#طمطم3
صبا جمعه للحمام لقي وجها وجه بنت بيضه اعيونها خضر وشعر اصفر😱بحت لقي صدر وارداف😳قال حيعنما كيف قعدت هك وشن ندير لو حكيت مافيش حد ح يصدقني😢 ع العموم طلع جمعه ع السرير وكلم ام طمطم
جمعه:انتي من ياابله😒
ام طمطم:انتي فطومه بنتي كنك ياطمطم مش متذكرتني ولا شن😢
جمعه:طمطم😱لا ياحنه انا مش طمطم وشن جابني هنا.
ام طمطم:شكله سايرلك فقدان ذاكره ياطمطم بس من شهر انتي درتي حادث وخش فيك شاب اسمه جمعه وخشيتي في غيبوبه انتي وياه😢💔
جمعه:😱قصدك انا توا قاعد في غيبوبه
ام طمطم:ليش تحكي ع انك شاب😕انتي اها كنتي في غيبوبه
جمعه:انسيت يالوزه بس جمعه وين توا 😫
ام طمطم:جمعه توا في المستشفي حتي هوا وطلع من لغيبوبه في اليوم لي طلعتي فيه انتي❤الحمدالله ربي يحبنا ويحب اهل جمعه.
هنا جمعه قعد يربط في الاحداث قال اذا انا في جسد فاطمه معناها فاطمه في جسدي😳
عدا جمعه خذا النقال ورن علي رقمه لي عند طمطم😳
نجوووو الفاطمه شن صار معاها
المهم فاطمه تبكي وتمسح في دموعها بمنديل برقه واب جمعه مصدوم من حركات ولده😳
طمطم:انت من ياعمي
اب جمعه:تي انا باتك ياجمعه كنك💔
طمطم:بس انت باتي مش انت ياعمي وانا شكلي مش هك انا بنت😢
مع رنت الجهاز امتاع جمعه😂 قال اب جمعه الفاطمه رد علي جهازك ياجمعه
طمطم:اي جهاز وين جهازي 😢
اب جمعه:اهو البيله لي جنبك هوا نقالك كنك انت ناسي
طمطم:هيييييييي انا بابا مدلعني وعمره ماشرالي بيله طلع جهازي الايفون ولا نبلغ فيك الشرطه ياسراق
اب جمعه مستغرب من اسلوب ولده وقال الفاطمه امسك جهازك رقم غريب يرن😡
امسكت فاطمه الجهاز لقت رقمها يرن 😱قالت رقمي شن جابه علي الجهاز هذا وفتح الخط
جمعه:انتي فاطمه صح
فاطمه:اها انت من وكيف عندك جهازي
جمعه:لو يلاك حد طلعيه برا
فاطمه:من انت وعليش تبيني نطلع الشايب الحول علشان تغتصبني😎
جمعه:الحول هذا باتي يابقره احترمي نفسك طلعيه توا علشان نفهمك القصه كلها
فاطمه:لحظه خليك علي الخط ,وقالت لاب جمعه عمو ممكن تطلع نبي نقعد بروحي بليز😋
اب جمعه:بليز😱تمام توا نطلع
جمعه:تي عمو عينك شن بليز مابليز انتي كنك
فاطمه:انت من انا وعيت من غيبوبه لقيت روحي شاب
جمعه:وانا لقيت روحي بنت يافاطمه وانا تو قاعد في جسمك😷
فاطمه:كيف قاعد في جسمي انت تضحك علي
جمعه:والله مانضحك يافاطمه نعطيك دليل علي انه كلامي صح
فاطمه:اها عطيني هي😕
جمعه:فيكي شامه في😂
فاطمه:ياحقير يواطي انت شفت جسمي
جمعه: ع اساس انتي ماشفتيش جسمي
فاطمه:والله ماشفتك الله لو سمحت غطي جسمي نين نجي ناخذه توا😭
جمعه:وشن تقولي شمس ياشموسه خوذي جسم جمعه وعطيني جسمي😂
فاطمه:ارجوك ردني الجسمي وعيلتي انا نخاف هنا ورجاجيل واجد حتي مرقد مارقدت😢
جمعه:والله انا زايط بنات بالهبل😂😍 وشي شعر وشي اعيون 😘
فاطمه:توا نمشي توا نحكي لهلي وهلك لازم نلقو حل😢
جمعه:ماتحكيش الحد الا لما نتلاقو علشان نقنعوهم تم هك والله مافي والي مصدقك
فاطمه:زح مليت من جسمك امس لقيت كرعيك فيهن تشقق😢 لا وكبر الكراع لي تقول شنطة مدرسة الرياضيات وخليني ساكته ع الشعر لي معبي الجسم😢
جمعه:ع اساس انا عاجيني القعده في جسمك😷 تخيلي وعيت لقيت فيا صدر😢عليك فجعه ناخذها
فاطمه:وتبحت وتفرج انت😡😤
جمعه: والله من برا لبرا😋والله ماشفت شي غير الشامه لي في رقبتك ونوعدك مش ح نشوف شي نين نرد الجسمي وانتي جسمك😘
فاطمه:الله يسترك كي ماسترتني ويستر علي خياتك😢
جمعه:بلا شورخ عطيني رمز التطبيقات راه ملل المستشفي وامك نكديه بكل😏
فاطمه:رد بالك تقرب الجهاز ولا الصور فاهم😡
يتبع😘
قصه خاليه😉 نبي ارائكن
Soso alojliy، منقـوله
