ايتان : خرب انه يبوووي خاب جا ليش ما اشرتلي او اي شي
اياد : هو اني اعرفج تعرفيني وااشرلج اصلا لوما حاجيلج هاذ الحجي كله جان ما فتهمتي نوب بالاشاره تهي بهي دروحي روحي. خاالي لك هلة نوب تريد ااشرلهة دطيري تحملي نتائج تسرعج يا
ايتان : يا شنو
اياد : باعي لج مخايف منج الزمي حدودج احسلج خوش بس فدوة كلشي ولا تطلعين جديه بالتعامل لان كبل انتحر اني فكاهي واخبل وشيخ اتزوج وحده جديه بالتعامل انتحر صدكي المهم
ايتان : دباع هذا تدري منو اني اني ايتان سلام تعرف شنو ايتان سلام تعرف منو هاي
اياد : انتي 😂😂😂
ايتان : متت ضحك ع تصرفه لاهو الكايل شي بي خير ولا مخليني اكمل فشلني خرب حظي كتله هسة اله تحجي فشلتني ارتاحيت
اياد : يي 😂😂 كملي بلة شنو صفاتج
ايتان : نسيت 😑😑😑
اياد : ها عرفت قصدج غبيه وبيج زهايمر 😂😂
ايتان : هو انت ما عاونت واجتك للحلك ترس هيج وطلعت تنك وامته
اياد : عليج القرأن عيديها 😂😂😂😂
ايتان : خررررب كمت وعفته
اياد : لا تعاي وعلي اخر مره 😂😂
ايتان : والله
اياد : لا جذب ما اسيطر
ايتان : دروح
اياد : اي ولج تعاي وين رايحه
ايتان : انزل ضوجه
اياد : تهي بهي دباع البطرانه وين نازله هيج وكت محد يطلع من غرفته
ايتان : لا ياالله اني اجوع واسهر شون ما اطلع من الغرفه
اياد : هلة هلة مرتي تشبهني متشوفين جايب ثلاجه هنا للن اجوع بالليل هههه
ايتان : ييي كلللووش همزين طمنتني
اياد : كمت فتحت الثلاجه شمرتلهة نستله واني اكلت وحده وراهة طلعت بيبسي وبيتزا وكعدنا ناكل
ايتان : يمييي اخخ اخيرا يمه جنت ميته جوع
اياد : اباوعلهة مطفيه اجت كعدت يمي تاكل وراهة كامت تغسل كتله تعاي اخذي البيبسي مالتج وكعدي اجت كعدت يمي. وشربت البيبسي شون بنيه عاد العيون عسلي والشعر خرافي طويل وبس تضحك وبيضه وتخبل وضعيفه وحلوة وعليها سوالف بقيت داير وجهي عليهة لحد ما شفتها خلصت صفنتي لكيتها نايمه ع جتفي كمت شلتها خليتها ع الفراش وادنيت وكمت غسلت وشلتهن وقتت المنبه ونمت
ايتان : فزيت ثاني يوم ولا بيه حيل رجعت نمت ونوب المنبه اليمي تفلش ادري منو موقت المنبه يحظي نوب فزيت ولا بيه حيل هاي الساعه موقته الاستاذ اياد وهو بسابع نومه يحظي اني تنبل وهو تنبل لا هاهية اجتمعنا
اياد : خاب طفي يبوووي
ايتان : اني موقته لو انته
نوب نحجي واحنه مغمضين عيونه ومابينه حيل
اياد : ولج طفيييي
ايتان : مااااا انت طفي مابيه حيل
اياد : جنت مطفي جريتها عليه وفتحت عيوني كتلهة تطفي لولا
ايتان : اي اي راح اطفي هو هدني اني كمت هو بصفه بعني شون جني حظنته وطفيته نوب هذا نايم اريد اوخر من حظنه ماكو نمت
اياد : فزيت لكيتها بحظني بقيت اباوعلها ومبتسم ردت احبث عطت بأذنها
ايتان : ماما
اياد : اي امج عدها لحية وشوارب ومسوية عملية تغيير جنس دكومي كومي
ايتان : محمد وعباس وفاضل كعدوا
اياد : دباع هاي دكومي كومي
ايتان : اياد
اياد : همزين عرفتيني والله. كايم اسبح من اطلع الكاج كايمه خوش لان وحدنه بالبيت اليوم اهلي كلهم مسافرين لان اليوم جمعه وكل يوم جمعه يسافرون
ايتان : خوش عوفني نايمه لعد
اياد : سمعتي شكلت
ايتان : خرب حظي كايمه كايمه لو شايف روحك بس تنام حته المنبه بصفك ما طفيته خليتني اني اكوم وفوكاهة كعد قبلي وميخليني انام هفف
اياد : استغفر الله يا الله شهالازعاج يعني انتي اكثر بنيه مزعجه بهذا الكون ولج انتي معنى كلمة الازعاج انتي الازعاج بحد ذاته عفته وكمت اسبح يبووي شكد مزعجه وبس تنك موتتني
ايتان : هو كام رجعت نمت كعدت ع صوت عياط كمت اعيط اني من يمي بعدين سكتت شفته كاض بطنه من الضحك كتله خاب هية هاي طريقه تكعد بيها الواحد خرب انه والله اخترعت
اياد : هو انتي شفتي روحج ههه اصلا هه شكالج يموت من الضحك هههههه
ايتان : اي خوش يلا خل انام
اياد : وج شكد تنامين دكومي كومي. وج كومي من الفراش ما ريد اشوفج عالفراش يلا كومي (عطت عليهة )
ايتان : كمت كمت طبعا كالعاده كمت اطوطح ولا بيه اكوم نوب وصلت يم باب الحمام هو يباوعلي بطرف عينه اني انتجيت عليه ونمت
اياد : بلة هسة اني لو مخليهة نايمه بالفراش مو احسن هالله شنو الفرق اذا جانت عالفراش او بالكاع او ع جتفي بكل الاحوال نايمه
ايتان : فزيت بس مابيه حيل يعني كاعده بس نايمه ههه وشفته شايلني وحطني عالفراش اني مابيه حيل اكوم نعسانه
اياد : عفته عالفراش ونزلت محد اكو اهلي كلهم مسافرين كعدت اذكر ابوية صدك مشتاقله ابويه بعد من الصغر جان يموت عليه يلعبني ويوديني بأي مكان اريده وينصحني ومن كبرت هم بقه يهتم بيه هفف شعدنه غيرك يبعد الروح يا شيخ كاظم رحت وعفتنه يشيخ كاظم بوية لو تعرف شكد مشتاقلك صدك مشتاقلك بوية ارجع لا تطول بفركاك اكثر ترة ابنك ما يتحمل فراكك اكثر متعود عليك تالي متالي تعوفني هيج لا اله الا الله الله يرحمك بوية
ايتان : كمت غسلت شفته يحجي وي روحه ويذكر ابوه كلامه وحجيه يكطع الكلب ونوب صوته الرجولي تغير صار جنه صوت واحد مهموم خطيه والله نكسر كلبي من حجيه وشون يعاتب ابوه لان مات
اياد : بوية يا تردلي يا اجيك ترة اني ماكدر احجي او اجادل عمامي صح صرت شيخ بس بوية ذولة عمامي احترمهم ما اكدر اجادلهم بس قرارتهم صايره عوجه ومشونهة يعني شوف طلبوا فصليه وهية مالها ذنب صح عمار بلمستشفى وهو اخوبة بس بوية عمار زين مبي. شي وشدخلها هالمسكينه اصلا لاجانت بالحادث ولا تدري بشي ترة حيل نضلمت هالبنيه يعني بيوم وليله برأيك يابوية هيج تتغير حياتها صدك خطيه بوية اني احاجيها واضحك وياهة بس علمود ما اخليهة تحس انها وحيده وضايجه لان اذا ضاجت وحست بالوحده راح تتذكر كلشي صار وياهة وراح تشتاق لاهلها بوية شنو دخلها هالمسكينه هاي حته لو طلكتها تعرف مجتمعنا يبقون يكولون مطلكه مطلكه بيه عيب وطبعا حته اني ساعتها اطلع موخوش
يتبع ..
ياخي دصوتوا وفضوني ترة ضوجتوني ددوسوا على التصويت
