الكاتبه لولو😘😊
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،
كون يمك كون احضنك
كون اشمك كون ابوسك
كون احط راسي علصدرك
كون احط شفتي عله شفتك😘👅👄
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،
نرجس… حسيت نفسي اريد اوكع من طولي واني اباوع للصور الي دازهن جان صفاء وبحضنه بنت بملابس اداخليه البنيه امبينه بس صفاء عله وجهه الصوره المركب واني اباوع شلون. مخلي ايده عله افخاذه وكل جسمه طالع بسرعه دزيت رساله
نرجس…. تعرف اني مفكره بس تجي اعترفلك باني احبك وماخليك تزوج رغم الحجي الي حجيته انته عني بس بقه حبك بكلبي وماتصورت يجي يوم وشوفك بلهشكل صدك انك ماتستاهل ذره حبي الك
شافه بسرعه خرجت وكعدت بلكاع واني ابجي اووف يربي الى متى ابقه يعني ادنيه متضحك بوجهي شلون بقيت بدموعي اخر شي مسحت وكمت نمت. حلمت
{ نفس الحلم الي حلمته بلنجف بس بيه تغير ولي هوه اشوف امي بس مبينه حزينه كتله ماامه شبيج
كلتلي شوفي حبيبتي اني كتلج اصبر ولا يقل صبرج اصبري اكثر واكثر وحمدي ربج دايمن اني حزينه عليج لئن. بوقات صعبه واني مو يمج وعافتني واني اصرخ تعااي يماااا }
كعدت مخترعه وخايفه من هلحلم سمعت الاذان ستغفرت وكمت اصلي شوي بلكي ارتاح هفف
رحت توضيت وجيت فرشت السجاده صليت وكعدت ادعي ربي ايحله اذا جان سوئ فهم او حقيقه رغم اني شفت صور بس كلبي مديصدك وماعرف امشي وره كلبي لو وره عقلي شكرت ربي وكمت لميت السجاده ورجعت المكاني نمت كعدت يوم اثاني
عمتي مخبوصه مثل عادته عله صفاء غسلت وصبحت عليه اجيت اتريك وخلصت غسلت اصحون وكمت اساعده سمعت. الباب وعمتي راحت تفتحه اسمع صوت صفاء اخذت حسره ورحت دخلت الغرافه ماريد اشوف وجهه فتحت الكنتور كلت اسبح اخذت ملابس ورحت للحمام دخلت سبحت وطلعت
اجيت اروح للغرفه مريت من يم الاستقبال واني اسمع عمو يحجي وي صفاء علمود خطبه حسيت نفسي خلصت انتهيت ومالي مستقبل وياهه خاف جنت عندي شوي املل يطلع اصور جذب رغم اني شفتهم اثنينهم بس احس جذب كملت طريقي ورحت للغرفه دخلت ورحت للمراي امشط ودموعي تنزل من اذكر عمو ايكله شوكت تريد نفاتح البنيه بلخطبه
كملت لفيت شعري ورحت طلعت جهازي اشوف كله دازه كل عام وانتي بخير نزلت الشاشه وطلع يوم عيد ميلادي😅 واني مادري رديو عليهن وبنات خالي 3 وملاك ويقين وسورى صار اسم صفاء بلخير وجايه منه 10 رسائل استغربت صار عندي فضول ادخل دخلت وبديت من اول رساله
صفاء… نرجس صدوك تحجين
شبيج ردي
افففف
نرجسي والله جذب هلصور مو حقيقه
نرجس والله اصور تركيب مو حقيقه
نرجس وينج خرب
خرب بيج
اففف
نرجس والله اصور مو حقيقه تركيب صديقي يعرف وحبيت اقهرج وكتله ايسوي صورتي هيج بس حته اقهرج
والعاشره جانت كل عام وانتي بخير اسف
نرجس… صدوك فرحت من عرفت اصور تركيب مو حقيقه بس هم هوه ايريد يزوج ماكو فايده واني صوجي اعترفت هففف ساعت عصبيه وعترفت صرت الوم ابنفسي بلخير سمعت عمتي اصيحني
طلعت لكيتهم يتغدون دخلت
نرجس… هاا عمه
العمه… تعي اتغدي
نرجس… لا ماشتهي
عمو… ليش بعد عمج شماكله
نرجس.. لا عمو شبعانه
العمه… براحتج يمه
نرجس… ابتسمت وطلعت رغم جان صفاء موجود بس ابد ماباوعت عليه كنما ماموجود رحت للغرفه
تمددت وصفنت وره تقريبن ساعه هيج ب2 تقريبن اسمع عمو ايصيحلي طلعت ورحت للستقبال لكيت عمو وعمتي وصفاء كاعدين
نرجس… هاا عمو
العم… بويه خابرني عمج عباس ويكول خلي تجي يمنه تغير جوو
نرجس… باجر اروح ليوم. مالي خلك
العم… بعد عمج عيب
نرجس… اوك راح البس بس منو ياخذني
العم… صفاء
نرجس…. كال صفاء درت وجهي عله صفاء باوعت بنضره كراهيه وكلت اوك عفتهم ورحت للغرفه رغم ماحب اروح. من يوم الي اعترف مصطفى بس كلت يله اوح. لبست فستان لون اكريمي وشال كريمي وجنطه هم اكريميه 😅 وطلعت حذاء 👢 اسود
لبست وخليت عباتي عله راسي وطلعت لكيت صفاء منتضر بلساحه اجيت صعدت وهوه هم شغل اسياره وطلعنه بلطريق
صفاء… احم نرجس
نرجس… خير
صفاء… شفتي ارسائل
نرجس… اي شفتهن شتريد
صفاء… اممم وليش زعلانه وانتي عرفتي هذا جذب
نرجس… هههه وشنو الي يثبت هذا جذب😒
صفاء… اي جذب لئن انتي تمشيني عله اعصابي
نرجس… اني مادخلني انت اسبب اكو واحد ايكول لبنت عمه كاعده ابيت مو بيتج معناهه تطردني
صفاء… لا والله مو قصدي بس انتي ضوجتيني وتكدرين تكولين ساعت عصبيه اني مامد ايدي عليج من حبي الج بس اكدر اضوجج بلحجي
نرجس… تي خوش واصلن شعليه بيك انته راح تخطب وتعيش حياتك خلاص
صفاء… هاا اضاهر وصلج حجي خطوبتي خب لو شوفيه خطيبتي اجنن
نرجس… اي خوش يله وصلنه تنزل
صفاء… لا عندي شغل
نرجس… براحتك عفته ونزلت وصلت يم الباب ودكيته طلع مصطفى درت واجهي شفت صفاء احمر من عصبيته😂 سلمت عله مصطفى ودخلت سلمت عله عمتي وعمو وسئلتهم عله يقين كالو بلمطبخ دخلت عليه وشفت محمد حاضنه من وره وهيه تغسل😂
نرجس… احم احم😌
يقين… يمه منو دارت خرب بيج😒
محمد… . ههه😂 شنو مشوفين رجال مشتاق لمرته غير ادكيت الباب
نرجس… اي. مو علساس انت بلغرفه عيني ستاذ محمد باوع عدل احنه بلمطبخ
محمد…. اي هم صدوك
نرجس… 😂😂 سلمت عليهم وطلعنه بقيت عد بيت عموو لليل اساعه ب9 كت ايودوني ويقين كالت اجي وياج اشوف اهلي وصلنه محمد للبيت
وصلنه وراح دكيت الباب طلعت عمتي دخلنه
للستقبال فتحت الباب ودخلت وجان انصدم
يتبع ،،،،،،،،،
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،
هلو شخباركم نشالله بخير وهذا احله بارت لعيونكم شوي بيه صلاحات😜
احبكم
الكاتبه لولو😘😊
