ليست إلا بداية البداية " الجزء الاول"🏛️

الحلقة 7 الجزء 2

راني جيت و هادا درتو فخاطر لي متبعين القصة محبيتش نخيبلهم ظنهم 

فارس هبط يجري 

فارس= نور واش راكي ديري اهه فهميني وش راكي ديري

نور= راك تشوف ندرب وش بيك فحياتك ما شفت كابوس

فارس= نور مانيش نضحك معا واش هادا كيفاه تتدربي علاه راكي فلارمي

نور = اوهه تسقسي بزاف علبالك

فارس نحاهولها من يدها و بدا يعيط = نور فهميني دوك واش هادا جيت نشوفك كي راكي مريضة معد نضت صبتك رافدة كابوس و تضربي بيه نورمال 

نور=ههه متخافش منديرلك والو هادي خمتي برك و نتا مكانش لازم قاع تعرف بهاد الحاجة و دوك عندك حلين يا تموت يا تولي معانا و طبعا ماراكش حاب تموت صافي سور تولي معانا

فارس= فواش نولي معاك نور هبلتي متقوليليش برك باباك مالمافيا تان و غلقتلو فمو ببوسة طويلة 

فارس=نوررر يا نورر متهبلينيش متفهميش متهبلينيش نور فهميني اهدري نور علاه راكي ساكتة نورررر

نور = واو هادي اول مرة تنطق فيها اسمي قاع هكا خلاص اقعد طوك انا نخددم فمنظمة سرية عالمية تخدم على تفكيك المجموعات الإجرامية فالبلدان صح انا صغيرة بصح كنت مجبورة نبدا نتدرب مل عمر 9 سنين خاطر جدي خلالي هاد المنظمة امانة فرقبتي و ملاك بنت عمب تعرفها هاد العام تنظم معايا و قاع عائلتي ينظمولها بصح لي كبار عليا واحد معلبالو يعني غير لي صغار عليا و امر الإدارة يبقا بيدي يعني كي تدخل ملاك قادر تديه هي ايذا مديتهولها و الوقت لي نولي للمنظمة نرجع انا الرئيسة حاجة ماتتبدل و للأسف بما انك عرفت يا تنظم يا (دارت الكابوس فراسو)تموت مع اني نحبك بصح هادو هوما القوانين

فارس= واو جامي لا توقعت نور لي تقرا معايا و العاقلة لي قاع حاسبينها تخاف منها تخرج هكا

نور= هههه و انت اكثر شخص علبالك بلي المظاهر خداعة

فارس =ايه انظم بكل شرف فهميني كيفاه دايرة الخدمة 

...عودة الى الواقع..

و نتي فهمتيني الخدمة ياك و فهمت بلب نتي اقوى شخص فالمنظمة و ملاك تان كانت معانا تتفكري كي داهمونا نهار لانيفارسار تاعك و فهمت بلي طامعين يدون ايوه تما كان إياد لي داهمنا و انا قتلك اتخلاي على المنظمة ياك تقدري و حللتك و قتلك يجي نهار تفهمي و نتي كان عمرك 17 و خليتي المنظمة فيد مهند(خو  ملاك) هو كان عمرو 11 و كنتي خايفة عليا قتيلي مام نتا خرج انا قتلك ايه بصح مخرجتش و انا كنت نعاون مهند 

نور=اهه هبلت مفهمتش 

فارس=ياك قتلك متقاطعينيش المهم انا عرفت بلي راهم ناويين يخربو المنظمة و يدوها بصح مايقدروش خاطر نتي الرئيسة لي ملقاوكش و مهند كان شاطر و قدر يدافع على روحو حتى نهار لي جا اياد لعيد ميلادك و تما عقلك و لسق فيك و عرف بلي تحبيني و تاكد تما هو زعف و نهار العرس هو وراك ليماه و عجبتيها و تفاهمت متقولكش بلي عجبتيه هو كان حاب يتزوجك و يديلك المنظمة لي بعدها يخربها بصح ماكانش عرف بلي انا تان داخل فهاداك نهار كي عجبتي يماه هو عيط لاسماعيل صاحبي و قالو ارواحو لهنا و انا كي رحت معاه قعدنا شوية فالبار و دارولي دوا و معلباليش واش صرا بصح بعدها نتي زعفتي مني و ماوليتيش تحمليني و هادي الحاجة الوحيدة لي معرفتهاش و حسبتك زعفتي كي مخطبتكش رحت عند باباك و قتلو نخطبها علبالك نحبو بعضانا بصح هو محبش و دار طبايع عيانين زعفوني و حسيت كاين حاجة بيزار موراها عرفت بلي لي خطبك هو إياد مصبتش حل  و عرفت بلي هدد باباك و على قاع واش راه ناوي و نتي مهبطتيش لدزاير حتى على 3 سنين لي كان قريب عرسك و انا مكانش عندي حل منغير اني ندير روحي اغتاصبتك ايا تاكدت نهار لي خرجو قاع و جيت عندك ديتك لشمبرتك صح شفت كل شي بصح والله مامسيتك جبت دم مصطنع و درتو تحتك و خرجت عيطت لطبيب يجي و يقول لأهلك هكاك و صرا واش حبيت معد إياد كي وصلو الخبر كان جاي عند باباك بصح مقدرش خاطر كان ولا يحبك خلاص و معد انا حكمتو و عذبتو و هو قال بلي ماراهش حاب المنظمة جابك نتي برك و انا هاذيك قلقتني كتر بصح على كل صرا واش صرا و تزوجنا و شوفي دوك الحكاية وين وصلت و للأسف بعد لازم تولي للمنظمة اوك 

نور= اوك خلاص مشي مشكل حبيبي  دوك فهمت مارسي نحبك بزافف يا عينيا والله نحبك بزاف بصح إياد كيفاه نديرو معاها و بابا واش دخلو

فارس= متخافيش اياد عندو بزاف جرائم منشكش يقدر يخرج و باباك عرف بلي كنتي فالمنظمة و معجبوش الحال على هاذي حب يدمرها و مقبلنيش نتزوج بيك انا نصحتو و فهمتو بصح الغش لي كان فقلبو من جيهت جدو ل مرمد باباه بزاف فهاديك المنظمة و هو خاف متسامحيهش لأنو مزالو حاسب كسرتك فالحرام و خسرتلك بنتك 

نور=اههه و انا علاه معلباليش قولي  بصح خلاص فهمت و كي نريح نولي للمنظمة و خير ملي كنت انشاء الله 

بون جماعة هادي تكملة الحلقة 7 مشي الحلقة 8 صافي متتقلقوش بلعقل و تفهمو باقي الحكاية راهي قريب لافان بصح يالله ها شوية فوط و بارتاجو ليزامي تاوعك يقراو هيا و ايذا عندكم كاش افكار قولوهملي اوك

 نستناكم حبايبي