اسكريبت جديد*
*قطوفها دانية*
الجزء الثالث**
اي دا أنا اي اللي جابني هنا ..دي صحرا فين الناس فين ماما ....ماااااماااا باااااااابااااا
انتووو. فين لي محدش سامعني ..انا تايهة
*وفجأة يظهر نور قوي يسطع من مكان ليس ببعيد*
اي دااا نور أكيد في حد هناك
*تجري لتلحق بالضوء ولكنه يتلاشى شيئا فشيء*
روض ببكاء _هو راح فين وانا فين يااااااارب
*تصرخ روض بكل طاقتها*قائلة "يااااارب"
..
*تقوم روض من النوم مفزوعه العرق يتصبب من جبينها *
روض_اي داا انا كنت بحلم يعني مكنش حقيقه. بس انا حاسه ان الاحساس ده لسه ملازمني حاسه اني تايهة طب انا فيا اي😣...
*تستمر روض في البكاء حتى تغفو إلى النوم مجددا*...
........
وفي صباح يوم جديد💚
الام_يلا ياروض اصحي
روض_حاضر يا ماما
الام_مالك يا روض وشك اصفر لي وعينك وارمه
روض_لا مفيش يا ماما بيتهيألك.
الام بشك_طب قومي افطري يلا
*تقوم روض وتذهب إلى الحمام وتقوم بعمل روتينها اليومي ثم تذهب إلى دولاب ملابسها وتنتقي بنطال چينس ازرق وبلوزه سوداء قصيره مع حجاب قصير من اللون الأوڤ وايت
وتذهب حيث تحضر والدتها الافطار*
روض_ماما انا خارجه
الام_عليكي درس
روض_لا هخرج اشم شوية هواء
تلاحظ الام شرود روض_ماشي روحي بس افطري الاول
روض وهي تغادر_لما ارجع
.......
*تخرج روض من منزلها لا تعلم الي اين هي ذاهبه هي فعلا تائهة ..ظلت تمشي حتى وجدت نفسها قريبه من المشفى التي تتعالج بها شذى دخلت الى المشفى وذهبت الى حديقة المشفى حيث تكون شذى*.
شذى_روض حبيبتي انتي جيتي فرحتي قلبي بجد
روض_ربنا يفرح قلبك دايما
شذى_تعالي نقعد سوى وندردش. اومال مجبتيش حياء معاكي لي
روض_معلش بقى مره تانيه
شذى وقد لاحظت ذبول روض_انتي كويسه يا روض
روض_هاا اه كويسه
شذى بإبتسامه_مش باين يعني☺....انا عارفه اننا مش قريبين كفايه عشان تحكيلي فيكي اي بس يستي اعتبريني شنطه واحكي😂.
روض بإبتسامه_عارفه احساس انك تايهة ومش عارفه في اي ....مش عارفه اي اللي خانقك كل اللي تعرفيه انك مخنوقه وبس.... تايهة مش عارفه انا فيا اي واي الشعور ده
شذى_واي اللي جابرك
روض_ازاي
شذى _اي اللي جابرك على وضعك ده ....ممكن تخرجي من وضعك ده بسهوله
روض_مش فاهماكي هو انا فاهمه انا فيا اي عشان اخرج منه
شذى _مش مهم فيكي اي بس المهم انك مش هتسمحي لحاجه تعكر صفوك ومش هتسمحي للحزن انه يحتل قلبك ...فرحي نفسك واعملي اللي يفرحها من غير ما تغضبي ربنا طبعا عشان احنا مالناش غير ربنا ولازم نرضيه عشان هو مفيش احن منه علينا هو ادانا كتير كتير اووي واحنا مش قادرين نعطيه شيء هو المعطي اللي مبينتظرش مقابل
روض بشرود_ربنا
شذى_ اه ربنا اللي عطاءه مالهوش حدود اللي اتخلقنا عشان نعبده ونعمر ارضه💙
روض_اعبد ربنا قصدك الصلاة
شذى_الصلاة جزء من العباده او بمعنى اصح جزء من الاوامر الربانيه اللي امرنا بيها... ربنا امرنا اننا نصلي فروضنا ونصوم شهرنا الكريم.
امرنا نتقيه في كل كبيره وصغيره ونحطه في اولوياتنا عشان هو اولوياتنا اصلا هسألك سوأل
روض_اتفضلي
شذى _بتحبي ربنا
روض بدون تفكير_طبعا
شذى_طب عملتي اي عشان حبك ده
روض_ازاي
شذى_اللي بيحب بيحاول يرضي حبيبه في كل كبيره وصغيره انتي عملتي اي ما انتي بتقولي بحب ربنا
روض بتنهيده حزن_معملتش 💔
شذى_واي اللي مانعك .ما انتي لسه عايشه
روض_انتي عارفه يا شذى انا مش فاكره اخر مره صليت امتى
شذى_غلطي وكل بني ادم خطاء وخير الخطائين التوابون💛ارجعيله يا روض
روض بحزن_ارجعله بعد اي
شذى_لسه القيامه ما قامتش وانتي لسه عايشه كل الناس بتغلط بس خيرهم اللي بيرجع لربنا ويقوله انا اسف انا مش هعصيك تاني عشان انا بحبك..وقتها ربنا بيقبله وبيتوب عليه
روض وقد اغرورقت الدموع في عينيها_هيقبلني ازاي وانا عمري ما فكرت اطيعه💔
شذى_هيقبلك عشان هو ابد مارد ايد حد
ربنا بيحبنا وبيفرح لتوبتنا
روض_تفتكري هيسامحني
شذى_اكيد هيسامحك ده رب الكون والرحيم المعروف بسعة رحمته
روض وقد شرعت في البكاء_انا مش عارفه اعمل اي
شذى وقد قامت بإحتضان روض _ارمي حمولك على ربك وروحي اتوضي وصلي ركعتين بنية التوبه ليه💜
روض_بإذن الله
شذى_جرى اي يست انتي هتقلبي نكد بقى
فرفشي كده الله
روض بإبتسامه _حاضر☺انا هقوم اروح بقى اتأخرت على ماما
شذى_في امان الله
*تخرج روض من المشفى وتشرع في الذهاب الى المنزل*
ياااا اااانسه ياااااا انسه حاسبي العربيه .....
..
.
#آية_فرج
#AyOta
#قطوفها_دانيه
#تابعوني
.
أنت تقرأ
قطوفها دانية💙
Romanceالسلام عليكم ..💙 قصتنا قصة بنوته جميلة إسمها "روض" روض بنت زي كل البنات احلامها تقليدية .كلية قمه وزوج وسيم ووظيفه ..اهداف دنيوية بس يا ترى هتفضل دي اهدافها على طول .....يا ترى هتفضل حياتها تقليدية كده....
