#هــوا_لــــــي.

"هوا لي"_الحلقه االاولى.

هوا لي🥀.
الحلقه الاولى.

وتين؛صدق الله العظيم
سكرت المصحف الشريف وحطته
وعدت لمطبخ
احمد؛السلام عليكم
وتين؛وعليكم السلام وين خوتك بنحط الغداء
احمد؛مش عارف
وتين كملت واحمد طلع لداره
وتين؛اوووف
حسام؛خيرك 😒
وتين؛شي
حسام يأكل في عنب؛شن مطيبه لغداء
وتين؛كسكسي
حسام؛حطيلي اني جعان
وتين؛اصبر خوتك يجوو
قيس طق باب مطبخ؛خييرر
وراه قصي
قصي عدا لداره
وتين؛غيرو حوايجكم تعالو تغدو
قيس معدل عليها وطلع
حسام؛طلع لداره
وتين واتت الغداء ورفعته لصاله
وكلمت احمد وحسام
ومشت تبي تكلم قيس وقصي
وتين طقت الباب
قصي؛خش
وتين؛هيا ال غداء
قيس يلعب في البلاستيشن
قصي؛باهي تو نجوا
وطلعت
وكلهم تلمو على صفرة الغداء
قيس؛احمد
احمد؛هممم
قيس؛تلفوني فسد نبي جديد
احمد؛خلاص تو بعدين نعطيك تشري
وتين تسمع فيهم وساكته
وتين؛الحمدلله ووقفت
قيس؛استني
وتين؛نعم
قيس؛بلهي جبيلي ميه
وتين حاضر
_______
اني وتين مواليد 1998 مواصفاتي متوسطة الطول عيوني على الأخضر بيضه شعري طويل وحريري اسود جميله نقرا قانون
عايشه بين اربعه خوت اولاد اني بنت وحيده خوتي
قيس وقصي توأم مواليد 1994 حلوين ديما مع بعض بس مايشبهوش بعض
قيس نسخه مني سبحان الله عيونه خضر وشعره اسود وطويل وابيض
وقصي عيونه عسليات وشعره كستنائي وطوله كيف قيس وبشرته حنطيه ويقرو هندسه معماريه
حسام مواليد 1991 عصبي نوع ما متخرج دكتور جراحه واغلب وقته في المستشفي
مواصفاته شعره اسود وعيونه عسليات وطويل وبشرته حنطيه
احمد أكبر واحد دكتور في جامعه مواليد 1987 شعره كستنائي وعيونه سود وطويل وابيض وضعيف لين عروق يده بارزات يسري يعني يكتب بيده اليسره ويأكل بليسره

ماما امال"متوفيه" من بريطانيا
طبعاً كلنا عايشين في بريطانيا ونعرفو ليبين هنا وجيرانا ليبين ونتكلمو ليبي بس مانفهمو بعض كلمات وعندنا الجنسيه البريطانيه
وبابا سالم مسافر وواعر بككل بس حنون بكل
________
كملو ورفعت الصفره وغسلت الماعين وولعت الغسله متع ملابس
وكسدت بروحي قعدت على تلفزيون نتفرج على فلم ومر الوقت وشرين الباب
وتين؛مني
قيس؛افتحيييي
فتحت
قيس معصب ووجه احمر؛ تيييي ساعه على الباب وخش داخل لي داره قعد يفتش ويدور ملقاشي شي
قيس يعيط ومش قادر يتنفس؛وتيين وتينننن
وتين جت تجرري؛بسم اللهه قيسس
قيس وهو حاط يديه على رقبته؛ب بم بموت البخ بخاخ ويحرك في يديه
وتين بتبكي واذكرت قيس عنده الربو
قعدت ادور في البخاخ وطبست تحت السرير لقته وعدت تجريي لقيس حطته له
قيس رجعله نفسه ؛اهه اه وتنهد وغمض عيونه
حطت يدها وهي ترعش على راس خوها وقعدت تقراء في القراءن
لين حساته ارتخه عرفاته رقد
وتين؛الحمد الله ياربي
وحطت رأسه على مخده وطلعت لدارها وحست روحها تعبانه ورقدت
《في الليل》.
نضت غيرت حوايجي وحطيت عشاء
طلعت لصاله ملقيتش حد
ركبت فوق عدت لدار قيس وقصي لقيت قيس راقد وقصي فاتح الاب توب
اني؛تعال تعشي
قصي؛ماتعشي
اني؛به قيس قيس
قيس راقد؛همم
اني؛نوض تعشا
قيس؛تعبان
طلعت وخليته يارتااح
طلعت لقيت حسام
اني؛تعال تعشا
حسام؛مانبي شي
وعدا
عديت لاحمد
اني؛احمد
احمد عيونه في الاوراق؛نعم
اني؛تعال تعشا
احمد؛مشغول
اني طلعت مشيت للمطبخ رديت الماكله في تلاجه ورقيت لداري رقدت
(في صبح)
نضت بدلت حوايجي وتعطرت وطلعت نراجي في الحافله مجتش وأنا عندي اختبار مهم منقدرش نفوته
خشت البيت لقيت حسام بيطلع
اني؛حسام
حسام يضم في اوراقه؛هممم
اني؛الحافله ما جت واني عندي اختبار مهم ومنقدرش نفوته وصلني
حسام؛اووف به به
وصلني حسام ونزلت لكليه
محاضره الاوله الدكتور غايب قعدت نراجي امتى تبدأ المحاضرة
قعمزت ونشوف بعيوني الناس
وتين؛اوووووف مليت
طبعن هاد تالت يوم ليا في الكليه ومعنديش صحبات
بدأت المحاضرة الثانيه
و يقري فينا استاذ سوري طبعن كلية عرب يلي نقراء فيها
وكملت المحاضرة ونزلت قعدت نراجي في الحافله ماجت اتصلت بقيس
وتين؛الو قيس تعال الحافله ماجتني
قيس؛باهي نص ساعه ونجي
قعدت نراجي فيه شوي مشيت للكافي قعدت شوي قعمزو في الطاوله يلي قدامي ثلاثه اولاد
امين؛ترا شوف الطرف يلي وراك
مصطفى؛احيي شكلها بريطانيه
جواد؛عليك غباء يلي فيك يامصطفى بريطانيه وفي كلية عرب
مصطفي ضحك؛اي صح
امين؛شكلها سوريا
جواد؛لالا لبنانيه
مصطفى:مرات سعوديه
امين؛اخخي لالا جمالها جمال اجانب
جواد؛يا ألبي شوف لعيونها خضر
مصطفى؛ذبتتت
امين؛لا جمدتت💦
مصطفى؛تافه
وكملو هذرزو عاديي
.وتين ؛اووف هاد خيره طول
وعاودت اتصلت بيه
وتين؛خيره تلفونه مقفل اوفف
وقعدت نراجي طول الكليه شبه فضت واتصلت بي قصي قريب مية مره وحسام خارج التغطيه واحمد ميردش نفس الشي
جواد؛شباب شوفو البنت مروحتش
مصطفى؛شوف تبكي شكله اماليها نسوها
امين؛تتعالو نشوفو خيرها
جواد؛تخاف منه بلكي شوف لبسها محافظ ومتحجبه شكلها مسلمه
امين؛صح
جواد؛اسمع تو نشوفها ونجي خليكم
وعدا جواد لوتين
جواد؛اا سلام عليكم اختي
وتين رفعت رأسها وعيونها معبيات دموع مسحتهم وصلحت وشحه؛وعليكم السلام
جواد في خاطره"ياربي من وين هادي طرفف"
وتين؛تفضل يا وخي تبي شي
جواد؛انتي ليبيه
وتين؛ايه تفضل تبي حاجه
جواد؛لابس شفتك قالت شكله اماليك طولو عليك وقعدتي بروحك تبي حاجه اني كيف خوك ماتتحشميش تبي شي اني قاعد قدام
وتين؛شكرا خوي بارك الله فيك
جواد؛كان ماوقفت مع بنت بلادي مع منو بنوقف
وتين؛تسلم
وعدا
يتبعع....

رايگم نستمر ولا نوقف؟