الجزء التاني
*قطوفها دانية*
****
.في صباح يوم جديد
*تتسلل أشعة الشمس الذهبيه لتداعب وجنتيها
مبشرة بيوم جديد*
*تستيقظ روض من النوم مبكرا على غير عادتها وتقوم بعمل روتينها اليومي*
روض_صباح العسل على الناس العسل
الام والاب_صباح النور
الام_اي يا روض مالك سخنه ولا إي
روض بإندهاش_لا يا ماما انا كويسه
الام_اومال صحيتي بدري لي لا وكمان لوحدك
الاب_بطلي يا نادية مناقره مع البنت
روض_أهي كده يا بابا دايما جاية عليا
الام _يا سلام طب مفيش فطار
روض_لااااا لحد كده واستوب معدتي ملهاش ذنب في الحكايه دي
*يضحك كل من الام والاب وروض*
روض_اه صحيح انا كنت عايزه اروح ازور واحده زميلتي تعبانه
الام_خير يا روض مين
روض بحزن_شذى يا ماما طلع عندها كانسر
الام بحزن_يا عيني عليكي يبنتي ربنا يعافيكي
روض والاب _آمين
الاب_خلاص ابقي روحي يا بنتي
روض_شكرا يا بابا..هقوم اكلم حياء بقى واعرفها
*في داخل غرفة روض*
*على الهاتف*
روض_ايوه يا حياء اربعه ونص كويس نتقابل عند كافيه"..".
مع السلامه
*تجلس روض على مكتبها وتشرع في مذاكرتها *
*ويمر الوقت........وروض منشغلة في المذاكرة ثم تقوم بالتصفح على مواقع التواصل الإجتماعي وسماعات الأغاني لا تتوقف.... أذان يليه أذان ولا حياة لمن تنادي*
*"الساعه٤مساءا*
روض لنفسها_ايوه كده خلصت اللي ورايا اقوم البس بقى عشان اروح ازور شذى..اه يا شذى يا ترى عاملة اي دلوقتي اكيد منهارة
*تقوم روض لتغيير ثيابها لتردي ثياب عباره عن بنطال ضيق أسود وقميص أسود واسع بعض الشيء وحجاب وردي قصير يتناسب مع لون بشرتها الخمرية*
روض_انا خارجه يا ماما
الام_ماشي يا روض متتأخريش
روض _حاضر
الام _استني عندك اي البطلون الضيق ده
روض _يووووه بقى يا ماما هو اللي هنعيده هنزيده انتي مبتزهقيش
*تغادر روض وتترك الام حزينة على وضع ابنتها وتدعو الله بالهداية لإبنتها الوحيده وقرة عينها*
.......
*تتقابل الفتاتان عند الكافيه وتذهبان معا إلى المشفى حيث يتم علاج "شذى"*
حياء_انا بخاف من جو المستشفى ده يا روض
روض بسخرية_خوافه
حياء_تعالي نسأل هي في اني أوضه
روض_يلا
حياء لموظف الاستقبال_لو سمحت أوضة " شذى......."نمرة كام
موظف الاستقبال_اهاا انتو جايين لأنسة شذى هي مع البنات في الجنينه
روض بدهشه_جنينه
حياء_يلا يا روض
*تذهب الفتاتان إلى حديقة المشفى*
حياء_بصي شذى أهي
روض وعلامات الدهشة لا تفارق وجهها_اهاا
*روض في نفسها_اي دااا هي دي مريضه كانسر إزاي ...دي عماله تضحك وتهزر ولا كأن في حاجه. ووشها منور كده لي*
.........
*تراهم شذى وتقبل عليهم*
شذى_حياء روض عاملين إي. واحشني كتيررر
*تتبادل الفتيات الأحضان*
شذى_انا فرحانه اووي انكم جيتوا
حياء_إزاي منجيش ألف سلامه عليكي يا حبيبتي
شذى_الله يسلمكم من كل سوء☺ ...ها عاملين اي في المذاكرة
حياء_كويسين يا قلبي☺
*روض وقد فاقت من دهشتها*
روض_هو انتي كنتي بتعملي إي يا شذى هنا
شذى_كنت قاعده مع البنات متتخيليش يا روض البنات هنا حاجه لذيذة إزاي ...دين وأخلاق وحاجة جميله خاالص💙
روض بتلعثم_و.وهما ككمان عنددهم ك.كانسر
شذى بإبتسامه _ايوه ☺
شذى وقد لاحظت شرود روض_...مش معنى ان الانسان ربنا إبتلاه بحبة مرض يبقى يقاطع الدنيا ويزعل بقى وينهار....تعرفوا انا فرحت جدا لما عرفت ان انا عندي كانسر
حياء وروض بدهشة _إزاي
شذى_عشان دي فرصتي إني اقرب من ربنا أكتر
انا كل ما الكيماوي يوجعني بفضل كتير أحمد ربنا وأستغفره ...عشان هو بيحبني عشان كده ابتلاني☺
روض بشرود_انتي إزاي كده إزاي صابره على كل ده....
شذى_عشان بحب ربنا وربنا قال بسم الله الرحمن الرحيم"*وبشر الصابرين الذين إذا اصابتهم مصيية قالوا إنا لله وإنا إليه راجعون أولئك عليهم صلوات من ربكم وروحمة"*
صدق الله العظيم
يعني ربنا يقولي كده وانا ازعل ..
إحنا عايشين عشان نرضيه .ربنا إدانا كتير أووي وإحنا مهما عملنا مش هنوفي شكره وحمده
حياء_ونعم بالله
*وأثناء حديثم تأتي عليهم فتاة ذات ملامح جميلة جدا وعينان خضرواتان تردي جلاب أسود فضفاض وخمار أبيض يزيد نور وجهاا*
...._السلام عليكم يا قمرات
شذى وروض وحياء _وعليكم السلام
شذى_أعرفكم يا بنات دي "*حور"*...حور دول صحابي دي روض ودي حياء
حور_الله اسمائكم جميله
حياء_انتي اللي إسمك مميز وجميل
حور_تسلمي يا قمري..إيي يا روض سرحانة لي
روض_هااا لا ابدا مفيش ...هوو انتي بتتعالجي هنا
حور بإبتسامه_ايوه انا هنا بقالي ييجي خمس سنين...كل ما ربنا يريد وأخف ..يطلعلي حاجه تانيه...بقيت محتاجة صيانه
روض_ربنا يشفيكي
الجميع_آمين
حياء _طب إحنا هنمشي بقى عشان منتأخرش
حور بتذمر_لي بقى ده انا حبيتكم خالص أقعدوا شويه
روض_هنبقى نيجي تاني أكيد
حور_وعد
روض بضحك على تصرفاتها الطفوليه _وعد
روض وحياء_مع السلامه
حياء وشذى_في أمان الله
*تعود الفتاتان إلى بيوتهن ..وطول الطريق وروض عقلها منشغل في امر شذى وحور*
.....
*تعود روض إلى بيتها*
روض_السلام عليكم يا ماما
الام _وعليكم السلام...أحضرلك الاكل يا بنتي
روض_تسلم إيدك ماليش نفس
الام _انتي كويسه يا روض
روض بشرود_اهاا يا ماما عن إذنك
*تدخل روض غرفتها*
روض لنفسها_هما إزاي كده إزاي قادرين يتعايشوا مع وضع إنهم مرضى كانسر يعني مرض الموت ...وتلاقي كلامهم عن ربنا وإنهم فرحانين بمرضهم ده ..فرحانين انهم ممكن يموتوا في أي وقت؟!!
اااه دماغي هتنفجر .....
*تظل روض على هذا الحال حتى تخلد في نوم عميق*
......
اي دا أنا اي اللي جابني هنا ..دي صحرا فين الناس فين ماما ....ماااااماااا باااااااابااااا
انتووو. فين لي محدش سامعني ..انا تايهة
*وفجأة يظهر نور قوي يسطع من مكان ليس ببعيد*
اي دااا نور أكيد في حد هناك!
*تجري لتلحق بالضوء ولكنه يتلاشى شيئا فشيء*
روض ببكاء _هو راح فين وانا فين يااااااارب
.
.
#قطوفها دانيه
#AyOta
#آية_فرج
#دعواتكم
#تابعوني
أنت تقرأ
قطوفها دانية💙
Romanceالسلام عليكم ..💙 قصتنا قصة بنوته جميلة إسمها "روض" روض بنت زي كل البنات احلامها تقليدية .كلية قمه وزوج وسيم ووظيفه ..اهداف دنيوية بس يا ترى هتفضل دي اهدافها على طول .....يا ترى هتفضل حياتها تقليدية كده....
