ليست إلا بداية البداية " الجزء الاول"🏛️

الحلقة الاولى

سلام عليك اليوم جبتلكم وحد القصة نارررر تهبل انا ألفتها و كول نهار نحط حلقة على الساعة 20 

نبداو بالبطلة تاعنا و هي تعرفكم بروحها و تحكيلكم حكايتها

سلام انا نور عمري 25 سنة سمراء عينيا كبار و كحولا و شعري كيف كيف عندي لاتاي 8 ولا كيما يقولي حوتة  . حكايتي بدات نهار لانيفارسار تاعي (عيد ميلادي ) هداك نهار بالنسبة ليا كان مهم بزافففف بالنسبة ليا هداك نهار وليت كبيرة فنظر قاع الغاشي و ب موجب القانون و اخيرا رايحة نقرا وين حبيت و نحقق حلمي انشاء الله (انا الفتاة الوحيدة فعائلتي معنديش خاوتي بابا عندو شركات كبار خدام فيهم و ماما مفتشة رياضيات ) هداك النهار لبست سروال جين و تريكو باج و زدت ملفوق فاست كوير بيضا شعري خليته محلول و كونفارس بيضا عندي حب حياتي فارس (لكن هو عائلتو حتمت عليه يقرا ادارة الاعمال فامريكا و مكانتهادروش بزاف و لكن نحبو ) و هبطت سلمت على ماما و بابا و كانت عندنا ماني 

سمية (ماما) = عيد ميلاد سعيد يا احلى بنت في العالم 

شهاب (بابا)= عيد ميلاد سعيد يا عمري يا عينيا كول عام و نتي بخير و اليوم طلباتك اوامر 

نور= ماغسي يعيشكم ربي يخليكم ليا 

فاطمة (ماني) = بعدو هادي بنتي و اليوم جبتلها احلى هدية ارواحي معايا تشوفي 

و كانت المفاجئة ماني جابتي طونوبيل أودي (بحكم جدي كي مات هي دات دراهمو و دراهم البطالة تاعو و عمومي لوخرين كلهم صرفو قاع دراهمهم و دوك عايشين قيسهم  قيس روحهم عكس بابا لي عرف يستهلكهم او ولا من اغنى رجال الجزائر )

نور = شكرا بزاف ا ماني العزيزة ربي يخليك تاج فوق راسنا 

و بابا زاد جابلي البارمي انا كنت جوزتو مقبل بصح ممنوع نديه و نسوق بيه حتى نقفل 18 سنة و اول عيطتلي صحبتي مرام لي هيا بطلة من حكايتنا 

مرام = كوكو بيبي كي راكي 

نور = والله غاية حمدالله و نتي

مرام= اسمعي تفاهمت مع البنات نخرجو اليوم نروبلوها ارواحي لريستورو ****** 

نور = اوك 5 دقايق نكون تما ................. باباااااا انا عندي بزاف مصقتش تقدر تديني عند صحباتي سور موجدينلي سوربريس

شهاب= طبعا نور عينيا يالله نفطرو و نروحو 

فطرنا و روحنا وصلت و درنا شوبينغ كبير و فالنص اتاصل فيا فارس 

فارس = كوكو المهبولة كي راكي 

نور = والله حمدالله و انت 

فارس حمدالله عيد ميلاد سعيد كبرتي يا الحبيبة تاعي سمحي ليا منقدرش نجي غارفة محبتك عندي 

نور = شكرا ربي يخليك لاكن وش هادي الحبيبة تاعي 

فارس = تساليني نتي حبيبتي و نقولك كيف ما نحب 

نور = هههه و كوبيت 

بعدها واحد ما جبدلي حكاية عيد ميلادي  و انا بديت نتغشش و رحنا لواحد الريستورو كبيراااا و مفخمة و قعدنا كلينا و اوب حتى جابولي لاتاغت و دارولي انيفارسار و جاو لي يقراو معايا الكل و واحد منعفرفوش كان عندو كور يهبل و لحية مطراسية و عينيه خضر بيض يفتق بالزين 

نور = مرام شكونو هذا معرفتوش 

مرام = شبيك يخي عجبك هذاك إياد صاحب يوسف لي يقرا معانا 

نور = لا معجبنيش انا فحياتي مشفتو برك سولتك مافيها حاجا 

و كملنا و رحت لدارنا مع عمي احمد (الشوفور ) وصلت دارولي عيد ميلاد كبييير و الكل يهدرو عليه لبست غوب ميني فالبلو سيال و لميت شعري و خرجت و يلي حنا عائلة مشهورة جا الإعلام و خلاص هداك نهار و لكن حاجا مفهمتهاش إياد مبغاش يخرج من عقلي و انا نفكر فيه و أوووب وصلني ميساج فالواتس من نيميرو جديد 

x= سلام انا إياد صاحب يوسف لا عرفتيني جيت اليوم لانيفرسار تتاعك

انا حسيت برعشة غريبة فكل جسمي  و قلت بلي حاجة عادية 

نور = ااا سلام ايه عرفتك راك مليح

إياد= خمدالله الصراحة لقيت تلفون يوسف عندي و صبت نيميرو تاعك عندو و قلت نبعتلك نعتذرلك على صباح جيت بيديا فارغين مكنتش عارف

نور = هههه لا ولا يهمك انا منهتمش 

و بقينا نهدرو بلا ما نحسو حتى لصباح  و من حسن حظي كانت عطلة تاع شتا و لكن فرحتي مادامتش و صونا تلفون رقم غريب بزاف مشي عادي رديت 

نور = الو شكون معايا 

x = مرحنا نتي نور ***** 

نور = ايه هيا انا شكون معايا

x = معاك وسيط من وكالة الانجليزية في الجزائر 

نور = اا مرحبا وي انا كنسمعك

الوكالة = الصراحة يا لالة نتي هذي مدة جبتي الباك تاعم بمعدل 18 الله يبارك و سمعنا انو حلمك تقراي بجامعة اوكسفورد و الجامعة بحد ذاتها بحثت عليك اذا مازلك شادة في رايك تقدر تجينا اليوم على 15 و جيب معاك اهلك

نور = شكرا غا نشوف انشاء الله 

و بالفرحة  رحت نتاصل بمرام  بالغالط اتاصلت باياد 

اياد = الوو نور وشبيك غير الخير

نور = اااا اياد سامحني غلطت باش نتاصل بمرام اتاصلت بيك 

المهم خبرتو و فرحلي بزاف و لكن حسيت نبرة حزن فكلامو و اتاصلت بمرام

لبقية الحكاية بليزز فوت و كومنت  رح نستناوكم باقي الحكاية فيها بزاف إثارةةةة اتسناونا