#مسلسل_ليبي_واقعي #الحلقة1
#بنات_العيلة
مروان أخ وحيد لي 5 بنات
وكل البنات ربي ماسخرش نصيبهن وقاعدات كل مايجي خاطب ويطلعولهم البنت الكبيرة شيماء يشوفوها ويروحو ومايتسخرش النصيب
،،
و مروة ومودة وفاديا يقرن ثانوى مازال قرايتهم مابدتش المدرسين مدايرين اعتصاااامات
،،
وشيماء وبشرى كبيرات العيلة
امهم وبوهم مشغولين على بناتهم كبرن وخشن على الثلاتينات وماجاش نصيبهم
،،
ام مروان مقعمزة في دار بناتها
ام مروان : زعما يولو الخطابة هالمرررة
شيماء : والله معاد تفرق معاي امي مليت من الموضوع
ام مروان : وسعي بالك بنيتى تو يجيك نصيبك
شيماء : انى كبرت امي توا معاش يبوها الكبيرة
،،
فاديا : اي امي راه الكبيرات معاش ياخدو فيهم اعطينى انى 😍
ام مروان : تحشمى علا وجهك تتكلمى هكى قدام امك واختك الكبيرة
فاديا : تى عااااادى هادي سنة الحياة
،،
مروة ومودة مقعمزااات جنب بعضهم يضحكن 😂😂
شيماء : طارتلها من كلام فاديا وجعها كلامها
..
وجتهم بشرى رافعه شعرها كوودااا فوووق خشت عليهم بسفرة العشى ..
بشرى :هي وسعن غادي بنحط السفرة
وخرن البنات وحطت بشرى السفرى بينهم
ام مروان : حطيتى لي بوك ومروان ؟؟
..
بشرى : اي حطيتلهم
،،
وتعشو وكملو وطلعت ام مروان بحدا شيبانيها وولدها وشوى اندق باب الحوش جت جارتهم تهدرز
الجارة عايدة : عندى موضوع ونتمنى ماتريدينيش كالعادة
ام مروان : ان شاء الله خير
الجارة عايدة : عندي قريبتى تدور لولادها وتبي كناين صغار
ام مرواان : لااااااا ماتكمليش انتى عارفه الوضع
عايدة : علاش حرام عليك تقطعى بنصيب بناتك
ام مروان : انتى عارفة ابو مرواااان مش موافق يعطى الصغيرات قبل الكبيرات
عايدة : غير حاولى تقنعيه والكبيرات سيوره يجيهم النصيب والناس كلها تعطى الصغيرات قبل عااادى راه
وخشت عليها شيماء بي سفرة القهوة
عايدة : واهو شيماء كبيرة وعاقلة واكيد ماتزعلش ومانوقفش في نصيب اوخيتها
،،
شيماء حطت السفرة : نصيي شنى ؟؟
عايدة : في ناس نعرفهم يبو وخياتك الصغيرات
شيماء : عادى نصيب وطلعت من بحداهم .
........
وجو الخطابة وطلعو مروة ومودة البنات الصغيرات واسو روااحهن ولبسو احلى ماعندهم وعجبو خطابة هللللبا
ام مروان : بالله عليك ياحاج اعطيهم البنات والله بيقعدو زي خوااتهم راه
،،
ابو مروان :
ام مروان :
يتبع .....
لو عجبتكم القصة ولقيت عليها تفااعل نكملهالكم واقعية و مشوووووووووووووووقة وتستحق المتابعة
نسرين الهادي
