*
دخل يدوره في كل زوايا البيت وماحصله ،بقت غرفه حاكم وقرر يدخلها ،فتح الباب ودخل الغرفه يدور عليه، شافه فوق السرير متكور على نفس وجسمه يهزت دليل على انه يصيح، جلس قدامه ومسح على راسه.
احمد بعد يد منصور عنه : اطلع برا
منصور همس : حبيبي
احمد لف الصوب الثاني : منصور اطلع ابي اتم بروحي
منصور : بس انا ما اقدر اخليك بروحك ،اخاف تختفي عني
احمد قام ولف صوب منصور : اذا خايف اني اختفي عنك ليش كل شوي تذكرني انا شو كنت
منصور مسك يدين احمد وباسهم : حبيبي انت تدري اني مب قاصد ، خلاص انا صرت عجوز ومخرف بعد
احمد ابتسم : عجوز غبي ومايعرف يراضي بعد
منصور سحب احمد لحضنه وباس راسه : سامحتني؟
احمد دخل راسه في رقبة منصور : اكيد
منصور بعده شوي وباس شفته : احبك
احمد ابتسم : اعشقك
منصور قام وحمل احمد بين يدينه : نروح غرفتنا يا روحي
احمد متعلق في رقبة منصور : هيه ، لا تطيحني
منصور باس خده : يخسي اطيحك
—
دخل غرفته معصب وسكر الباب بقوه رمى فونه فوق السرير وفصخ جاكيته ورماه على الارض.
والثاني واقف يستوعب اللي صار من شوي وراح يدور احمد ،دق باب غرفتهم اكثر من وره وطلع له منصور معصب
منصور ضربه على راسه : جنيت انت ؟
فهد يمسح مكان الضربه : وين احمد
احمد سمع اسمه وطلع بعد ما لبس ملابسه : شو؟
فهد ابتسم : كيف يسوون فطيره
احمد عقد حواجبه
منصور دخل الغرفه : ماعندي اي تعليق
احمد طلع من الغرفه ومسك فهد من كم قميصه ودخله المطبخ : شو
تبي بالفطيره
فهد يحك راسه : اوه ، شسمه، توق زعل مني لاني طيحت فطيرته على الارض وصرخت في وجهه
احمد قلب عيونه : وانت بس فالح تزعل الولد منك
فهد :احمد بتساعدني ولا بتجلس تذمني
احمد : ما اعرف اسوي فطيره
فهد : تستهبل؟ ليش ماتتكلم من قبل
احمد : بس اعرف كيف اسوي كيك
فهد جلس على اقرب كرسي : يمكن مايحب الكيك
احمد يطلع المكونات : ما عليك مافي احد يقاوم كيكي
فهد قلب عيونه : لا صدق؟
احمد : كيفك لا تصدق
فهد قام واخذ المكونات من احمد : انت قولي وانا بسوي
بعد ساعه تقريبا طلع احمد من المطبخ ووراه فهد ماسك قالب الكيك المزين بكريمة التفاح وفوقه قطع تفاح ،وقف فهد قدام غرفة توق ودق الباب ،فتح توق الباب والشرار يطاير من عيونه .
فهد ارتبك وابتسم : هاي
توق كان بيسكر الباب في وجهه بس فهد حط رجله على : اصبر، سويت لك كيكة تفاح
توق طالع الكيكه اللي من ريحتها باين انها محروقه والكريمه مب مرتبه على الكيكه بعدين رفع راسه يطالع فهد كان شعره كله طحين ووجه كريمه والمريله اللي لابسها متوسخه بالعجين .
