(قمر الليل)
البارت الاول ✨
ليلي/ حاضر امي تبي نجيبلك شي تاني معاي
سامية/ لالا هوا هداكا
ليلي/ تمام امي هي تشاو
قبل اربعة اشهر
سامية/ خلاص ي بنتي استهدى بالله قعدة ادمري في نفسك نوضي وغيري جوك وتحركي وكولي حاجة ع الاقل ليك شهر ع الحاله هادي مش اخر الدنيا راه
ليلي بدموع وتبكي بحرقه وكلامها مش مرتب ومش وداخل بعضه / ي امي خليني انا قعدة نشوف فيها اخر الدنيا بعيوني انتي مش فاهمه يلي نحسه في حاجة من داخل (وهيا تأشر ع قلبها) هني قعدة تحرق والله صعبة
سامية / تعالي ي مرام لي اختك هديها
مرام / نوضي ليلي وتيتك الحمام خودي دوش خفيف وهدي اعصابك
الراوي / ليلي ساكتة وعيونها ملينات دموع ناضت وخشت للحمام رمت نفسها في المية وقعدة تستوعب يلي صاير وتفكر في رؤف وكيف بعد كل شي بينهم اختار وحدة غيرها
رمت راسها تحت المية وتاخد في نفس عميق وعمضت عيونها
الشخصيات
ليلي)) بنت في ال 20من عمرها وهادي بطلة روايتنا شخصيتها قويه وعندها كريزما ويلي يشوفها يقول هادي اقواء بنت في العالم بس هيا من داخل هشة جدا وحساسه هادية الي حد ما بس عيبها كان فصلت اهرب وعيط الحق 😂
عيونها قهويات وبيضاء هلبا وشعرها اسود ونقشها كله ع الاسود قصيرة طولها 155متل وجسمها مليان 57 كغ وتقراء سنه اولي طب
مرام ))اخت ليلي بنت ذكية ورزينه ومتقفة تشتغل دكتوره لغة انجليزية عمرها 27 سنة
سامية ))ام ليلي عايشة هيا وبناتها والابً متوفي
الراوي /: خل نوخرو لتالي شويه
ليلي لما كانت طالبة سنة اولي اعداد
ماشية تاخد في كورس لغة في احديً المراكز
خاشة وبكل حيوية وطبعا ك العادة ماشية متأخره وتبي الدكتور يعاودلها لي فات.
ليلي / السلام عليكم هاي
الدكتور اتلفت وهيا مشافاتاش لداخل
ليلي / قصدي السلام عليكم بس
يلي في القاعة /كلهم ضحكو وليلي وجها احمر
الراوي / ليلي بينما تكتب فجه ينفتح باب القاعه بقوه وشخص داخل بكل هيبة
رؤف / بصوت عالي وقربع الباب السلام عليكم شجو دكتر
الراوي / ليلي اتوسعت عينها واول مره تنتبه لولد هكي وطبعا هيا تشوف فيه طويل وهيبة بالمختصر طاحت ع وجها 😂
ليلي فداخلها / حليلي من هذا يجلط وووه بنموت شن المصيبة هذا منين طلع مش وقته . وبدت تخطط في حياتهم المستقبليه وسمت حتا صغارهم 😂
الراوي/ طبعا رؤف ولد نضامه صايع ومن وحده لوحده ولسانه ملوي ع رقبته خاش للكورس يبي يتعلم للغه طوله 185ووزنه 79 ابيض عمره20وشعره قهوي وعنده لحيه ناعمه وعيونه ملينات رموش وفمه بودري وكبير
الراوي / طبعا كالعادة انبهرت بيه زي مننبهرو بكل حد من برا بس .........مش كل شي يلمع دهب !!
رؤف وليلي تعرفو ع بعض بطريقة ما وبدو قصة حبهم رؤف تاب فتره طبعا بعد م حباته ليلي وطربقت عليه كذا مره يخونها بس يلي فيه طبع مش ح يتحول بالمختصر اخر شي فضل بنت تانيه عليها بعد الحب وكل شي بينهم وهدا يلي وصل ليلي. الحاله هادي وح يجيك كل موقف صار بينهم في سطور الرواية وح تحسوهم
الراوي / اليوم ليلي اتخطت كل شي بعد 4شهورو 3 قبلهم وبدت تتفكر في رؤف ك نزوه عابره بس قعده في غصا في قلبها بدت تخدم في مصحة ماسكة قسم الايواء جنبا لدارستها الطب
ليلي / صباح الخير امي ماشية المصحة تبي شي
سامية/ لا صحيتي بنتي ربي معاك
ليلي / قوليلي شن صار في محمد ومرام بنتك
سامية / كلمتني امه امس وقالت قاعد مريض
ي رب تعجبكم
+ قولولي نكمل ؟🌚
