دكتورة بالصدفة 💜🌸 -١٦-
قعدت في الغرفة دي حدي العصر ما في زول قال لي عينك في راسك مشيت المطبخ براي الحبشيات وقفن علي حيلهن لمن استغربت منهن قلت ليهم عايزة موية من التلاجة بس جرا جابوها لي ماما ما كان تجي كان تنادي بس نجيب ليك في الغرفة انا لا ما في داعي بخدم نفسي بنفسي هم .؟!؟!؟!بقيت لافه في البيت و زي الكانو ما في ناس قاعدين فيهو افووو😤 يااا زهجت ياااخ😤 قعدت حدي المغرب و ما في زول ظهر اجي يعني اتكلم مع الحيطان صليت المغرب و بقيت قاعدة الله خلا التلفونات ديل لو ما التلفون ثانية واحدة ما بقعد الباب خبط انا و اخيرا في زول اتزكر اني في الغرفة دي😪خالد و مروان يسعد مساك انا و مساكم يا رب خالد معليش انشغلت عنك يلا نطلع نتعشى انا يلا ( افتكرت انو في البيت و ح اطلع بي توبي ) خالد وين وين ماشة كدي ح نتعشى برا انا ليه في مناسبة😳 مروان مناسبة شنو يا بت زهجنا و ماشين ناكل برا ولا عندك اعتراض انا مع نفسي اعتراض شنو يا ود امي انا بمشي طوالي خالد اهاا ح نطلع انا طبعا 5 دقايق بس مروان يلا ح ندق ليك الباب نلقاك جاهزة مشينا انا و مروان و خالد اتعشينا برا و خالد دا ناس البلد ديل بعرفهم نفر نفر و نضحك و نتونس حدي الساعة11🙊 انا هييي اتاخرنا مروان لسه بدري خالد الطلعة يا داب بدت انا هوووي كفاية بعد دا😒👊🏻 و انحنا طالعين كدي اشوف ليك بنات سمحات كدي عاد اول مرو اجي مكان سمح زي دا 🐸💔 البنات عليهن جنس سماحة 💃🏻 انا خالد كشف للمزز ديلك خالد بس ديل بنات يا بت ما تكوني اااا 🐸👊🏻 انا يا هااا قصدي ليك انت شوف سمحات كيف 🌚 خالد خلاص ما تعايني ليهم كدي حسي يجوا يدوني اكلة مرتبة🐸 انا حلوات ياااخ🌚💕 مروان هييي انتوا بتعلق في الناس و عينكم في عيونهم😂 خالد انا ما لي دخل دي اثو عحبوها البنات و بتشاغل فيهم براها🐸😂 المهم اتونسنا تمام و رجعنا البيت عديت اسبوع كامل معاهم و كل يوم بطلع مع خالد و مروان و بقينا اصحاب شديد و عمي دا بس بنشوف في الفطور بسلم علي و بتونس معاي و لسه مرت عمي و بتها شايلهن فيني و يطاعنو فيني في الكلام بس بمشي ليهم و مرات بت عمي (اسمها أساور) دي بتحيني في غرفتي و بتسمعني كلام بس انا ما شغالة بيها انتهى اسبوع المساء جاني خالد و قال لي الليلة اختها و راجلها جاين(اسمها مرام و عندها بت صغيرة اسمها سندس و راجلها اسمو زين) اختي دي شوي لسانها طويل بس انتي ما تشتغلي بيها انا مع نفسي اكتر من امك و اختك الله ينهي الاسبوع دا علي خير و انقلع منو بس جاءت مرام و سلمت علي اهلها كلهم و وقت جات عندي سلمت علي بطرف يدها و عاينت لي من فوق لي تحت انحرقت عليها كيف بس ما اشتغلت بيها قعدنا في العشاء تشيل و ترمي في الكلام مع امها و اختها بس ما اشتغلت بيهم تلاتة يوم و انا متحملة طول لسانها علي و ساكتة و قلت احترم نفسي دام ضيفة و ح اطير منهم و مروان و خالد و عمي نفس البشاشة و الطيبة يوم كنت قاعدة في السطوح جاني خالد بقينا نتونس عن الطب و كدي حكيت ليهو اي حاجة و كيف بديت و كدي خالد برتاح ليهو شديد خالد بكرة مجاهد قال ح يجي انا(كل ما تجي تنبهني انو في زول جاي بكون سيء)😪 اصلا تلاتة يوم بالكتير و اطلع في الليل جاتني أساور و بتدأ تلع زي كل مرة طبعا بتقول دا بيتنا نحن و انتي ما ليك فيهو شيء انتي جاية و فرحانة ببيت بابا و ح تطلعي منو زي ما جيت و انتي ما مستوانا و انتي فقيرة و ساكنين مع الغنم و الحيوانات هييي انا بتكلم معاك انا فكيت التلفون من يدي و ختيتو في السرير و وقفت علي حيلي و ربعت ليها يدي انا انتي اصلا ما بتتعبي من النبيح كل مرة نفس السيرة ما بتتعبي انتي يخخخ نحن الكلب وقت ينبح كتير بنفهمو انو مرضان زيك كدي بالضبط ( البت وشها بقى يضرب اسداس في اخماس ما اتوقعت اني ارد ليها ) أساور انتي بتقصدي اني انا كلب انا صلحت ليها نظارتي و عاينت جوا عيونا طبعا و كلبة و كمان متخلفة و هبلة نفسي اعرف انتي دخلتي طب كيف البت رفعت يدها دايرة تضربني كف مسكت ليها يدها لويتها ليها حدي ما وصلتها الدولاب لصقت ليها وشها على واحد من جضوم الكبار ديل علي الدولاب و قلت ليها اسمعي هنا يا حمارة انتي ما معناها اذ ساكتة ليك انتي و اختك و امك معناها خايفة منكم او احترام ليكم لا وحياتك دا احترام لي نفسي لاني قاعدة ضيفة هنا و انا جيت البيت دا عشان عمي طلب مني ما لي سواد عيونك كلها يومين و انقلع منكم ف احترمي نفسك و تاني ما اسمع صوتك دا فاهمة هزت لي راسها بمعني (نعم) فكيتها و بقت ماسكه يدها و انا قريبة منها مسكتها من حضومها و قلت ليها شاطرة يا عثل و حسي اطلعي و اقفلي الباب وراك😒👊🏻 البت طلعت و وشها ما بتفسر من الخوف الحيوانة منو القال ليها تقل ادبها علي الشافعة دي اخر الزمن شافعة تقل ادبها علي انا👊🏻😌 دي دايرة تربية من اول و جديد طلعت للفطور و تعاين لي لمن خايفة و انا كمان اعجبكم اشيل و احمر ليها ( عالم ما بتتجابش الا بالعين الحمراء🌚❤) المساء اخوهم وصل الكابتن اسم الكابتن دي زاتها تلبش🤤❤ انا كنت في السطوح و شوفت نزل سلم علي العم البرا و لابس البدلة الكحلية دي و معاها الفنيلة بالابيض دي بخلوها ليهو احيييينا انا اعلن انبراشي 🌚🤤🤤عندو لحية و حلاقتو جديدة اللهم واي بس جري نزلت تحت و انا بالتوب بس تقول راجلي شدة ما فرحت وقت شفتوا قلبي دا يضرب ب شدة (زنقة نيجيري بس🎶😂👊🏻) طبعا سلم علي اهلو كلهم بالاحضان يخخخ حتى الحبشيات سلم عليهم سلام سمح في النهاية خالد قال ليهو يا مجاهد دي اثوو بت عمو علي وقف قدامي و انا مديت ليهو يدي خت يدو علي صدرو و قال لي النية واصلة و هو بعاين لي من فوق لي تحت كاني حاجة وسخة و بطنك طامة منها احيييينا انا في ساعتها دموعي جرن لكن مسكتهن خالد لاحظ لي تصرفو بس عمل نفسو ما شاف حاجة عشان ما اتحرج زيادة دخلت غرفتي و بكيت كدي لمن الله غفر لي بس سكت و كان العشاء مشيت اتوضيت و صليت و فتحت تلفوني بقيت ادردش مع البنات حدي ما نومت زي الساعة11 كدي الباب ضرب صلحت توبي و مشيت لقيتو مروان بقول لي نجهز عشان نطلع بس انا قلت ليهو ما لي نفس مروان مشي و جاء راجع و معاهو خالد و خالد شغال في الباب خبط رفضت بس شالوني خالد و مروان و ركبوني في العربية و انا اصرخ ما ماشة ما ماشة خالد صرخي لي بكرة ح نمشي ناكل برا يعني ح نمشي ناكل برا🐸👊🏻موقفي بيش شديد مطعم سمح زي دا مستحيل ادخل بشكلي دا جابوا اكل جاهز و مشينا مكان بعيد و قعدنا بفوق للعربية ناكل و نتونس مروان موبايلو ضرب و نزل اتكلم معاهو و جانا راجع انا شنو الخلط الخفيف دا🌚 خالد بقيت تخلط من وراي يا ود🌝 مروان امخاخكم الوسخانة دي دا مجاهد بسال مشينا وين و وصفت ليهو المكان و قال جاي انا لمن اتشرقت من قولت جاي دي خالد جاي جاي لي شنو( طبعا خالد عارف مجاهد جاي عشان يضايقني بالكلام لانو عندو شوف نفس زيو و زي امو واحد) بعد مسافة مجاهد وصل و نحن لسه طالعين في العربية سلم و نفس النظرة اتحرقت عليهو كيف قربت اكشح فيهو البيبسي بس سكت و بقى يتونس مع ناس مروان و خالد و انا ما فاهمة هم بتكلموا عن شنو و كمان بضحك المفتري دا بس ضحكتو حلوة 🌚يخخخ هووو كلو حلو بس مغرور و مفتري و ود امو كمان😪 اتونسوا و انا شبه نسوني زهجت ياااخ حتى تلفوني ما معاي ممكن افضل اعاين فيهو للصباح بس وقت اتذكر نظرتو لي بكرهو و بشمو كيف انا خالد انا نعست يلا نرحع البيت مجاهد نط طوالي ما تمشي في زول ماسكة فيك انا قلت خالد ما قلت مجاهد يبقي لمن اقول مجاهد ترد😒👊🏻 و نزلت من فوق العربية و ركبت العربية و انا بعين ليهو بحرق كدي خالد و مروان جووا ركبوا و خليناهو واقف المغرور دا دخلت غرفتي كانو ناقصني المفتري دا كفاية امو و اخواتو افوو افو بس😤😤 الله يطلعني من البيت دا قبل ما اقتل لي زول نومت و انا مغيوظة منو 😪💔
