صدفة ( اياد و فتون) بلهجة تونسية 🇹🇳 مكتملة

أجمل ما في الصدفة أنها خالية من الإنتظار

#حلقة3
........ في كهربتو العزيزة حل لغناء على قوتو وفرحان مش نورمال ومش عارف علاش فرحان وكل ميتذكرها يشيخ ضحك على حالتها شعرها للمرمد ولا كلامها وثقتها من روحها وصبعها الى كل شويا تهزو فى وجهو.... ....وصل للڤيلا جديدة رمى المفتاح لشوفور
_عم محمد هزها للقاراج وخرجلى ل4*4 المسكرة
_حاضر ولدي دقيقة تكون حاضرة
داخل ويغني عامل جو مع روحو
_نانا نانا حضرلي البانو بربي
_هيا هيا لحظة برك ولدي
بسها من راسها ومشي....نانتو هذي هي المرا الي ربتو كي ماتت امو وبوه وهوا صغير.....
#فلاش_باك
كان لباس عليهم عايلة من ثلاثة امو وبوه وهوا ونانتو الي تربي على يدها ملي هوا صغير كان دنيتهم مزينة حتى بوه دخل في شلة قمار وسهريات وجو القمار... تبدل ودخلت في مخو بلوة القمار وكل ليلة يخسر شويا... حد جات ليلة الى خسر فيها كل شي خسر املكو لكل وفلس من وقت حياتهم دمرت وكل شي تبدل وبوه ولى من دبوزة ميقومش ديما مش في وعيو باش ينسي الحقيقة الي يعيش فيها باش ينسي الفقر والقهر الي يراه في عين مراتو الى تخاف لا ولدها ولد أربعة سنين يبات من غير ماكلة كان يهرب من نضرتها الى تأنب فيه ...اياد كان صغير ميتذكرش الي صار لأمو بوه اما كي كبر نانتو حكتلو كل شي ...ليلة بوه كيلا عادا شارب وتعارك مع امو عركة كبيرة هز روحو وخارج يترمي شدتو تشحتتو ميخرجش اما هوا شي مسمعش كلامها حل باب كرهبتو وطلع ماهنش علاها يخرج هكا طلعت معاه تحول تهديه تعرفو يحبها يدا يسوق وهي تحكي حاست بخوف والكرهبة مرا يمين مرا يسار اما مهمهش .....بعد بساعة جاهم خبر الي هوما عملو حادث كبير وماتو زوز بالوقت كان صغير ميعقل شي كبر ومايعرف كان نانتو الي رباتو وتلهات بيه وهوا يحبها كيف امو واكثر وهي اياد مامو عينها ... كان ديما يقول تخلو عليا وميحبونيش ديما تقلو كانو يحبوك اما هوا يعتبرهم تخلو عليه.......
كمل دوش وهز كرهبتو وخرج ماش للبللصة العدة للصحراء وجوها شاري دار غادي ويمشيلها كي يحب يهرب من جوجمة المدينة ينحي ستراس الخدمة ...وصل لدار هبط لبس شورط وخلعة وسبادري وهز الكرهبة وحرثها صحرة وهوا شايخ على رمل كيفاش ورها طاير .....
_اههه صاحبي هانى جيت اي حضرلنا قعدة باهية خوك فااد ههه....
عدا ثلاثة ايام هبل فيهم ماكينات وموترات صحراء سهريات كل ليلة للمصبح ....ليلة لخرى متكي في جنينة يتفرج في سماء ويتبسم وحدو....
_قداش محلاها اكا طفلة ههه زعما نعود نشوفها....
قام حط يدو على ركبتو وكبس عليها....
_شبيك اياد لكلهم كيف كيف #صدفة ومفمش علاش تعود تشوفها .....حاس انو كش اول مرة شفتها اما منتذكرش وقتاش شفتها قبل.......
تبسم وهوا يخمم فيها ورجع يتفرج فى سماء.....
كل يوم تستني يطلبوها تستني تجيها خدمة وترتاح شوية من دار
_اففف شبيهم مطلبوش ياربي زهري نعرفو انا... اكيد ياخذو الاوراق ويلوحو...
تبسمت وهزت راسها لسقف ويدها عل دڨنونتها وتضيق في عينها
_هههه زعما اكا المهبول شنوا يعمل غادي نهارتها هههه منتصورش يلوج على خدمة افف محلاه تي شعرو بركا يفتق ..
غمضت عينيا ونتبسم نتذكر فيه وفى ضحكتو وعينيه الى تتغمض واابرأة الى فس وجهو ....حلات عينها بالقوي وضربت روحها بكف صغير...
_هاي فتون فيق شبيك فاش تخمم يزي من الحلام انتي توا تهمك كان خدمتك ....تى انتى فيين وهوا فيين.....
هي تحكي وحدها وامها طلات علها بقات تضحك على هبالها
_ههه شبيك تحكي وحدك...
_هههه لا شي شي...
_باهي ايجى تعشي امي...
_افف معينيش امي منحبش نشوف راجلك....
_يابنتي اسكت يسمعك فكنا منو وقوم كول على خاطري.....
_باهي امي امشي هاني جاية....
خرجت امها وهي بدات تنفخ قامت لبست جبة فوق شورت والخلعة وخرجت مهبطا راسها لقاتو متصدر في طاولة وامها في الكوجينة
_ماما نجي نعاونك
_اقعد بنتي هاني جاية
_(اففف منحبش نبقي وحدي معاه الهم ) جبدت الكرسي وقعدت مهبط راسها وسكتا وهوا هز يدو وحطها على كتفها
_وتاتك جبة فتوني
_نحي يدك كسرة الهم ...ماااا
_سكر فمك لاتاكل طريحة انتي وامك....
جات امها وهوا قحرلها ودور وجهو ويخزرلها بطرف عينو بداو ياكلو وهوا يتبع فيها بعينيه وهي تهبط في راسها ودور في وجها وهوا يتبسم تبسيمة خبثة تحس كان في يدو فوق سا قها.... غصت وجات تجبد ساقها وهوا كبس عليها تكثر وغرس صوابعو فى فخضها ويطلع فى يدو.... قحرلها تخزر لأمها الى مركزة مع تلفزاة وهي ساقها ترعش حمدت ربي نحي يدو بعدتهم اما هوا مازلل ناوى يقدم دزز الخبز طيحو بلعاني وطبس يهز فيه ويدو تمسلها في ساقها ويهز في جبة حتى لفخضها بلعت ريقها بغصة وهزت ساقها وعفست عل ساقو بقوا وتنطرت جات وقفا وهوا عض ال شفايفو بقوا وڨحرلها ڨحرة مووت......
_امي باش ندخل ناكل في بيتي
_اقعد ماما كول معانا متوحشتك عزيزتي....
وهوا يخزرلها ويغمز فيها مسكينة ماباليد حيلة... نبسم وقلب عينو منها...
_نحب ناكل ونسمع الغنى كي تكمل ايجى بحذيا....
_يخلص فيه بوك ضوء الي هرب من همك انتي وامك..
هي جات تتكلم وامها كبستلها على يدها تهمز فيها....
_برا بنتي ارقد مش لازم الغناء .....
دخلت تغفص في دموعها يا تمشي معاه فى الى يحب.. يايسبها.... دخلت لبيتها تبكي وتتذكر في بوها الحنين كيفاش كان كيفاش عطاه قلبو ومشي وخلها للي يسوا وميسواش....
_ياربي علاش هكا منفرحش انا ياربي اهههه....
هزها نوم وهي تبكي ودموعها منشفوش من خدودها .....