#جميلتي
#حلقة6
خشت ابرار وهي تتوعد فيه
بعدين حنوها ورقذت عمر يتصل وماتردش ☹️
عرفها رقدت خرط لين شبع وطلع لصحابه" طبعا أمه م دارتلاشي عرس تاني لكن دار عرس مع صحابه اغاني ونوبه وجو وكأنه اول مره يتزوج 😂"
تاني يوم الصبح
ليليان تعيط / فهموني من عيلة مني البنت
ساره نهضت كتافها بغباء / م نعرفش
سرور 😅 / حتي اني مانعرفهاش
ليليان / كلكم تكذبو عليا ي خامرات تو نوريكم
ومشت فوق ل حوشها
خشت أمه شن الصياح هاذه ع صبح
ساره /متعدليش ي ماما هاذي كنتك التاعبه 😂
سرور / تفكر عظام العيد تسمعي بيها ، هاذه وين تفكرت عندها راجل 😂
سندس اختهم لكبيره متزوجه / خزي عليكم ولله شعور الضره حار
امها قعمزت وتكلمت بهدوء / صح واعر ي بنيتي وماتوديشى لعدوك لكن ياسندس لما تبدا المراء باهيه وماشاء الله عليها مهتمه ب راجلها وحوشها ونظافه عندها الحق تقول مانبيش ضره وصبعها ف عينه لكن ي بنيتي ولدي بعتتهولها شكل وجاني شكل تاني الهم راكبه وبصراحه ليليان نعرفها من لما صغيره لسانها ملوي ع رقبتها وبايره ومايحبها حد
سندس تنهدت / باهي سايسها يام مش معقوله هكي طول
امها / من يوم الدنيا ودين يقولو المراء الي تسايس راجلها مش الراجل وبعدين وخييك وتعرفيه باله واسع واسع لكن كله يخزن فيه واني شفته كيف يعامل فيها ب عويناتي وهي تطنفر مش عاجبها
سندس / مهما كان الراجل صالح أني ديما واقفه مع البنات 😂
ساره / لأنك سطحيه 😂
سندس /اي اضحكي انتي وياها حايصيرلكم زي مرت خوكم من البياره وكترت النوم
ساره حطت ايدها فخصرها/ي حبيبتي أقل شي حني بايرات لكن شهلوليات 😂
سرور / بعدين خوك بروحه قال 99 % سيبتها ع معاملتها واسلوبها 😁😂
سندس تمسح ع بطنها لأنها حامل / انتو الي يقدركم 😒 قولولي كيف شكلها عروستنا أن شاء الله غير مش نفس لأوله
ساره / هالله هالله مسرع غيرتي رايك 😂
سندس / بلا كدب دافعت عليها لأنه الشعور صاعب لكن عارفين من قبل منحبهاش🙄
ساره / ي ستي مرت خوك أييي حقا عازمتنا كلنا ع حفله اليله جبتي قفطانك
سنذس / واك جبته قولي هيا.
ساره / شن بنقولك يعني المهم شفتي لقمر هيا احلا منه
سنذس / اي زي لقمر لما مشيتي مع امك بتخطبي ليليان 😂