار انا طبعا بقيت لا بسمع لا بشوف و دموعي دي حلفت كان تقيف ما عارفة تاني كان بقول في شنو بس طلعت من المطعم و ما شايفة قدامي طلعت الشارع و العربات و الظلط و شوي و العربات بقت تضرب في البوي و انا دي بس ماشة لكن انا وين و متجة علي وين ما عارفة بس محتاجة اصرخ و ابكى و اكورك كان ح يضربني واحد بالعربية وقف عربيتو في نص الشارع نزل علي اساس يكورك فيني لانو انا اساسا غلطانة لانو ماشة في الظلط بس بعد شاف حالتي بقي يقول لي يا بتي في شنو خير مالك في شنو اهلك ماتوا في شنو يا بت و هو ماسك فيني بيديهو الاتنين و انا بس ببكى ساقني ركبني العربية و بقى يهدأ فيني يا بتي استهدي بالله و استغفري في شنو مالك امك و ابوك كويسين و هو بتكلم و بهدأ فيني و انا ما جايبة خبر ليهو سالني وين اوصلك بعد تعب وريتو انا ساكنة وين وصلني و طلعت اديهو قروش قال لا يا بتي اتوكل و انتبهي علي نفسك وصلت البيت في حالة تانية من البكا عيوني مورمات و نظارتي دي مليانة دموع بس فتحت لي الشغالة الباب و شافتني و بقت تسأل اسو في شنو مالك يا اسو اسو انت كويس اسو انا بتكلم معاك بس ما رديت عليها و دخلت الغرفة و قفلتها علي بالمفتاح و بقيت ابكى باعلى صوتو و اصرخ زي المجنونة بس الشغالة تخبت لي في الباب اريج كانت ما فيشة ضربت عليها و قالت ليها ماما تعال راجع البيت اسو دا يبكى و يصرخ شوي و سمعت بت خالتي تخب معاها في الباب سمعت صوتها بس ما كان عندي نفس افتح و بقوا يدقوا زيادة و انا واقعة في الواطة و ببكي بحرقة انا كيف عملت في نفسي كدي تاني ما عاد سمعت ضرب للباب بعد ساعة كدي تاني جوا و المرة دي جابوا مفتاح الغرفة و فتحوهو اريج لمن شافتني في الارض لمن صرخت و رفعوني في السرير جابوا لي موية اسقوني و انا راسي في رجلين اريج و دموعي دي ما دايرة تقيف نهائي ابكي ابكي لحدي ما نومت و انا بهدومي ديك الا فكوا لي الطرحة و طلعوا من الاسبورت صحيت المغرب و جنبي رسيل و محمد بتونسوا في السرير التاني فتحت عيوني و تاني اتزكرت كلامو و بقيت ابكى رسيل من شافتني جري كلمت امها جاءت بقت تسال فيني و هي قاعدة جنبي بس ما رديت عليها وقت ما اتكلم معاها قالت لي خلاص قومي صلى المغرب جاء تلاتة اوقات ما صليتي قومي صلى رسيل طلعت لي جلباب من الدولاب و اريج وصلتني حدي الحمام و بقيت ابكى جوا الحمام لمن حسيت نفسي ح اموت بس لقيت لارين بتحبى و بتضرب في الباب لبست و شلتها ضميتها علي بقيت ابكى و هي تلعب لي بي شعري و تتكلم كلام الشفع داك ابتسمت ليها و الدموع في عيون مشيت اتوضيت و صليت في كل سجدة ببكى زيادة لانو كنت في كل دعوة بدعي الله يجمعني بيهو انتهت من الصلوات التلاتة مع بعض و استغفرت و قريت شوي قران بعدها جاءت اريج و جابت لي اكل و بدأت تسال فيني في شنو و مالك في زول ضايقك ولا حاجة اتكلمي يا اثو في شنو ما تخوفيني عليك بعد مسافة رديت عليها و انا دموعي في عيني و حسيت انو صوتي دا ما بابي يطلع الا طلعتو كيف ما عارفة و قلت ليها ما في شيء اريج كيف ما في شيء و انتي كنت بتبكي باعلى صوتك و بتكورك كمان انا ...... اثو الله يرضي عليك في شنو انا..... جاءت الشغالة و قالت اسو تلفونك دا من قبيل يضرب شلت لقيتها امي بقيت ابكى زيادة اريج شالت مني التلفون و فتحت الاسبكير امي اثووو انتي وين و ليه ما بتردي و ليه بتبكي ضربت علي اريج قالت كنتي بتصرخي انا بتكلم معاك في شنو اتكلمي يا بت انا بكرة من الصباح بركب بجيك هناك مسحت دموعي و قلت ليها انا كويسة يا امي ما في شيء امي طيب ليه بتبكي سكت ساااي حسي اقول ليها قلت لي عمرو بحبك و هو ما بفكر فيني اصلا انو احلامي البنيتها معاهو انتهت و انا قلبي انكسر و انو كلو حاجة مسخت علي 😭😭💔💔💔 بس ما رديت و هي لسه مواصلة كلامها في النهاية اخترع ليها قصة و هي اني شفت حادث قدامي و في ناس ماتت قدامي و كان وضعهم سيء دا كل الحصل امي و اريج و كلهم الحمدلله 😪 امي حسي بتبكي كدي عشان ناس ما بتعرفيهم و بدوا يتكلموا امي و اريج مع بعض الاكل ما قدرت اكل و نفسي اتقفلت خلاص منو عديت باقي الليل داك كلو بكى و الليلة دي كانت اطول من حقت البارحة بس ديك كنت منتظرها تصبح عشان افرح بس صحيت عشان احزن زيادة عدوا الايام من الاربعاء لحد السبت و انا قافلة نفسي في الغرفة بس ببكي و اكل ما باكل و تلفوني دا مرمي بعيد مني بعاين ليهو بعيوني بس مع دا كلو منتظرة يتصل و يقول انا بهظر و دي مزحة مني💔💔💔 يوم السبت قررت امشي المعهد....💔💔
