نرجس.... كعدت اصبح اني تاركه دراستي بس عمر مكمل ومتخرج بس ماكو تعينات فا يشتغل وي صديقه بمحل لغسل السيارات ويوميته 35 الف جنه احنه منكلف بس ينطي لمي 25 وياخذ اله 10 وعايشين الي اطلبه من اخوي يوم اثاني ايجيبه اليه المهم
كعدت طلعت لكيت عمر ومامه يتريكون
نرجس..... صباح الخير
عمر..... صباح انور
ام عمر...... صباح انور
عمر..... تعي بعد اخوج تعاي تريكي
نرجس... اغسل واجي
اني.. اوك
نرجس... عفته ورحت للمطبخ غسلت وفرشت اسناني وجيت وياهم اتريك خلصناه ضحك صارت اساعه ب8
عمر..... يله يمه اني اروح
ام عمر..... الله وياك دير بالك عله نفسك
عمر .... نشالله
نرجس.... حضنت عمر دايمن من يطلع احضنه لئن هوه اخو وابو وسند باسني بجبيني وراح باس راس مامه وايده وطلع
ام عمر... يمه اليوم كلبي مقبوض خايفه
نرجس.... لا يمه لتخافين وكومي عموري وصاج اسويله دولمه يله كومي
ام عمر... يدلل وليدي
نرجس.... اكيد شلت اصحون غسلتهن وجيت يم مامه انسولف بس امي كلبه مقروض وخايفه ماعرف اول مره ايصير بيه هيج واني خفت ايصير شيء بس مابينتله انو اني خايفه المهم مرت ساعات تقريبن 3 ساعات وسمعت جهاز مامه ايدوك ركضت اسم عمر رفعت الخط احجي
نرجس... الوو
الشخص.... السلام عليكم
نرجس.... وعليكم السلام منو حضرتك وهذا رقم عمر
الشخص... اخيتي صاحب الرقم مسوي حادث وحالته حرجه
نرجس..... شنوووووو ماشي شنو اسم المستشفه
الشخص ........ بمستشفه .......
نرجس... غلقت الخط واني كلي خوف ارجف ركضت لمي وكتله وكعت ضليت ابجي وخايفه وين اروح ركضت للجهاز اتصلت عله خالي وكتله كال دقايق يمكم
رحت ضبيت مي علمي صحصحت شوي وهيه اصرخ وتبجي وصيح راح وليدي مو كتلج كلبي مقبوض
نرجس.... يمااا شبيج يله كومي خالي راح يجي ياخذنه ركضت جبت شال وجوارب وعبات مامه واني هم لبست اجه خالي ورحنه للمستشفى دخلنه ودلونه عله غرفت عمر بس امي مابيه نفس بعد وصيح عمر عمر اني بس ابجي رحنه شفناه بغرفت العمليات باوعت عليه امي وجه مشوه من الضربه وحالته حرجه بسرعه وكعت من طوله ركضت عليه اني وخالي
نرجس.... يمااا يماا كومي يماااا عمر راح ايكوم يله كومي يله يماااا صرت اصيح بس احسه متتنفس اصيح ماكو اجو الممرضات والاطباء اخذوه دخلو خوالي كلهم بين غرفت امي وغرفت عمر مسافه قصيره كعدت بلكاع واني مابيه لا اروح لمي ولا لعمر
صرت اصرخ بصمت واني أتذكر كعداتنه وسوالفنه وضحكتنه بلبيت ابجي واشهك
شوي وطلع الدكتور مال اخويه ركضنه عليه
الدكتور...... للاسف فقدنه المريض
نرجس.... صرت اصرخ بصدمه جذاب جذاب خالو كله خلي اطلع عمر اعرف جذب عمر ميعوفنه هوه ابوي يله خالو كله امك مريضه واكعه والله هوه ايحب امي وميبقه نايم يلللللللله كللللللله يلللللله
اجه خالي حضني واني وكعت ماكدر طلعو اخوي من الغرفه العمليات ركضت عليه
نرجس.... عمر عموري يله بعد اختك كوووم شوف امي وكعت من وراك يله اعموري يله كوم وللللللك كوم كوم ليش متسمعني هاااا ييللللله والله محلوه انومه عليك كوووم واللله وجهك ايطيب كووووووووم واللله اكول لمي مو كتلي وياج لللموت
اخذوه واني مجلبه بيه بس اصرخ وصيح
كعدت بلكاع واني اصرخ شوي وجه دكتور امي
الدكتور ...... كدرنه ننقذه بس بعده حالته ممستقره
نرجس.... اكدر اشوفه
الدكتور... اكيد بس لطلعين صوت
نرجس.... لا والله ماحجي رحت لمي دخلت عليه شفته امدده ولجهزه امحاوطته اجيت كعدت علكرسي ودموعي اصب خليت راسي بحضنه وغمضت جان اشوف مامه لابسه اخضر بخضر وحللوه ويمههه عمر بس عمر كلش حلوو
نرجس.... كضيت ايد عمر هاا عموري والله كتلهم ميعوفنه
ام عمر .... مامه نرجوسه احنه راح انروح ديربالج عله نفسج
نرجس.... شنوو مامه اخذوني وياكم اني اخاف
ام عمر .... لا لتخافين صيري قويه يله حبيبتي اني رايحه
نرجس.... كامت مامه وعمر اخذه من ايده واني اصرخ يمااااا لتعوفوني يماااا واللله اخاف تعالو اخذوني يمااا والله خايفه وج يماااا
بس احس رجليه ماكدر احركن
كمزت من نومي كمت احرك بمي بس جسمه باااارد
نرجس.... يمااا يماااا وج يمااااااااا كومي يماا لتعوفوني بروح ابوي عليج لتعوفوني كومي يله يماااااااااااااااااا صرخته بصوت ايبجي اصخر ودموعي اصب عله اصياحي دخلو الدكاتره وخوالي طلعوني بره الغرفه وكامو اينتلون بيه بلئالات بس ماكو شوي وطفو الاجهزه وغطو وجه امي
نرجس.... خالوو خالوو غطوه خالوو ولكم امي تختنك بسرعه وخرو الغطه منه وخرو صرت اصيح وكمز وخالي كاضني وحاضني ميخليني اتحرك
يتبع،،،،،،،،،،،
====================
هلو تعرفون اول قصه الي فدوه ودي القصه ترفع مشاهدات
{ الكاتبه لولو}
