اياد : بوية درجع شيصبرني بفركاك صبرت هواي شيصبرني بعد بويه رد اني ابنك ترة شيصبرني ع فراكك بوية جنت حالم من اتزوج انت اول واحد الكاك بعرسي تالي تعوفني قبل ما افكر بهالشي بوية ارجع صدك يعني تعوفني تالي متالي ترة ابنك اني كافي ماكدر اصبر ع فراكك ارجع ارجع بوية ارجع ترة وليدك اني بس كلي ياهو اليكدر ياخذ مكانك عندي محد يكدر لعد مافكرت بهالشي قبل متعوفني بوية شسالفه طولت بفركاك ارجع رحمة لموتاك يابوية ارجع
ترة موبس البنيه الها الحق تنكسر وتبجي ترة الانسان بصورة عامه من يفقد شخص عزيز علي يحس انه خسر جزء منه يحس انه خسر شي متعود علي والشيخ اياد خسر والده الشيخ ف شلون راح تهون علي انو هو فقد شخص مهم بالنسبه اله والي هو ابوه وطبعا اياد جان كلش مقرب من ابوه سوالف وشقه وضحك دوم ويسهرون هو وابوه وعمار وعامر فشون تردون مايبجي ع ابوه
الفراق عن الشخص لمده طويلة ارحم من ان يفارقه مدى الحياة 😔😭💔
اياد بقه يذكر ابوه ويبجي ويذكر اللحظات المهمة بحياته وذكر وحده من اللحظات
اياد : مسح دموعه ويحجي ويضحك بخذلان وكسره يكول بوية تذكر من كعدنه اني وياك وعمار وعامر من كعدنه نضحك ونسولف وانت جبت سيرة الزواج
نرجع للماضي
كاظم : اياد ولك كوم اياد لك كومم لك راح تخسرني خرب ببليسك اياد
جانوا يلعبون بلي واياد طاك من الضحك ع ابوه
اياد : ها شيخ كاظم خسرك ابنك ههههههه
عامر وعمار : لا يالله مبروك ايودي
اياد : ها شيخنه لاااا حرامات طارت الهيبة
كاظم : لك اياد كلمله ويركض وراه طبعا ابوه رياضي يعني مو ميكدر يركض او يسوي شي ويشكي من الام لا بالعكس جنه شباب يركض وكذا عادي عنده كام يركض ورة اياد واياد طاك من الضحك
اياد : لا بوية كافي تعبت
كاظم : لا يا نذل هيج ربيتك اني بعدك شباب وتتعب واني شوفني عمري 47 سنه واسوه 10 شباب بكدك
اياد : اي غير بعدك شباب بحيث مرتك كل شوية كاتلهة الغيره عليك لتخلينه نحجي عليه شيخنه ههههههه
بقوا يضحكون ويسولفون
كاظم : يلا منو اله نيه يتزوج
كلهة لزمت ضحكته وعامر يباوع على عمار وعمار يباوع على اياد. اما الاستاذ اياد فيباوع ع ابوه هههه
كاظم : ها خير بله نشوف الدايره المسوينهة هله هلة عمار طالع منهة لان طاحت براس عامر وعامر هم طالع منهةطاحت براس اياد هاي شنو لك اياد تباوع عليه شتريدني اتزوج دور
اياد : تزوج انت والوالده من جديد 😂😂😂
كاظم : لا الله عليك 😂😂
اياد : أاجرلك غرفتي لمدة ليله وحده 😂
كاظم : لا ونوب بلة بيش تأجرهة
اياد : اممم نكدر نكول مثل فنادق خمس نجوم اليوم بخمسين الف
كاظم : جر راس اياد خلاه بين اديه وكام يحك براس اياد بأيده ويكله. يول انت تبقى خبل
اياد : هاي فوك ما أاجرلك غرفتي
ابو اياد عافه
كاظم : ولك اثكل اياد
اياد : حاضر شيخ كاظم شعدنه غيرك شيخنه ههههه اهمشي الشيخ بس اذا تريد تضوج الشيخ اركض للوالده كللها فد شي عن الشيخ تركضله وهو كلشي ولا زعل الوالده
كاظم : ولك اياد 😤
اياد : خلاص سكتت
نرجع للواقع
اياد : يابوية اذا تذكرت هاللحظات اااخ تالي رحت وعفتنه هذني شيوخرهن منه وشيمحيهن من ذاكرتنه وع فراكك شيصبرنه. بقيت هيج احجي ومهموم كام تنزل دموعي كام صوتي شوية شوية يتغير صار صوت شخث مهموم وزعلان واحجي واعاتب ابوية
ايتان : كمت ابجي واني واكفه عالباب شون يحجي قصته وهذيج اللحظات وي ابوه ساعه اضحك وعشت اللحظه تخيلت روحي وياهم وبعدين من خلص ورجع يعاتب كمت ابجي وياه حجيه يكطع الكلب فتت يمه حظنته كتله لتبجي اياد ترة ابوك عبالك هينه علي وهو كاعد يشوفك من فوك بالعطس راح يضوج هو ميكدر يرجع يشوفك بس انته لتعذبه
اياد : ماكدر ع فراكه ايتان مااكدر حاولت وتعبت ما اسيطر ع فراكه ما اكدر احس روحي ناقصه بدونه هذا ابوية تعرفين شنو ابويه
ايتان : حاسه بيك لان اني هم هسة بعيده عن اهلي
اياد : ايتان ماحاسه بيه انتي عندج امل تشوفين اهلج اني ما اكدر اشوف ابوية لو جان اخر يوم بحياتي تدرين شكد جنت احبه جان هواي يحس بيه صدك يعني وجوده مهم بحياتي رجعولياه ليش الاحبهم يرحون ترة هذا ابويه ما اسيطر ع فراكه ما اكدر اعيش حاولت بس احس روحي مخنوك وذكرياته اربع وعشرين ساعه براسي ارجع بوية ارجع شيخ كاظم بوية ارجع طولت هواي ارجع
ايتان : حاولت اهدي خطيه ما كدرت كلش انقهرت علي نوب صار حجيه يكطع الكلب اكثر حظنته وما حجيت شي بعد
يتبع...
صوتوا اذا عجبتكم القصه 🌸
