#هــوا_لــــــي.

هوا لي"الحلقه الثانيه"

هوا لي
الحلقه التانيه.
جواد؛اا سلام عليكم اختي
وتين رفعت رأسها وعيونها معبيات دموع مسحتهم وصلحت وشحه؛وعليكم السلام
جواد في خاطره"ياربي من وين هادي طرفف"
وتين؛تفضل يا وخي تبي شي
جواد؛انتي ليبيه
وتين؛ايه تفضل تبي حاجه
جواد؛لابس شفتك قالت شكله اماليك طولو عليك وقعدتي بروحك تبي حاجه اني كيف خوك ماتتحشميش تبي شي اني قاعد قدام
وتين؛شكرا خوي بارك الله فيك
جواد؛كان ماوقفت مع بنت بلادي مع منو بنوقف
وتين؛تسلم
وعدا
وتين؛محلااهه
امين؛خيرها البنيه
جواد؛عيالها طولو عليها
مصطفى؛من لاخير اني كبدت
جواد؛رااهيي ليبيه ليبيه طرف للنم
امين ومصطفى؛كذاب
مصطفى؛يا قلبي
امين؛يانعلي بنموت
جواد؛اني متت
مصطفى؛في بحر عيونها
امين؛بنقعمز في مربوعتهم
مصطفى؛عنجد😂ياعوطلي انت
جواد؛حي شوفو خوها نسخهه منها
مصطفى تلفت؛لا واللهي يطلع توامها
امين وقف؛حييييي هاد قيس
جواد؛وانت منين تعرفه
امين؛تعالو
وعدا هوا وجواد ومصطفى لقيس
امين؛قيس
قيس تلفت ؛حي على امك شن جابك ياكلب وليش مقتلي وتضبطو بعض
وقيس تلفت لوتين وعطها مفتاح السياره ومشت
امين؛شن خباركك يا ثور وينك على فيس
قيس؛ماشيه الأمور شن جوك انت
جواد؛احم احم
امين؛ايي نسيتكم
مصطفي؛يلي لقاء احبابه نسا اصحابه
قيس ضحك؛عرفونا
جواد؛اني جواد رفيق
ومد يده
قيس سلم عليه؛تشرفنا جواد
مصطفى؛احم احمححححمم اححح من
امين ضربه على ظهره بلقوهه؛
مصطفى؛اححححححح ااحححححح حسبي الله فيك
امين؛انت كنت تكح
قيس قعد يضحك
مصطفى شافله بنص عينه؛وانت شن يضحك فيك
قيس؛هههه
جواد؛هاد مصطفى جمال انسان تافه را
قيس مد يده لمصطفى ؛تشرفنا مصطفى
مصطفى سلم عليه؛وبيك
امين؛هاد قيس ولد عمي
جواد ومصطفى انصدمو
مصطفى؛تشرفنا بيك قيس
قيس؛وبيكم
______
امين مواليد 1992 نقرأ اقتصاد ماعنده خوات ولا خوت وليد وحيد
متوسط طول شعرهه اسود وناعم بشرته سمره
وانيق في كلامه ولبسه وعيونه عسليات
_____
جواد مواليد1991 نقرأ طيران عندي تلاته خوت واربعه خوات
طويل وشعره على كستنائي وبشرته حنطيه وعيونه سود وعنده لحيهه تهبل
_______
مصطفى مواليد1991 يقرأ صيدله انسان تافه واخد الحياه بي بساطه عايش بروحه بوه مطلق امه من لما كان عمره 7سنين لأنه امه طلعت ساحره بعدها بوه تجوز وربي مرزقه بصغار طبعن امه سوريه وبوه ليبي
مواصفاته؛طويل وابيض وعيونه زرق وشعره اسوود
عايش بروحه
___________
قيس؛ يلا سلام
جواد سلم عليه؛ تشرفنا بيك برو
قيس؛ تسلم ياقدر
مصطفى؛ تعال كسد معانا
قيس؛ انشالله وسلم عليهم وطلع
مصطفى؛ترا احلف
امين ضحك ؛وحقربي
جواد؛ووووووكك عليك صدفه
مصطفى؛تي لا يا راجل ليش ما قلت انك عندك عم هنايا
امين؛تي نسيت امه
جواد؛يلا نروحو جعان وبنرقد
مصطفى؛يلا امين جواد قريب بموت
وعدو لشقتهم
_______
وتين؛تي علاش طولت
قيس؛الولد شدني وعرفني على صحابه
وتين؛اووف باهي به
وروحو للحوش
خشو للحوش لقو بوهم
وتين؛هييي بابا وضبطاته
سالم ضحك؛بنتي الحلوه كيف حالك
وتين؛الحمدالله يا بابا حال القرايه
سالم؛نبيك تكوني احسن محاميه على بريطانيه كلها
وتين؛انشالله يا بابا
قيس؛سلام عليكم اوو حويج حمدالله عسلامه نحسابوك تزوجت وسيبتنا
سالم ضحك؛وعليكم سلام الله يهديك ياولدي كيف حالك
قيس؛ماشيه الأمور كيف حال صحتك انت
سالم تنهيد؛من ربي بخير وين احمد وقصي وحسام
قيس؛اهو قصي برا واحمد في الكليه عنده محاضره وحسام عنده دوام من امس
سالم؛ربي يعونهم سند ظهري اولادي
وتين رقت فوق غيرت دبشها ونزلت حطت غداء على النار
_____
سالم كان مقعمز في الصاله يهدرز عليه قيس
قيس؛عادي مافيش مشكله
سالم؛خلاص نتوكلو
ويخش قصي ويغني؛ماننسا ماننسا عشت معا بقيت عمري انا حبيتو من ألبي ماننسا شاف بوه_اااووويي شيباني شن حالك نحسابوك نسيتنا راا
سالم؛هبل الحمدالله انت شنحالك وشن القرايه باهيه
قصي؛بنسبه لصحتي الحمدالله بخير صحيحتي باهيه وربي يحفظني ويبعد عني العين قولو امين
سالم ضحك؛امين به والقرايه
قصي؛ا ايي ايه بوي انت تعبان من سفر صح
بري ارتاح
سالم بحث في قيس؛خوك فاشل في القرايه وله
قصي اانسحب لداره
قيس؛والله شن نقولك يا بوي
سالم؛اصدمني
قيس؛فصلوه من الكليه
سالم انصدم؛شن تقووول شن هاد الفرخ
قيس؛الله غالب
سالم؛اني قتلك اصدمني مش تجلطني
خش احمد
احمد يصلح في ساعته ووراه حسام يتكلم ب تليفون
احمد؛س ع
بعدها شاف للبوه
احمد؛قصدي سلام عليكم اهلين بوي حمدالله عسلامه
حسام؛تمام كويس خلاص به تي به هي باي .
حسام سلم على بوه ؛حمدالله على سلامه
سالم؛الله يسلمكم وقعمزو يهدرزو لينن
وتين؛تعالوو الغداءء
قعمزو على طاوله
سالم تنهد؛انشالله ديما متلمين
كلهم؛امين
وقعدو يتغدو
سالم؛اسمعوني
قصي؛نسمع
سالم شافله بنظره خوفت قصي؛انت اسكت وحسابك معاي
قصي سكت ونزل رأسه عالاساس تحشم😂
وتين؛نعم يا بوي
سالم؛بنردو لي ليبيا وبنستقرو غادي
الكل انصدم
احمد؛كككيف يا بوي أعمالي وشغلي وكل شي هننا كيف تبيني انسيب بريطانيه
حسام وقف؛لا منقدرش يابووي اني كونت روحي هنا ومنقدرش نسيب مستشفي هنا
قيس يفكر في حبيبته البريطانيه كيف بيقدر يسيبها؛لا يابوي خلينا هنا عايشين
وتين وقصي بيطيرو من فرح
قصي؛امتى بنمشوو
وتين؛يسس فرحانه بنمشو لليبيا
سالم؛اعمالكم تقدرو تشتغلو في ليبيا وكلياتكم حتقرو في ليبيا وغدوه طيارتنا لليبيا واليوم لازم تكملو كل شي مفهووم ومانبيش اعتراض فهمت يا احمد
احمد؛بس ي
سالم؛اسكت ولا حرف يلا توكلو جيبو ملفاتكم واوراقكم
احمد طلع
حسام طلع وهو معصب
وتين؛يابابا نبي نطلع ناخد حوايج
سالم؛حاضر يا بنتي تو يرفعك قصي
قصي كان يأكل انشرق لما سمع كلام بوه
قصي؛احوو احوو كيف ياباتي مشغول انا
قيس سرحان
سالم؛كلمه وقالتها أرفع اختك
قصي؛باهي به عندك دقيقه كان لقيتك مش واتيه حنعدي عنك
وتين ضحكت بنصر وعدت تجري بتبدل
سالم؛قيس انت ياقيس
قيس فاق على روحه؛اههنعم يابوي
سالم؛كنك سرحان
قيس وقف؛لاشي يابوي اني طالع تبي شي
سالم؛سلامتك
وعدا وسالم وقف عدا لداره
______
قصي؛سااعهههه كامله نراجي فيك
وتين؛ههههيييي ياكذااااااب
وتوكلو على الله
وتين؛اههوو نبي هاد المحل
قصي درس سيارته
وتين نزلت للمحل وخدت حوايج واجداتت واحديه وكنادر ومكياج وكل شي تبيه واتصلت بقصي؛الو اسمعع
قصي؛شنو
وتين؛تعال خلص فلوسي كملو
قصي؛استغفر الله
وسكر
وتين؛حيوان كلب وتتلفت تلقا شاب واقف يشوفلها
وتين؛اعوذ بالله شن تشوف
شاب مايفهمش فيها
قصي؛تيي انتي هنا ليا ساعه ندور فيك ليش مترديش
وتين؛تتيي خير بلاك تعيط نسيت تلفوني صامت
قصي؛تي باهي به جيبي خلى نخلص
وعطتله وخلص وطلعو ركبو للسياره
وتين؛قصوو وخيي
قصي؛شن تبي
وتين؛شنرايك ترفع اختك االوحيده الغاليه وتتعشو في مطعمم باللييززز
قصي؛اوووف منكك باهي به مش عشانك عشاني اني لاني جعاانن
وتين؛ههه كلب
قصي؛تحشمي
وعدو ادهورو،
_________
عند حسام
جاء للمستشفي ومعصبب بكلل
خش لمكتبه وخش عليه انس
انس؛قاتلك هدوم الاوراق يبو توقيع ضروريي
حسام؛....
انس؛ياهووي حسام
حسام؛نعمم شن فيه
انس؛خيرك
حسام؛والله شن بنقولك بنردو لليبيا
انس ضحك؛تي غبي مفروض تفرح
حسام؛تيي كييففف نفررحح وشغليي وكل شيي هنااا شن بيصيرر فيهمم وانيي طول عمرريي كله قعدتت نبنيي فيهمم قووليي كييفف نفرحح
انس؛اي غير اهدى يا رجل شغلك حتلقى شغل طول في ليبيا لأنك دكتور مشهور
حسام؛اوووف اوووف
انس؛حتى اني بنرد لليبيا استحشتها ومليت من الغربه بجد
حسام؛يستر الله ؛اسمع اني غدوه طيارتي
انس؛توصل بسلامه ياغالي
______
انس مواليد 1990 ليبي وليهه تلاته سنين في بريطانيه دكتور باطنيه صاحب حسام ومواصفاته اشقرر وعيونه عسليات وطويل مش واجد عنده اختين معنداش خوت واحده متجوزه وتانيه تقرا امه عجوز وبوه متوفي
_____
جواد؛غير قولي مازال في مطرحهه
مصطفى؛سريب حبنا ولا طلقت سرحهه
امين؛تييي اسكتو
طق طق طق
جواد؛امين قوم افتح الباب
امين؛وليش ماتقوم انت
جواد؛مادخلك
مصطفى؛تو نقوم اني
امين؛منين جاك الكرم والطيبه
مصطفى؛ايوووهه جاييي
فتح الباب
مصطفى؛هوا انتت اهلاا اهلا انست
قيس؛تسلمم
وخشو داخل
امين؛اووو قيس شن الأمور وسلم عليه
قيس؛باهيه شن امورك انت
امين؛ماشيه
جواد طلع من حمام
جواد؛سلامعليكوم
قيس؛وعليكم سلامم
جواد؛كيف الحال
قيس؛الحمدالله وانتت
جواد؛بخير
وقعمزو يهدرزو لين جاء ليل
قيس وقف؛هيا سلام
مصطفى؛تي وين قعمز مازال بدري
قيس؛ماهو غدوا مسافر لليبيا
امين وقف؛بجدد
جواد؛وحتى احنى غدوا رادين لليبيا
قيس؛تمام بيناتنا فون
مصطفى؛سلام
وروح قيس
جواد رقد على كنبه؛اوووووفف
مصطفى؛كنك ياراا
جواد؛تعبان
امين خش مطبخ يطيب في عشاء
______
قصي يضحكك؛ووووكك ياجنابيي احو احو
وتين؛ترا بلا براده تخوف لعبه والله
قصي من ضحك مش قادر يتكلم
قصي؛شك شكلكك يقتتتللل
وتين؛هيا نروحو وركبت للسياره
قصي ركب سيارته
وتين؛قصي
قصي؛همم
وتين؛قصدك اليوم آخر يوم لينا في بريطانيه
وعيونها دمعو
قصي شافلها؛الله غالب
وتين شافتله؛وامي
قصي؛الله يرحمها
ووصلو للحوش
وتين؛سلامعليكوم
قصي؛سلام
سالم واحمد وحسام؛وعليكم السلام
احمد؛وين كنتو وخيركم طولتو
وتين بفرحه؛مشينا الملاهي ومول ووتعشينا في مطعم
حسام؛باهي كويس
سالم؛كويس
وتين ركبت لدارها وغيرت حوايجها ورقدت من تعب
قصي؛شنو بجد غدو السفره
سالم؛اكيد ع ساعه 8طيراتنا
قصي؛اخيراا
حسام يسمع ومش ععاجبه جو
احمد ناض لداره
وحسام كدالك
قصي؛خيرهم هدوم
سالم؛ربي يهديهم مايبوش بلادهم،وين قيس خوك
قصي؛مانعرفش تو نتصل بيه
على خشت قيس
قيس؛سلام عليكم
سالم وقصي؛وعليكم سلام
سالم؛وينك علاش طولت
قيس؛كنت مع الاولاد وشدوني
قصي؛ومن هدوم
قيس؛امين ولد عمي ابراهيم
قصي؛هييي كذاب
قيس؛وحقربي
سالم؛شن يدير في بريطانيه
قيس؛جاء دهواري هو وصحابه
وقعدو يهدرزوو بعدين كل واحد عدا لداره
________
#٠٠؛٦ صباحاً
قصي هوا وقيس يدربكو على الباب متع دار وتين
قصي؛نوووضييي نا جعااانن
قيس؛يلااا احني مسافريينن لليبياا
قصي؛اووي
وتين ناضت مفجوعه
وتين؛قول اعوذ برب الفلق من شر ما خلق
شكلها حاله شعرها مشفشف ودنيتها حاله شافت الساعه في تلفونها لقتها سته
وتين؛خير بلاكم
قصي قعد يضحك على شكلها
قصي؛حقربي تخوفي
قيس؛تيي قوومي وراس وتين ديرينا فطور جعانين
قصي؛يلاا ووتيي روحك راا 8طيارتنا ولازم نمشو 7للمطار
وتين؛ناضت وغسلت وجها و صلت الفجر وطلعت لقتهم كلهم نايضين حطتلهم الفطور وركبت فوق تواتي في شناطيها كملت ولبست سروال امريكي اسود وقميص نص كم ابيض مرسوم عليه كلمات الأسود وعليه جاكه لونها اخضر ولبست سبيدروها ووشاحها وطلعت تبي تقول لقيس وقصي يلبسو نفس لبسه ونفس اللون يلي هي لبسته
طق طق طق
قصي؛خش
وتين؛قصي البس هيييييي هاد شنوو
لقت دار قصي وقيس مقلوووبه كله منها ملبسهم في كل مكان في دار وقيس مقعمز في دولاب وقصي مقعمز على سرير ويلعب في ببجي
وتين؛هاد شنوو تيي بابا قاللكم هيا را
قصي نط وقف ؛تربحك سلم خيتي يا ناس لميلي دبشيي
قيس؛وراس وتينو والله تعبان نبي نرقد بجد لميلي دبشيي
وتين ؛اممم نلملكم بس بشرط
قصي وقيس؛ايش الشرط
وتين؛امم اني نخترلكم شن تلبسو
قصي وقيس؛مووافففق
بدت تلم في دبشهم وهم يساعدو فيها
قيس؛تييي متااعي ياخرا
قصي؛كذاب وحقربي شحنيي انيي
قيس؛قسمبالله شحني درتله علامه
قصي؛ترا وريني
قيس؛هااا شووف
قصي؛اووووف ووينن شحني اني
وتين؛اهوووو
قصي؛نعلي واخيراا
_________
في مكان تاني؛
سالمه؛اروى ملك ملاك
اروى؛ها نعم عمتي
سالمه؛وين ملك
اروى؛رااقده
سالمه؛بريي نوضيهم
__
عبدالله خش لمربوعه
عبدالله؛ياا فرووخ نوضو
اسلام ناض مفجووعع
اسلام؛خير يا جدي
عبدالله؛تيي قومو شن مرقدكم هناا
سليم عين وحده مفتوحه وتانيه مسكره؛سلام جدتي
عبدالله؛جدتك عينك يافرخ قووممموو
ولا وحقربي نكلملكم حسين
سليم نخلعع
وكلهم فزو وطلعو جريي الا اسامه راقد ومش حاس بشي
عبدالله؛اسسااممه
اسامه نفجعع؛لا مش هكي ياجدي وحقربي قريب قلبي وقف
جدي؛حسبتك انت العاقل بينهم
اسامه ططللعع جري وهو شعرهه مشفشف وخش للحمام
ليلى؛يا بنات نوضو عمكم قريب يوصل
زهراء؛اوووفففففف نعسانهه ياعمتى
ملك؛نوضو يا صبايا نكملو شغلنا ونبدلو
ملاك؛يلا صح
وناضو كلهم
________
وتين؛وووكك نهبلووو
قصي؛حيي اول مره نلبسو اني وقيس كيف بعض
قيس؛اييهه شوفوني اني طرف
وتين؛قصي جيب كاميرا متاعك نصور
قصي؛هيي
وجابها وصورو صور يهبلو
احمد؛بسم الله علاش لابسين كيف بعض
وتين؛حلوين صح
احمد؛مش حلوين
قيس حاط سماعات ويغني معهم
احمد؛تو حقربي مش قادر نفرق بينهم مديرين كيف تسريحه وكيف لبسه من فيكم قيس
وتين؛اهو
قصي لابس سروال امريكي مشركك اسود وقميص ابيض مدخله في سروال وجاكه خضرهه مكتوب عليها من لاوراء DF
وشعرهه نازل عليه
وقيس لابس نفس قصي غير رافع شعره وحاط سماعات
طلع حسام؛هيااا تأخرنا
وطلعنا
قصي قريب بيبكي؛لاااععع نبي سيارتيي مايهونش عليا نخليها
قيس؛تيي هيا يارا تأخرنا
وتين عيونها دموع؛ميهونش عليا نسيب حوشنا
وركبو وطلعو للمطار
قصي يلوود في مطار ومعه وتين
وقيس؛مقعمز مع بوه
قصي مر بجنب امين وجواد ومصطفى
وتين؛قصي تعبت نبي نولي
قصي؛به ولي رد بالك
وتين؛عدت بجنب بوها
مصطفى؛اووويي قيس
قصي شافله وخطرت في بالله فكرهه؛ومشالهم
قصي؛اهلا اهلا شباب
امين؛شن جوو
قصي؛تمام شن جوكم أنتم
مصطفى؛طيبين
قصي؛لاغير نحسابكم مازال مطبتو
جواد؛كخ سامطه را
قصي؛به زيدها ملح
....قيس كان ماشي يجيب ميه لباته لقاء قصي واقف على جواد ومصطفى وأمين
مشالهه يجرييي
لقاهم يهدرزو ويضحكو
قيس؛قصي يافرخ
شباب مصدومين؛
قصي؛ووكك عليي نفااخ
قيس؛احترمني أكبر منك
قصي؛بدقيقتين
جواد فاتح فمه ومصطفى وأمين احرف منه
قيس؛باهي به نعرفكم هاد قصي خوي التوأم
جواد؛بسم الله تشبهو بعضكم بككلل
مصطفى؛كذاب هاد قرينه مش خوه
امين؛قصدك انت قصي
قصي ضحك؛بشحمه ولحمه
قيس؛هههه
مصطفى؛تشبهو لبعض لين تخوفو
قصي؛انت يلي تخوف شوف عيونك زرق تقول ميت
مصطفى قالب عيونه؛لا من جدك
قصي قالب عيونه كيف مصطفى؛لا من حني
؛
وقعدوو يهدرزو لين جاء موعد الطياره عدو مع بعض
قصي قعمز بجنب وتين
وقيس بجنب جواد
وسالم بجنب احمد
امين بجنب مصطفى
وحسام بجنب بنت
أقلعت طيارتهم
وتين رقدت وقصي كادالك
لين وصلو لليبيا
______
الولاد كلهم لابسين زبوناتهم ومقعمزين في المربوعه
اصيل؛ايش هل الحمووو بنموووت جيعااانن
معتز؛سكر فمك يرحم والديك راسيي
عمر؛بس الله يسامحك يجدي منوضنا من صبح ليش
اسلام راقد
بشير؛جعان يا جماعه
اسلام ناض ؛اخخخ راسي
ايمن يلعب في بوبجي
وحدا معتصم وجمال
اسلام؛سليم واسامه وين
جمال؛مقعمزين برا ومعهم احمد ومحمد ومحمد تاني ووسام وسالم واياد
ناض اسلام للعندهم
____
ساره؛وووكككك عليا كلهم طروف
هند؛محلاهمم يا ناس
ساره؛يدوخو
ياسمين؛بكل يجنننو
تخش عليهم ليلى؛أنتم تهدرزوو كملوو الغداءء فيسعع
روان؛مللليتت من حوسة المطبخ انشالله نموت
لجين؛انشالله باهي
روئيه؛تي سقدو روحكم نسمع في جدي يقول لاسلام انهم وصلو
لجين؛زعما كم عددهم وشن شكلهم زعما يدلعو ونفاخات
ساره؛اسكتوو وكملو بسرعه
خش اصيل؛وكك بطني طلع في صوت
ساره؛اصييل برا وتحشم
اصيل؛به جعان
روان؛وجك الغداء قريب يطيب
اصيل قرب بياخد من البطاطه
روان وساره وروئيه ولجين وياسمين وهند؛اصيلل سيب
اصيل انفجعع؛بسمالله خير بلاكم
ساره؛يا مااامااا
اصيل؛اووف هاني طالعع بس شن الغداء
هند؛بازين
اصيل؛استعجلوو
وطلعع
عبدالله؛اسلام واياد وسليم واسامه بيش تمشو معاي للمطار واحمد
احمد؛نعم ياباتي
عبدالله؛حتى انت تعال معنا
اسلام؛عليك يوم بسس
سليم؛زعما عندهم بنات زعما طروف
اياد؛تحشم ياراا
اسامه؛أنتم فاضين وحقربي
احمد؛نسمع فيكم يارا
اسامه؛انت اسكت
احمد؛تحشم عمك
اسامه؛أكبر منك
عبدالله؛هييااا
اسلام؛بنركب معاكم يارا سيارتي في ورشه
اياد؛واني ماعندي بنزين
اياد واسلام ركبو مع اسامه وسليم
وعبدالله واحمد بروحهم؛
وتوكلو للمطار
_____
قصي طلعع ورافع شنطه على كتفه وشاد الكاميرا بيده
قصي؛ووووههه وااخخيرراا وصلنا
وتين؛الحمدالله واخيرر
قيس؛مشعارف حاس بشعور حلووو
وتين؛الله حتى ني
امين نزل هو وجواد
امين؛بلادديي
جواد؛وااعره الغربه
مصطفى؛جعاانن
سالم؛الحمدالله
حسام واحمد ساكتين
وتين؛قصي قصي
قصي؛نعم
وتين؛هه فرحانه والله
قصي؛اشر منك
قيس؛امتى بنروحو
امين اتصل
اسلام؛الو برو
امين؛اهلين عشيريي تي وينكم
اسلام؛هي هي في طريق
وسكر؛اهما في طريق
وتين؛قعمزت بجنب احمد وحسام تراجي
وتين؛ياانتم كنكم مش فرحانين
احمد؛لا فرحان بس انتي متشوفيش
وقعدو يهدرزو
لين
عبدالله؛سالم ولدي
سالم اضبط بوه وسلم عليه وفرحان
وتين عدت بجنب قيس وقصي
قصي؛زعما من هاد
قيس؛علمي علمك
وتين؛خايفه
قصي؛من شني
وتين؛منعرفش
امين قرب من جده وسلم عليه
وجو اسلام واياد وسليم واسامه سلمو على عمهم
واحمد جاء سلم على خوه
سالم؛كبرت يا احمد
واحمد وحسام واقفين وساكتين ومش عاجبهم الجو
قيس؛من هدوم
وتين؛علمي علمك
قصي؛تعالو باتي يأشرلنا بمعنى تعالو
وتين؛تي خايفه
قيس؛من شني هههه
وتين؛مشعرفه
ومشت وتين
سلمت على عبدالله
عبدالله عيونه معبيات دموع؛مشالله مشالله ربي يحفظك
وشد وتين وضبطها
عبددالله؛شن اسمك يا بنتي
وتين؛اسمي وتين
عبدالله؛الله يبارك الله يبارك
طلقها وأشدها احمد عمهاوضبطها
وتين مصدومه
احمد؛اني عمك ياوتين
وتين ساكته
طلقها
قصي وقيس مصدومين واحمد وحسام كدالك وسليم واسامه وإسلام واياد ساكتين ويتفرجو
اسلام؛عليك فيلم هندي
اياد؛اسكت الله ونبي
سالم؛تعالو قصي وقيس سلمو على جدكم
قصي؛ههه اسكت تو ينفجعع انه نشبهو لبعض
قيس؛اسكت يا غبي
وقدمو سلمو على جدهم
جدهم؛مشالله مشالله توأم ربي يحفظكم
قصي؛ويحفظك يا حاج
قيس قدم وسلم على احمد وقصي كدالك
احمد؛لا قوة اله بالله مشالله
سالم؛احمد وحسام تعالو خيركم
احمدوحسام سلمو علي جدهم وعمهم
عبدالله؛تعالو سلمو على ولاد عمكم
قصي مد يده لشباب سلم عليهم؛اني قصي عمري 26سنه نقرأ هندسه معماريه
قيس سلم عليهم؛واني قيس نفس قصي ونقرأ كيف قصي ههه
حسام سلم عليهم؛حسام عمري 28 دكتور جراحه
احمد سلم عليهم؛احمد عمري 31 دكتور اقتصاد
اسلام؛تشرفنا بيكم كلكم اني اسلام عمري 29 ضابط في شرطه
سليم؛اسمي سليم 24 نقرأ حاسوب وتشرفت بيكم
اسامه؛اسامه عمري 25 نقرأ تقنية المعلومات
اياد؛اياد نقرأ كيمياء عمري 22 وتشرفنا بيكم
وتين؛قصي قصي
قصي؛تعالي
جتهم وتين
قصي؛هدوم ولا عمامك
وتين؛اها اهلين
سليم وشباب؛اهلين بيك
قيس؛هادي وتين عمرها 20 نقرأ قانون
جاهم احمد؛يلا نتوكلو
اسلام؛هيا
ع احمد؛قدشش تشبهو لبعض،كم عمرك ياوتين
وتين؛20 سنه
ع احمد؛ههه صغيره؛وانتم يا شباب
قصي؛اني 26واحمد 31 وحسام 28 وقيس كيفي
ع احمد؛مشالله واني احمد عمري 30
اسلام؛هيا نقسمو سيارات جاينه بسيارتين
اني وقيس وقصي وسليم واياد واسامه في سياره وعمي احمد ووتين وحسام واحمد وجدي وعمي سالم في سياره تمام
كلنا؛تمام وركبو كلهم وعدو للبيت جد
طق طق
سارههه؛حييييي وصلو
طلعت خديجه وفتحت الباب
خديجه تبكي؛......
يتبع..
رايكم سامحوني على اي خطأ لاني نكتب بسرعه
......