لا اعرف الثبات

انكسار القلب

عندما نرى من نحب قد نزف قلبنا بسببه
سنتمنى الموت الرحيم ،،،،
البارت السادس

،،،اسداتصلت بيها لان امي راح ترجع ويبقة فهد يم علي فترة وترجع (الوووو راح اجي اخذچ امي جاية)
(ماشي ،،،،بس اسد بعد كم يوم عرس اخوية شلون؟!)
(الله كريم عود )
(ماشي ،،)
وصلت للبيت دكيت لباب طلعلي اخوها ميسلم عفتة محاجيتة  تصلت بيها مترد صرت اتصل اكثر من مرة الى ان ردت (طالعة )
طلعتي عيونها مليانة دموع وتشهك ومحد طلع وراهة باعت بجهي ودمعة بعيونها كالت اخذني منا مااريد ابقة ولا ثانية حسيت كلامها نابع من قلب مكسور وهذة الاحساس خلاني انظر  نظرات حب خلة قلبي ينبض وبنبضاتة نتقل شعور الى اجزاء جسمي كافة صار جسدي ناعم انعم من ريشة وبدأ يطمئن لوجودهة بمحيطي هذا جسد الي مات ومرجع للحياة من اختفت روح امامة وقدر ينقذها ،،،،

،،،،عذراء ،،،،،احس بشعور يخنك صرت بس ابچي واشهك مثل لطفل لمضيع اهلة اسد ظل ثابت بمكانة محاول يواسيني او يحجي كلمة وياي استمرت دموعي تجي الى ان حسيت بلتعب وسكتت
(ارتاحيتي نكدر هسة نرجع!؟)
هزيت راسي (اي!)
ظليت صافنة بلشوارع ومافكر بشري بس حسيت انو طريق طول او يمكن تفكيري طول ؟!
(شوكت نوصل ؟!)
(ليش تردين ترجعين؟!)
(لا ،،،،بس شكلة طول طريق !)
(ضايچ اريد افتر !)
(اها ،،،،)
اتفاجأت هذة ليش مسئل ليش ابچي جامد ولا يعرف يجامل ظلينة ماشيين صارت ساعة ١١:٣٠دقيقة بليل ولبيت مابي احد بس ياسمين ونجلاء
(اسد ودينة للبيت ترة لبنات وحدهن )
(اي هو راح نوصل بعد شوية بس اخذ اكل من برة)
(ماشي ،،)
اخذلهن نص دجاجة ومحشة بتمن وصلنا للبيت نزلت من سيارة
دخلنا للبيت سوة طلعت نجلاء تركض
(اسد حبيبي عاشت ايدك )
(نجلاء حبي حبيبچ هم جوعان هاچ الاكل وكلي واكلي)
حجيتها وباوعت صفح وعفتهم ورحت

،،،،اسد،،،،،ههههه حبيت ردهة لنجلاء كالتهة وهي معصبة رفعت حاجبها حاجبهة وكح ههههه اخذت الاكل نجلاء واجت يمي كمشاني من ايدي
(اسد حبيبي يلة امشي خل ناكل !)
وخرت ايديها ورحت
(من تكملين صيحيني )
صعدت وراهة للغرفة شفتهة تنزع بشارها وتحجي على نجلاء بعصبيا صافن عليها تخبل وهي معصبة وتحچي على نجلاء كأن تغار
(تغارين علية؟!)
(شنو ،،،لا غلطان !)
(بس الي دأشوفة لغيرة راح تنزل تضرب نجلاء)
(هههه غلطان صدكني اني شعلية )
(أوكي ،،،انصحچ انتبهي على قلبچ ليروح يهاجرچ)
(في قاموسي انا من اهجر )
(خل نشوف ،،،،يلة تعاي خل ناكل )
(اجهز نفسي واجي )
هههه فاجأني بكلامة معقولة حبني لا هو اصلاً قلبة ميت واني هنا فصلية يعني زوج مؤقتة
(ياسمين ،،،،،ياسمين ،،،،ياسمين)
(اشبيچ اتقربي لغرفتي وصيحي خبصتيني خبص من غرفة اسد لهنا صيحين )
(اسكتي خل احجي )
(اي مضرطي )
(باعي على الاكل هسة من ناكل خلي اكعد يم اسد هههه)
(ليش ؟! شتريدين سوين شيطانة؟!)
(شسوي يعني اريد انتقم اول مااجينة اجتي مثل لنغر حبيبي اسد حبتچ حية )
(هههه خرب يومچ ماشي يلة امشي )
نزلت اني وياسمين هي شفتها حاطة صينية وكاعدة هي بصفة شلون نفسيات يعني رجال مزوج وهو منعلرها عوذة من شرچ
ياسمين(نجلاء فدوة سويلي طماطة اريد اكل وية لدجاج)
(مابية حييل روحي انتِ )
عذراء(اكلچ انتِ لا مي جايبة لا خضرة شلون صينية عدنا لسوي هيچ يعني مو نظيفة مصير جنة)
(انتِ بذات اسكتي ،،،،وبعدين انتِ ثانية هاي طماطة شنو مشوفين)
اسد(يعني شلون اكوم من الاكل )
(لا حبيبي اسفين ماكو شي كمل )
(دكومي جيبيلي مي )
هي كامت اني كعدت وطكيتها بضحكة عالية
ياسمين(اسكتي ولچ)
(اوكفي اوكفي ولچ )
اسد(قبل شوية كلتي مااغار )
(اني مااغار بس اكره هذة لبني ادم)
نجلاء (اي كومتيني حتى تكعدين مو )
اسد(اسكتي نجلاء اني كتلها)
عذراء(هيچ احسلچ)
اسد(كافي خل ناكل)
(اكل ياهو يمك)
(انتِ يمي كافي سكتي)
جاي ناكل ولوكية نجلاء كل شوية حبيبي اسد هاك هذة طيب وهوة ولا يمها ماعدها احساس ،،،كملنا اكل وصعدت للغرفة هو صعد قبل كان متمدد على سرير ويتفرج تلفزيون نزعت حجابي وردت اسبح شفت كلبية جسمي بارز منها وثانية لا فكرت بكلامة ليوم وكلت خل البس لتبرز جسمي اشوف اكو ايجابية