#هتلر 8 .الجزء الثاني ...والاخيره 🔥
شاهين:الووو؟؟
الاء:فات ع روحها ..اها حبيبي
شاهين:نستنى في ردك الاء؟
الاء:في لحضه اذكرت سليم وكيف كان يعامل فيها وجب سليم وكيف عوضها ابتسمت ....معاك للموت حبي طز فيهم الفلوس تو نبدو من الصفر انا وياك اهم شي حبنا ومتتغيرش عليا بس ❤️
شاهين:تنفس بي راحه...نحبك الاء
الاء:نموت فيك ياعمري ❤️
____________
نور:مالك خوفتني شن في؟
مالك:مسح علي خدها...متخافيش خيرك؟
نور:شن في به
مالك:البسي خلينا نمشو لحوش اهلي ...اليوم تطلع نتيجة مرت علاء ع الاقل لو صار شي تكوني جنب امي
نور:شافت لي عيون مالك بشك كأنه مخبي حاجه
مالك:تالفونه رن...باس نور ع راسها ..هي نوضي البسي
نور:هزت براسها وناضت بدون متحكي
مالك:ناض رد علي تالفونه وتباعد
نور:مقدرتش تلبس ولا ادير اي شي ...لان طول الايام يلي فاتو تصرفات مالك غريبه!!
بدي يشد في التالفون هلبا ويبتسم ومش مركز كأنه في شي شاغله
مالك:وقف في الصاله يحكي وعاطي بضهر وهنايا نور استغلت الفرصه وقربت عشان تسمع !
مالك:ههههه هبله اقسم بالله ..المهم نوصلها حوش بوي بعدين انضمو جونا ع الاقل تكون مهناش...تم ياحلو ...وسكر الخط
نور:رجعت لحمام الغرفه بسرعه مصدووومه تشوف للمرايا كانت تتوقع من كللل العالم الا مالك يديرها!!!
معقوله مالك يخونها؟يخون نور يلي ميته فيها ودار العار عشانها!معقوله بعد الحب والغيره وكل شي يطلع مالك هكي!!
طق طق طق
نور:نقزت من مكانها بي فزع وجاوبت بصوت متوتر...اااءء اء نعم؟
مالك:هيا نورتي وقت عليا
نور:بصوت مخنوق وبتبكي...بب به شويه بس
مالك؛تمام مقعمز في السياره انا
نور:به
مالك:خذي مفاتيحه وطلع لي السياره وعيونه في التالفون
اما نور لاول مره حاسه بنااااااار تاكل فيها من داخل ..سمعاته بودانها💔بيرفعها حوش اهله عشان يفضاله الجو 💔
_________________
نهله:ركابها معش قدرت تتحمل قعمزت ع الكرسي بحيل مهدود ووجها اصفر لما سمعت علاء يبكي في التالفون...ولدي ولدي شن صار
علاء:يده علي عيونه ويحاول يتكلم بس البكاء كان غالبه 💔
نهله:بدت تبكي معاه والاء تستنى رغم انها شبه عرفت الجواب💔
علاء:بصوت يشهق بي البكي...التحاليل طلعت نضيفه يماا...مش قادر نصدق ان الحمد الله خلاص معش فيها شي
نهله:بدون متحس طلقتها صغروطه عاااااليه وسط دموعها ❤️والاء قعمزت بي ارتياح
علاء:يمسح في دموعه ...بكرا بناخذلها باقي العلاج وان شاء الله نروحو
نهله:تبكى ....الحمد الله الحمد الله ياربي وينها هيا وين
علاء:في الغرفه مش قادر نخش عليها بي حالتي هاذي
نهله:سلم ولدي ربي عطاك علي قيس نيتك ربي يسهل دربكم ياااااارب
علاء:خذي نفس..يارب ❤️يالله سلمي علي باقي العيله وطمنيهم
نهله:ان شاء الله هي في حفض الله
علاء:سلامات
نهله:سكرت الخط وبدت تحمد في ربها من قلبها جديات اخيراااا الفرحه بتخش الحوش
الاء:الحمد الله اخيراااا...بنمشو اليوم لي نيروز ؟
نهله:غضوا ان شاء الله من الصبح
