تفاعل حلو ليوم ❤️
#جميلتي
حلقه 5
عمر طلعت ل حوشنا ف الطريق فتحت ايميل ابرار ونحيت روحي من الحظر
ابرار صورت بيه لين شبعت نزلت السناب وجوني لقطات يهبلو ومكيجت مكياج نسيبة الي قعد عندي وصورت بيه وحكيت لرنا كل شى ❤️
رنا بعد تفكير / ابرار لكن مش من حقك تاخذي التليفون وانتو مافيش بينكم شي رسمي
ابرار / لكن خديته باش معاش يظايقني
رنا / ابرار انتي عارفه ان طالما عطاك تليفون هاذه وين ب يشد فيك رسمى وعارفه أن مستحيل معاش يظايقك ف نصيحه حاولي تطلعي من هالورطه ردي تليفونه واقطعي علاقتك بيه وكان لزم لأمر حرشي أخته حني ناس ع قدنا ماعندناش جهد ليهم دار فينا معروف وكتر الله خيره نخدم اني وانتي كناسات ولا يلعب علينا ولد مدلع بالفلوس وصدقيني عينه واسعه مايمليها الا الثراب طالما متزوج ومزال يشوفلك
ابرار واني اقتنعت بكلامها وب يأس / لكن هوا مش دلوع هوا رجل أعمال وهوا الي وقف شركات بوه ومايخدش منها ف مليم
رنا / مهما اختلفو كلهم يجمعهم نفس التفكير 🖤
ابرار / لكن قتلي نسيبة مرته مهمله هلبا معاه وهوا اصلا زوجوه بالسيف و
رنا قاطعتني وحطت ايدها ع كتفي / بطلي اطلعي حجج ماليكش دخل بيهم الباين انك بتحبيه وتخشي ف حرب خاسره ليك .. مهما كانت مرته أن شاء الله سحاره م د خ ل كشش انتي بنت وهيا بنت وخرب لبيوت مش ساهل والعشم حتى هوا مش ساهل... ابرار اصحي حني ماتربيناش هكي ننخدعو بفلوس وتليفونات وجمال علي حساب غيرنا بعدين انتي شن ناقصك تاخذي واحد متزوج؟ وانتي مازلتي صغيرونه حاتخشي قانون زي ماحلمتي وتشوفي حياتك وتلقي شخص قدنا تحبيه ويجيك من الباب مش من الروشن 😉🖤
ابرار تنهدت وحضنتها حسيتها فيقتني من وهم توا صحيت ورجعلي عقلي 🖤
الحمد لله قبل مايفوت لأوان
مسحت كل الصور والفيديوات " ابرار ماتعرفش انها في سلة محدوفات ف لأيفون"
ورديته ف ل باكو وحطيته ف كيسه ولبست عبايتي ولبست النقاب باش مايعرفونيش وطلعت للمتجر متع الملابس الي ليه 🖤
ابرار/ مرحبا
دانا ب ابتسامه /اهليين
ابرار استخدمت نفس كدبته / عندي خدمة توصيل لل استاد عمر ونعتني ع محلكم تقدري تستلميها 😊
دانا / اكييد تقدري تستنى ونتصل بيه يجي يستلم؟
ابرار ب انفعال / لالا ءء لا حبيبتي اني مستعجلة 🖤
دانا ب ابتسامه / اها اوكي تقدري تخليها وادنك معاك
حطيته وطلعت ماتقولي الا غمه ونتحت من علي قلبي روحت طيران للحوش
