حب مرفوض

الحلقة الثانية

حب مرفوض

الحلقة الثانية
________________________
"سلمى تروح البيت تتغدى مع مامتها وتمشى تروح الشركة وتخش المكتب وتتفاجئ "
سلمى : انت ؟؟
احمد بصدمة : سلمى !!!
سلمى بكسوف وحيرة : انا انا ... سلام انا ماشية
احمد : تمشى فين استنى
سلمى : مهو مش هينفع
احمد : هو اية اللى مش هينفع وبعدين جيتى هنا لية
سلمى : انا كنت جاية تبع الاعلان اللى فى الجرنال طالبين فية سكرتيرة
احمد : اه اه وانتى جاية علشان المقابلة وتشتغلى
سلمى بكسوف اوى : احم ايوة
احمد : يا ستى وانتى من دلوقتى اتعينتى وتقدرى تستلمى الشغل من دلوقتى لو عايزة كمان
سلمى : لا انا رجعت عن قرار الشغل دا واسفة
احمد : لو مكسوفة علشان هتشتغلي فى شركتي احب اقولك ان انا بردو كنت  فى شركات تانية كدا علشان اكون نفسى مبقتش صاحب شركات كدا علطول ووالدى نفس الحكاية يعنى دى مفيهاش كسوف
سلمى : بس
احمد : مبسش انتى خلاص اتعينتى سكرتيرة لمكتبي فى الشركة
سلمى بفرحة مخبياها : خلاص ماشى موافقة
احمد : سلمى مش قادر اوصفلك فرحتى لما شوفتك وفرحتى انك هتشتغلي معايا وفرحتى اني كلمتك
سلمى بلخبطة : ااااا طب انا لازم اروح علشان الكلية الصبح وعلشان اجى استلم الشغل بكرا
احمد : خلاص ماشى نبقى نتقابل بكرا في الجامعة
سلمى بكسوف : سلام
احمد : سلام
__________
"احمد يتصل بخالد "
احمد : ازيك يا خااالد فينك كدا
خالد : اية دا غريبة يعني
احمد : هو اية اللى غريب يابني
خالد : صوتك مالو فرحان كدا لية ومنشكح اوى
احمد : هتعرف لما نتقابل دلوقتى .... قابلني على الكافية اللى بنقعد علية يلا وانا جاى
خالد بتعجب : ربنا يستر ...... ماشى
"خالد يكون قاعد على الكافية واحمد يجي
خالد : ها ياسيدى ايه اللى مطيرك من الفرح كدا
احمد : قابلتها يا خالد
خالد : هى مين اللى قابلتها
احمد : يوووه فتح مخك معايا كدا هيكون مين يعني غير سلمى
خالد : لا والله ودي قابلتها فين
احمد : جاتلى الشركة النهاردة تبع الاعلان اللى فى الجرنال وكانت طالبة شغل
خالد : هااا وعملت اية
احمد : اتكسفت منى وكانت مش عايزة تشتغل وانا اقنعتها وشكل دا هيبقى بداية الطريق يا خالد...... حاسس انى بحبها اوى مش عارف لية يا خالد
خالد : يا بختك ياعم الحظ معاك اية دا ... زى ما يكون الحظ ماشى معاك فى كل حتة
احمد : يالهوى على عينك اللى هتموتني دى
خالد : عقبالى ياعم اما اكلم دارين انا كمان
احمد : هههههههه
خالد : اضحك اضحك مهو ناس هايصة وناس لايصة
احمد : وربنا انت شكلك يضحك لوحدوا ههههههههه
_________
"سلمى فى البيت قاعدة بتفكر فى اللى حصل "
سلمى لنفسها : معقوووول !! هو دا الحب اللى دارين كانت بتقول علية .... انا حاسةفعلاا احساس غريب ناحيتو
... هل دا فعلا الحب والا هو استلطاف متبادل بينى وبينو .... حاجة غريبة انا اول مرة اتشغل بحد كدا .... طب لو فعلا حب .. هعمل اية ساعتها دا مش من مقامي .. هو غنى ومن عيلة غنية وانا يدوب بسيطة جدا وملقش بيه ....
لا لا لو فعلا حب يبقى لازم امنعو ... ازاى احب واحد غنى وانا فقيرة ... الناس هيقولو اية .... يوووووه انا هتجنن
"موبيل سلمى يرن وتلاقي دارين"
دارين : ازيك يا جزمة لازم انا اللى اسأل يعني
سلمى : معلش بقا
دارين : مال صوتك ؟
سلمى : مفيش
دارين : لا فية قولي بقا مالك
سلمى : فاكرة لما كلمتينى عن الحب ؟
دارين : ايوة لية
سلمى : بصى انا هحكيلك كل حاجة
"سلمى تبدأ تحكى كل اللى حصل "
دارين : ههههههههه مش قولتلك هتقعي فى الحب وهتجربية اديكى بنفسك بتسألينى اهو
سلمى : انا مش بهزر .. لو طلع بيحبنى فعلا انا مش هوافق على دا علشان زي ماقولتلك
دارين : يا سلمى افهمى الحب ملوش دعوة بغني او فقير.. الحب بيحس بيه اي حد ومش لازم نمنعه
سلمى : بس يا دارين انا خايفة اوى
دارين : خايفة من الحب ؟
سلمى : ايوة
دارين : متخافيش .... سبيها على ربنا وهو فعلا لو بيحبك هيعترفلك ولازم انتى بعدها تعترفيله وشيلي من دماغك حكاية الفقر او الغنى دا
سلمى : مش عارفة ..... ربنا يستر بقا .... يلا سلام علشان تعبانة اوى..... وهنام تصبحى على خير
دارين : وانتى من اهل الخير
_________
خالد فى البيت وباب الجرس يرن ويفتح
خالد : مي !!
مى : ايوة مي
خالد : اتفضلى خشي ..... وانتي اية اللى جابك
مي : يا خالد انت زمان مش كنت بتحبني ووعدتنى كذا مرة بالجواز وانا صدقتك
خالد : اديكي قولتي اهو زماااان .... وبعدين البنت اللى تفرط فى نفسها ملهاش لزمة عندي
مي : مش انت اللى كنت عايز كدا وبعدين انا كنت مصدقاك لما قولتلي هتجوزك
خالد : وانا رجعت فى قراري
مى : وابنك اللى فى بطني دا اعمل فية ايه
خالد : انا مش قولتلك روحي دوري على اب غيري وبعدين انتي فرطتي في نفسك يبقى اكيد عملتي كدا مع حد غيري كتير
مي بعياط : حرام عليك انت لية بتعمل كدا
خالد : يووووه انتى لازم كل يوم تنكدي عليا كدا
مى : يعني هتفرح لما افضحك فى الجامعة
خالد : ههههههههه افضحي براحتك انتي اللى هتضري وسمعتك هتبووظ وهتبقي وشك في الارض ومحدش هيكلمك وهتضيعي
مي : حراام عليك ... حسبي الله ونعم الوكيل فيك
خالد : متشكرين ممكن بقا تمشي علشان عايز انام
مي بعياط : حاضر
__________
"تانى يوم فى الجامعة "
سلمى : انا خايفة اوى يجي يكلمني يا دارين
دارين : متقلقيش خليكي كدا واثقة من نفسك
سلمى : ربنا يستر
دارين : امال فين البت مي
سلمى : معرفش ... قعدت ارن عليها الصبح ومردتش
دارين : نبقى نعدي عليها لما نخلص ونشوف مالها يمكن تعبانة
سلمى : ماشي
دارين : انا هروح اجيب المحاضرة اللى فاتتني من شهد خليكي واقفة جايلك علطول
سلمى : ماشي
"دارين تمشي ويقع منها الكشكول وتوطي تجيبه وتقوم ولسى بتمشي وتخبط فى خالد "
خالد : احم انا اسف
دارين بكسوف : ولا يهمك
خالد : انتى دارين بقا صح
دارين : ايوة
خالد : وانا خالد
دارين : اهلا
خالد : انا كنت عايز اكلمك بقالي كتير بس
دارين : بس اية
خالد : ااا بس كنت خايف الصراحة اجي وتكسفيني وتزعلي
دارين بكسوف : اممممم طب معلش انا لازم امشي ممكن ؟
خالد : ايوة طبعا بس احنا هنتقابل تاني ونكمل كلامنا
دارين بخجل : ان شاء الله
"دارين تمشي وهي فرحانة اوى وتحكي ل سلمى "
سلمى : ما شاء الله اللي بتتكلم عن الحب قلبت بطة بلدي لما خالد كلمها
دارين : ههههههههههه بس بطلي بقا يا رخمة
سلمى : هههههه ماشى يلا بقا نطلع المحاضرة
دارين : يلا
"دارين و سلمى يخلصو المحاضرة وسلمى تخرج وتلاقي احمد مستنيها"
احمد : ازيك يا سلمى
سلمى بكسوف : الحمد لله
احمد : ها الجامعة حلوة معاكي
سلمى : اه يعني
احمد : وحشتيني من امبارح
سلمى بكسوف : ا ا طب ممكن امشي
احمد : سلمى متتهربيش مني .... سلمى انا بحبك
سلمى بفرح : ايييه!
احمد : انا بحبك يا سلمى
سلمى بلخبطة : طب طب انا لازم امشي علشان رايحين ل مي انا ودارين
احمد : ماشى بس عايزك تفكري فى اللي قولتهولك وادى رقمي علشان لو احتاجتي اي حاجة
سلمى بكسوف : ماشي
__________
"سلمى ودارين يخرجو من الجامعة ويروحو ل مي "
سلمى ودارين بيخبطو ومحدش بيفتح
والبواب يجي
سلمى : هى مش موجودة
البواب : لا هي مخرجتش من امبارح بليل من الشقة
دارين : طب احسن يكون حصلها حاجة ممكن تكسر الباب
البواب : حاضر
"البواب يكسر الباب ودارين وسلمى يخشو ويتصدمو ودارين تعيط وسلمى قعدت تعيط جامد وطلعت الموبيل
واتصلت بأحمد
احمد : ايوة يا سلمى
سلمى بعياط : الحق يا احمد مي قطعت شراينها وانتحرت هات بسرعة عربية اسعاف وتعاااالى 
____________
"فى المستشفى"
خالد : ها يادكتور اية اخبارها دلوقتى
الدكتور : هي دلوقتي بقت كويسة الحمد لله انكو لحقتو وجبتوها
سلمى : الحمد لله
دارين : بس هي عملت كدا لية؟
"خالد واحمد يمشو على جمب ويتكلمو "
احمد : انت اللى عارف مي يا خالد .. اية اللي عملتو دا ولية
خالد : ما انت عارف يا احمد انها كل شوية تفكرني باللى حصل قبل كدا ومصممة انها بتحبني وجاتلي امبارح بليل تعيد نفس الاسطوانة بتاعة كل مرة وطردتها
احمد : ياجدع انت معندكش قلب ازاي تعمل كدا اديها انتحرت بسببك ولولا ربنا كانت ماتت
خالد : اللى حصل بقا وسيبك من الموضوع دا وسبنى بقا علشان انا متعصب
"خالد يمشى ويسيب احمد وهو متعصب ويمشي ودارين تلاحظ "
سلمى ودارين يخشو يقعدو مع مي فى الاوضة واحمد يخش عليهم ويقول : انا ماشي ولو احتاجتوا حاجة كلموني
..... ويمشي "
دارين : انا هموت واعرف هى عملت كدا لية
سلمى : معرفش وانا بردو بس اكيد فيه حاجة
دارين : يارب بس تفوق وتبقى كويسة
سلمى : يارب
_________
فى بيت امجد
امجد : بقولك اية يا حازم .... فى مصلحة اليومين اللى جايين دول
حازم : مصلحة اية دى
امجد : بضاعة وعايزين نستلمها ونسلمها للكينج
حازم : والبضاعة دى اد اية
امجد : 2 طن
حازم : يا نهار اسود عايزنا نستلم 2 طن بودرة
امجد : متقلقش كل حاجة مترتبة وجاهزة ومتفقين على كل حاجة والرجالة جاهزين
حازم : بس بردو وافرض البوليس كبس علينا هنعمل اية
_______