مسا الخير حباباتي ياك راكم ڨاع لاباس سمحولي يومين منزلتلكمش دي بارت جداد مي ليوم نعوضكم هيا نشوفو وش حا يصرا ليوم
***************
حبسنا كي لبست وخلصت وركبت معا باباها بش يروحو للعرس .....كي وصلو لتم لاقاتهم يمات لعريس تسلم عليهم وباركولها ومدولها لكادو وام لعريس منزلتش عينها من عليها ڨاعيتيك
ام الاء ( نرجس ) : يا شحال شباب لاصال
الاء : وي شابة بزاف
نرجس : وي
وهوما يحكيو جات دربوكة مصرية والآء ولات تترعد بسك تموت عليها وتعرف تشطحها تقول رقاصة
الاء: ماما نوض نشطح
نرجس : نن هبلتي وزيد رانا في عرس ناس
الاء : انا جيت بش نزها وزيد تبقى حسرة في قلبي انا نوض
نرجس بتردد : اوك مي متطوليش
الاء اوك
وناضت تشطح والناس تشوكاو فيها لبنات حبسو شطيح ودارو بيها بش يشجعوها ويتفرجو كيفاش تشطح حتى دخل وحد الشخص يعيط على مو
كي شاف الاء تبلوكا راسو وبقا داهش وقلبو يضرب بزاف ومنبعد فاق وحس بنار في قلبو
؟؟؟ : دوك هادي تبقى تشطح هك ولبنات يتفرجو فيها ونسا حابا تخطبها بففففف
امو : علاه معيطتليش كي دخلت
؟؟؟؟ : اه
امو : تيم بني وشبيك
تيم : والو علاه عيطتيلي
امو : كنت حابت نعتلك طفلت حابا نخطبهالك
تيم : طلعلها حاجبو معجبوش لحال
شكون هادي
امو : وشبيك تشبح في وجهك كيما لبليغة
هاديك لي لابسة لبلو وتشطح فنص
تيم : كي عرف بين تحكي على الاء ضرب ضحكة من لودن للودن
ااااااا كيما تحبي مي صغيرة تقرا باك موحال يقبلو والديهاو
امو شمت لحكاية : رفعت حاجبها وقاتلو ونتا وين تعرفها وبين تقرا باك
تيم : اههههه قلت برك بلاك منعرف
امو : دوك روح ومنبعد نحكيو مدخلتش لراسي هاد لحكاية
تيم : اوك منبعد متسحقي والو بلاك تحتاجيني في حاجة
امو : لالا بسلامة
تيم : نن موحال باينة تسحقيني
امو : تخرج ولا نحلف منحكيش معا يماها
تيم : خلاص والله والو تحبي نخرج منزيدش ندخل قاع
امو : دير بليزير
راح وبقا يخمم حتا دخل خوه بش يجيب سنيوة تاع لحنا تفكر بين الآء بلاك مزالها تشطح
تيم : اوس ..ااااوووس
اوس : واش ؟؟
تيم : وين بيها
اوس : نجيب سنيوة بش نسڨمو طابلة تاع لحنا
تيم : روح نتا وانا دوك نجيبها
اوس حار فيه مش عادتو مي قالو اوك
******
عند لبطلة تاعنا جات ام تيم عند نرجس تقصر معاها ومنبعد قاتلها بنتك تهبل مخطوبة ولا متكلمين عليها
نرجس : نن مزالها صغيرة اي باك
ام تيم : والله يا ختي انا بنتك دخلت لقلبي وحبيتها لوليدي تيم
نرجس: انا خاطيني باباها دبر راسو مي مشكيتش باسك واعر وحابها تقرا نتي قوليلو ويرحمها ربي
مي مشفتش وليدك هادا
ام تيم : دوك نقولو يجي
هادا كامل والاء مسكينة مافاهما والو ووجها حبة طوماطيش
هي رفدت تيليفون تعيط لتيم وهو دخل راحت عندو
الام : كنت رايحة نعيطلك
تيم : علاه اني جيت ندي سنيوة
الام : خليك من سنيوة وارواح معايا
تيم : ويم
الام : بلع فمك وامشي
الام : نرجس هاوليك
نرجس : وش حوالك وليدي
تيم : لاباس طاطا ونتي وش راكي
نرجس : نحمد ربي
الاء مصدومة للمرة 3 ومنبعد فاقت
الاء : بوطو وش جابك هنا
نرجس قرصتها
الاء : اي ماما وشبيك
نرجس \ ام تيم : تعرفو بعضاكم
الاء : ماما هادا هو لكلب لي ضربتو
نرجس: بلعي فمك فضحتينا
ام تيم : وااااه ضربتيه
الاء : سمحيلي طاطا هو ميحشمش سبقلي ضربتو
ام تيم : نن بالعكس يساهل ايا حنا نخليوكم ودات بنها وراحو
الام : مالا قتلي ضربتك
تيم : اههه ماما ام يعيطو عليا باي وهرب
الام : هادي لي تربيك.. ربي يهديك يا وليدي
****
عند آلاء
الاء : ماما بابا يعيط قالك هيا
الام : اوك نلبس لعبايا ونجي
الاء لبست فاست كوير برك منفوق ومحطتش خيمار وهي هابطة فدروج قابلها تيم
تيم : وين رايحة لر** بلا خيمار يشوفوك ل***** لي برا نضربك نديفورميلك وجهك روحي ليسيه
الاء: وش دخلك
تيم : تروحي ولا والله نروح نجيبو ونلبسهولك انا
الاء : خافت وقاتلو اوك
تيم : حكا تكون مرتي
الاء : اه
مسكينة رابع صدمة ليها هاد ليوم مزية ما صرالها والو
كي دورت تردلو وتبهدلو لقاتو مكانش
جات مها هيا
الاء: عطيني خيمار نحطو على شعري
نرجس : واش بدل رايك
الاء: هكا والو هاتيه برك
نرجس : هاكي
وخرجو وهو يعس فسها حتى ركبت الطنوبيل ومشات بيها وباقي شارد فالبلاصة لي كانت فيها حتى فيقو صاحبو وراحو
******
وصلت الاء غسلت وجها وعطاتها برقدة باش تنوض ليوم جديد واحداث جداد
***********
مام نتوما حباباتي بون نوي عليكة ورقدو مليح واحلام سعيدة وغدوة بارت جديد واحداث جداد
💋💋😘💋😘 نحبكم
باي باي
