لا اعرف الثبات

هل سأكون معه

البارت الثالث عشر

،،،،ضليت بين احضانة لدافية وغفيت ومحسيت على روحي الا لمن يكعدني اسد يصيح كومي ولچ سويتيلي
(يمة شكو سويتلك )
(ولج ساعة ٩:٤٥دقيقة شوكت اجيب ياسمين !)
(اي محد كلك نام لهيج وكت ؟!)
(اسكتي وكومي كلة من وراج )
(اني شعلية غير انتَ اجيت ونمت يمي )
(دكومي خل نروح نجيبها بدلي بسرعة لان رجل خالتي ينام من وكت )
(ماشي ،،،ماشي،،)
كمت طلعت صايتي وشالي باوعت على اسد دخل للحمام وطلع مبدل منطرونة وكال طلعليلي لبدي لنيلي
(ماشي ،،)
انطيتة لبدي وطلع وكالي انتظرج مواح اصعد اصيح بسرعة كملي وطلع وسد لباب اني كلت خل ابدل بسرعة نزعت ملابسي وبدلت بسرعة ولفيت حجابي ونزلت لاسد شفتة واكف يم سيارة صاح تعالي يلة رحت صعدت بلسيارة وشغلها وطلعنا لبيت خالتة نزل هوة كتلة مااريد ادخل راح من يم لباب سلم على ابوهم وجاب ياسمين واجة ورجعنا للبيت ،
(اسد راح نرجع )
(اي شنسوي بعد بلشارع )
(دشغللنا اغاني وخلينا نفتر بلشارع شوية ورجعنا )
(عذراء لوقت متأخر صار شي بلشارع وانتن نسوان وياي )
(والله من سوي شي بس نشغل اغاني ونتونس شوية ورجعنا حباب )
ياسمين(اي اسد فدوة ضوجة )
(شوية ونرجع )
(اي والله 🙂)
فتحت بلوتوث بجهازي وشغلت اغاني تخبل ونغني ونباوع على سرعت اسد تخبل سرعتة ولا يخاف ،كاعدين نسمع اغاني جان تطلع اغنية لفنان محمود تركي شكو بيها باوعت على اسد وتقربت يم اذنا وهمست شكو بيها اذا تحظني ههههه اباوع علية صفر وجهة وياسمين صيح ها ها شجاي سوون وصاح اسد شتعلوو اهلچ ههههه
(هاي فوكاها )
ياسمين(شكو صار )
اسد (خل نرجع للبيت 🤨)
ياسمين(شبيكم مو جنة متونسين 🙁)
عذراء (ماادري اخوج ليش ضاج)
(شبيك اسد؟!)
(هيج كولشي ماكو مو كافي)
(ماشي اني هم عندي دوام باجر )
وعم السكوت واني وحدي اضحك وهوة يباوع علية الى اني وصلنا للبيت حط سيارة بلكراج ودخلو لفتاح بيد اسد واكفين ننتظر اباوع على اسد لمفتاح كالبة ويكول ليش ميدخل هذا
(ههههه اسد لمفتاح بلمكلوبي )
(ها منتبهت )
ياسمين(لااكو شي صاير )
(اسكتي ،،،)همست بايذانها بعدين اكلج
دخلنا للبيت صعدت للغرفة دخلت اضحك وضحكتي عالية دخل وراية كلي ليش ضحكين
(هيج 🙂)
(ضحكين علية مو ؟!)
(معاش من يضحك عليك 😉)
(شكتيلي بلسيارة )
(اي حجي تقصد 😏)
(لمن همستي باذني )
(ليش مسمعت ؟!)
(لا ،،،)
(راحت عليك لعد )
(صدك )
(اي اني ماعيد كلامي )
(لا والله )
(اي والله)
دحجي ويا جان يكول سمعت شتردين مني يلة تعاي اخذي كولني الج
(لا بطلت مااريد )
مشة باتجاهي بطأ ويبتسم واني ارجع ليورة بس دقات كلبي احسها دق بكل مكان بجسمي تقرب اكثر وحصرني بزاوية من لغرفة وكلي انتِ مو تردين هذا شي ضحكت ودفعتة وجاي انهزم رجعني لنفس لمكان كلي ها شنو تراجعتي عن كلامج كتلة لا متراجعت بس دحكمل حجي وسحبني لحظنة وجر نفس وكال اوووف ربي وين جنتي عني حسيت بعمق حبة وكبر عشقي الة وشبكتة بقوة
(اسد مااريد اخسرك )
(الله كريم يروح اسد الله كريم )
وخرني من صدرة وباوع علية كلي تحبيني سؤال خجلني بتسمت وتقرب وباس جبيني وتركني ونزل حسيت روحي مالكة حديقة وردها ميزهر الا بشوفت لحب مال هههه .