*
كان منسدح فوق كرسي وحاط فوق منطقته كيس ثلج
قصي مربوط على كرسي ويصارخ ويحاول يفك اللزقه عن فمه
مروان ميت ضحك على محمد وعدنان ماسك ضحكته
محمد حاط ذراعه فوق عيونه : خلصت انت وياه؟
مروان جلس يمسح دموعه من الضحك : محمد لا لا محمد اعظم هكر في العالم تقريبا ينطرح على يد طفل
قصي التفت لمروان معصب على كلمة طفل
مروان حط يده على قلبه : يمه خفت
محمد : مروان قسم بالله ولا تسكت يا اطردك برا
عدنان ماسك شنطة قصي الصغيره وطلع منها فونه
عدنان يلوح بالفون : خمسين مكالمه فائته
قصي فتح عيونه على وسعهم ويتحرك يحاول يفك نفسك ويحاول يتكلم معهم
مروان قرب من قصي : اعتقد انه يحاول يقول شي
عدنان سحب اللزقه بقوه : شعدك؟
قصي صرخ من الالم : يا حيواااننننن يييعورررر
مروان : فكنا قول شعندك؟
قصي يأشر براسه على فونه : فكوني بسرعه ابي اروح المطار ضروري
محمد قام بسرعه ونسى ألمه ووقف قدام قصي : لا تحلم انك تغيب عن عيني ثانيه وحده
قصي بسرعه هز راسه : مابروح مابروح بس عطيني الفون بكلم ربعي
محمد عقد حواجه : عشان يطلعونك من هني
قصي :شوفماعنديوقتتوقتعبانولازميسافرمعفهدعشانيتعالجواناالليباخذهمالامريكافيطيارةابوي
محمد مافهم ولا حرف : اي اي تكلم شوي شوي مافهم
قصي اخذ نفس : فهد وتوق وباقي ربعي وانا بنسافر في طيارة ابوي الخاصه ولازم اكون وياهم
محمد مسك فك قصي : قلت لك مابروح من هني اي مكان
قصي : تكفى بس بقولهم اني مابروح وانه الطيار ينتظرهم عشان يروحون
محمد فكه : لا مافي
قصي يحاول يمسك دموعه : تكفى بس بقولهم ذا الكلام والله ماقول اي حرف زياده تكفى
محمد التفت عنه وتكتف
مروان مسك بد عدنان وطلعون من الملحق
قصي : تكفى محمد
محمد التفت له
قصي : تكفى
محمد تنهد وسحب فون قصي من على الطاوله وفتحه لانه بدون
باسوورد، دق على آخر رقم اتصل له ( فهيدان 🦥) وفتح السبيكر
فهد شاف المتصل ورد بسرعه : قصي وينك لنا ساعتين ننتظرك
قصي يطالع محمد
محمد قرب من اذن قصي وهمس له
قصي : فهد انا مابروح وياكم
فهد : لييششش؟
قصي : صار لي شي ما اقدر اروح، الطياره تنتظرك روحو انتم
فهد : تستهبل انت كيف نروح وانت...
قصي قاطعه : فهد خلاص قلت لك ما اقدر اروح روحو انتو
قصي التفت يسار بعد ماخلص كلامه وقام محمد وسكر فوق قصي وطلع منه الشريحه
قصي : شتبي مني انت بالضبط؟
محمد جلس ورا قصي يفك يده من الكلبشات
قصي عقد حواجه ومسك معصم يده : احح
محمد التفت له وشاف معصمه مجروح وفيه دم وركع قدامه بسرعه مسك يده : شفيها يدك
قصي صرخ : يا غبي يعور
محمد تركها وقام : أسسف ، لحضه
دخل محمد الحمام وطلع فيده علبه الاسعافات الاوليه ، رجع يركع قدام قصي ومسك يده بحذر
قصي عاقد حواجبه ويطالع محمد اللي مسح الدم ويعقم له : أول مره اشوف خاطفين يهتمون في الرهاين
محمد يلف له الشاش ويطالع يده : ومنو قالك انك رهينه؟
قصي رفع حاجبه : يعني انت ما خطفتني عشان تلخذ فلوس
محمد ضحك بخفه وبعد ماخلص من يد قصي رفع راسه يطالع في عيونه : خطفتك عشان اخبيك بين ضلوعي
قصي : نعم اخوي؟
محمد قرب من قصي بسرعه ، قصي تصنم مكانه يطالع في عيون محمد الجميله وهاديه نزل عينه على شفته وصفن فيها ، فتح فمه بشويش لما قرب محمد منه يبي يعض شفته
محمد رجع ورا بسرعه وحط يده على فمه يمثل انه مصدوم : يالوصخ كنت تبي تبوسني
قصي التفت له بسرعه : لااا
محمد ضحك عليه وجلس جنبه
قصي : خلاصص اسكتت
—
بعد شهر
جالس على الارض يحك جسمه ويصارخ ويبكي : فهد فهد تكفى شوي عطني شوي منه بس شوي مابطلب ثاني مره بس شوي تكفى
فهد ساند ظهره على الباب من برا وحاضن رجوله لصدره وهو يسمع صراخ توق
: لين متى بنتم جي فهد؟ صار له شهر محبوس فذي الغرفه
فهد ماتحرك من وضعيته : قولي شو اسوي حمد قولي، كان يتعاطاهم لاكثر من سنه كيف تبين يتركهم في شهر واحد بس
حمد جلس جنبه وحط راسه على كتف فهد ، بعد حمس دقايق جاهم جاسم وفي يده صحن معكرونه
فهد قام واخذ من الصحن : انا بدخل، من اليوم انت خلاص ماتدخل له
جاسم تكتف : شو اسوي مثلا كان شكله يقطع القلب
فهد : نحن هني عشان نعالجه مب عشان نزيده ادمان يا غبي
جاسم راح عنهم يضرب رجله فالارض معصب، دخل غرفته مع عزوز وجلس فوق السرير متكتف
عزوز شافه وضحك بخفه، جلس وراه وحضنه لصدره : شفيها الدلوعه زعلانه ؟
جاسم : فهد قالي لا ادخل عند توق مره ثانيه
عزوز حط راسه فوق كتب جاسم ويطالعه : صراحه ما ألومك لما كنت بتطلعه من الغرفه لانه شكله يخلي قلبك يحن
جاسم التفت له بوز : هذا اللي قاعد اشرحه لفهد
عزوز باس شفته : ادري يا قلبي بس فهد يبي مصلحة توق في النهايه توق لروحه بيشكره
جاسم هز راسه بنعم
عزوز سحبه لحضنه اكثر وباس راسه
فتح فهد الباب ومزلقى توق فوق السرير ، راح يدوره وحصله في الحمام داخل البانيو وماي حار ينزل على راسه والبخار تارس الحمام .
فهد حط الصحن فوق الطاوله ودخل يسكر الماي : توق جنييت
توق يطالع رجوله وماتكلم
فهد حضن توق اللي صرخ يبعد عنه وطلعه من البانيو اخذه للسرير
حطه فوق السرير وتوق يرتجف ويضرب فهد على صدره
فهد همس عند اذن توق : أهدا توق ، انا وياك
توق رفع راسه يطالع فهد وشفته ترجف : فهد الله يخليك عطيني شوي بس وما بطلب ثاني مره تكفى بس ذي المره
فهد حضنه له اقوا : لا توق لا انت لازم تقلع عنه ذي السم
توق صرخ ويضرب فهد
فهد حاضن توق ومتجاهل ضرباته وبعد كم دقيقه هدا توق وشهقاته طالعه
توق همس : جوعان
فهد التفت له : جوعان؟
توق هز راسه بنعم
فهد ابتسم وقام جاب له صحن المعكرونه وحطه قدامه
توق مسك الملعقه وبدا ياكل
فهد بس يطالعه ومبتسم
——————
