#مسلسل_ليبي_واقعي #الحلقة5
#بنات_العيلة
ام مروان / الله يصلح حالك ياوليدي
ويسمعهم بو مروان ويطلع من داره ويمشي للمربوعه برا 😱
مروان / دف امه طيحها عالارض وجى لبشرى
بشرى / حرام عليك امك
مروان مسك بشرى من شعرها وقعد يضرب فيها عالباب كان يبي يشوف دم
ام مروان ناضت شداته من يده / وتعيط مروان خيرك مرووووان
مروان رجع دفها بقوة اكتر من المرة الاولى جت طيحتها على وجهها جبهتها دم وحالة
،،
وهوا قعد يخبط في بشرى عالباب طلع من راسها وخشمها الدم مسكينه تبكى مش قادرة تهرب .
جى بو مروان ولحقوه شيماء وفاديا وشافو المجزرة اللي دارها مروان في بشرى وامه
بو مروان / خش للمربوعه وقعد يفك في بشرى من خوها وهوا عضمه صاير قوى وماقدره حد ومصمم يشوف دم عشان الحبة اللي خداها تخلى الواحد مايرتاحش الا لما يشبح الدم ويتلذذ بيه
،،
خشو البنات وبوهم جبدو بشرى منه وقاللهم بوهم جيبولى حبل جابوله وبالسييييف قدرو عليه وربطوه
ماعرفوش يصحوه من البلا اللي واخده ..
بشرى مسكينه فقدت الوعي وجهها كله دم
رفعوها دااخل خواتها هيا وامهم كانت ليلة سووودا بكل معنى الكلمة .
ام مروان / وليدى يانارى اوليدي خيره شن صايرله
بومروان/ ومزال تقولى ولدى هذا مغضوب والله معاد يقعدلى ف الحوش
ام مروان / لا حرام عليك بالله لا 😭
بو مروان / تدافعى عنه وهوا قريب قتلك وقتل اخته هدا طلع من الملة معاش ولدي 😡
فاديا / بوي مش وقته الكلام اهوا بشرى معاش ناضت خلى نرفعوها للمشفى 😣
شيماء / نمشو كلنا ماتخلوناش مع مروان 😥
اتصل بوهم بي ولد خوه خبره شن صار وكان متحشم منه هلبا طلب منه يقعد مع مروان
وجى قعد معاه ورفع بو مروان ام مروان وبشرى اسعاااااف
،،،،،،،،،،،،،،،،،،،،،،،،،،،،،،،،
الدكتور دخلهم وعالجوهم ودارولهم اللازم وطلع
بو مروان وشيماء وفاديا واقفين برا يراجو
بو مروان / شن صار مع بشرى دكتور
الدكتور / الحالة بشرى عليها كدمات وضرب بشكل وحشي م نعرف المسبب
شيماء / طايحه دكتور
الدكتور / بس هادو اثار ضرب واحنى خبرنا القسم وبعد شوي بيجو يحققو
بو مروان / احسن مادرت انى عندى بلاغ والبنت مضروبه فعلا
الدكتور / تمام وين يجى الشرطى اعطى افادتك
