علي .صفنت على امي وابويه اشوف الشيب ترس راسهم بس بعدهم بلابل بالحب واحد ميكدر على بعد الثاني
الأم.يمه علاوي اختك بلقيس اتصلت اليوم وكالت باجر اجيكم لأن زوجها راح يروح لدوام
علي .صدك يمه تحجين لعد باجر غدانا سمج
الأم. اي يمه سمج واسوي جدر دوامه واعزم خواتك بان تعرف يمه اختك بلقيس متجي علينا اهواي
الاب خوش لعد اكوم اجيب مسواك حتى باجر تحضرين
علي .لا بويه اكعد انت ارتاح اني اجيب مسواك
الاب .كيفك بويه علاوي هاك هاي فلوس المسواك
علي.لا بويه عندي خير من الله اني اجيب عندي
الأم. الله يرضى عنك ياوليدي ويطول بعمرك يمه علاوي وافرح بيك
علي. ان شاء لله حبيبتي يمه
أبو علي .يلا يا مره خلينا انطب جوا برد الجو
ام علي .اي عيني ابو علي
علي. يمه اني رايح لعد للسوك
ام علي اي يمه روح
علي رحت اخذت السويج السيارة وطلعت للسوك رحت جبت مسواك مخليت شي مجبته من السوك احطيتهن بسيارة صعدت بسيارة كلت دخلي اخابر محمد خابرت عليه ميجاوب وهم خابرت عليه ماكو كلت يمكن مشغول بشي خلي اروح للبيت من ارجع اخابر عليه شغلت السيارة ورحت للبيت خليت المسواك بالمطبخ شافتني امي هاي شنو يمه علاوي شكد جايب مسواك يمه ميخالف خلي خير هذا من الله
الام .يا عمري انت ربي يفرحني بيك واشوفك عريس
علي. يمه ههههههه انتي اهواي ادكين عل الوتر عندج شي
الأم لا يمه بس اتمنى اشوفك عريس وافرح بيك ومنى عيني اشوف جهالك يايمه
علي. واني احجي ويا امي دك عليه محمد
محمد. الو ها خوي شلونك اخبارك
علي .هلا خوي حمود والله زين الحمدلله
محمد. شفت اتصالك بس لا عسا صاير شي
علي .لا خوي سلامتك بس اتصلت عليك باجر بلقيس بت عمك جايه وكلت تجي انت والمره
محمد هلا بت عمي ان شاء لله اجي اني والمره واخت المره
علي .اني كال اخت المره وأني متت من الفرح بكلبي كتله هلا بيكم خوي
محمد. حبيبي علاوي وبيك أكثر
علي. تسلم حمود يلا خويه اخذ راحتك مع السلامه
محمد. ربي يسلمك خوي الله وياك
علي .اني سديت التليفون من محمد وأني بداخلي فرحه كلش جبيرة اي راح اشوفها باجر وعيوني اشوفها
ام علي. يمه علاوي شبيك فرحان وتضحك
علي .لا يمه ماكو شي ليش امبين عليه فرحان
ام علي. اي يمه اشوفك فرحان
علي .اي يمه غير خواتي باجر يجن وبلقيس صار اهواي مشايفها من عكب رحت عليها وزرت موسى بن جعفر (عليه السلام )
يمه باجر يجي محمد ابن عمي محسن باجر جاي هو وزوجته واخت زوجته
ام علي هلا بيهم يمه
ام علي. اروح اسوي عشه لأن ابوك جان
علي. اي يمه اني هم جوعان اكلج يمه اشو انتي ليش مدلليني مثل ابويه اشو كله دلالج لابويه
الاب ها بويه علاوي غرت من دلال امك اليه
علي. ضحكت على كلام ابويه لا حبيبي ربي يحفظكم ويطول بعمركم
الأم. يمه علاوي شعندي غيركم ابوك وانت واخواتك
علي .يا حبيبتي انتي
جان قبل بزمان المرأه من تحمل لا سونار ولا كولشي بس من بطنها يعرفوها اذا بيها ولد لو بنيه ومن نساوتها جانت ا ام علي اتريد بس يصير عدها ولد وكل متحمل يكلولها بيج بنيه وجانت اضوج عكس مرت حماهاجابت ٦ولد وهما اخوان محمد وعدي ومجيد وشاهين ووعواد وهيثم وجانت ام ابو علي جانت تكول جناينها خلفن ماعندي بس محسن وايهاب وتخاف لا محد يلم كبرتهم غير بس اولادهم ايهاب ابو علي جان كل ما تجي بنيه يفرح ويطير من الفرح ايكول البنيه بركه بالبيت بس امي اضوج جانت بس اتريد ترضي عمتها ام ابو علي وراح يوم واجا يوم ومرت سنين على وماحبلت ام علي والكل تحجي ليش ماحبلت وليش وليش وصار عدها حاله نفسيه كولش بحيث ام علي حبست نفسها وجان ابو علي ينقهر من الحجي يكللها اني راضي شيجي من الله بس هي تنقهر اهواي من اشوف النسوان يحجن عليها ومره كعدت أصبح سناء ام علي كعدت صبحت على عمتها وعمتها ولا ردت السلام عليها وكالت اي لو بيهن خير يجيبن ولد مكان مضالات يخلفن بنات بنات الفكر والشؤم سناء سكتت مجاوبتها بس دموعي هي تشكي حال قهري الي يشوف اني اخلف بنات غير الله هو قاسملي بنات اخلف طبيت للمشتمل بيتي شفت
شفت نوره تبجي شلتها كتله شبيج كالت وين جنتي ماما حبيبتي جنت يم بيبي مرت مكان بعيد زين ليوم ليش مرحتي المدرسه نوره ماما ماحب المدرسه سناء لا حبيبتي حلوة المدرسه وتعلمج اهواي اشياء حلوه شوفي خواتج بالمدرسه كلهن
نورة ماا ما ما باردة ماروح
سناء لا حبيبتي روحي باجر اخلي بابا يروح وياج حتى اشتريلج الألعاب اهواي
نورة صدوك ماما هييييي هييييي
سناء ديلا حبيبتي خلي اروح اكمل شغل البيت
نظفت البيت كله وطبخت وماسمع بس عمتي تحجي ويا إيهاب بموضوع بس سمعت كالتله يمه ايهاب لازم تزوج
