طغيان النجوم 🔞

البارت السادس

#أزل مراد#

#طغيان النجوم #

السلام عليكم ورحمة الله وبركاته
طبعا غلطانه في صورة حامد وهذا هوه 👇

غزل.....ورة يوم من راح عباس وصارت الكراثه جنت كاعده بلغرفه وجان تندك الباب واجو ناس على ابويه وطبو للأستقبل ويتناقشون ومدري شنو ورة ساعه طلعو واجت بتسام تضحك وتمشي فرحانه وكالت

بتسام....هههههه اه والله فرحانه اليوم ههههه خلص خلص الهواي وباقي الشويه
اصبر بس هلسبوع ومن بعدهه اخلص منج

غزل....ضيلت صافنه يعني شنو قصدهه
عفته ورحت للغرفه ومن صار  الليل اجه ابويه  ومن طلعت يمه دااشرب مي وهوه وكاال

ابو حسين....باجر جاين مشيه على غزل
اجه عليه رجال عمره ٥٠ سنه

غزل...جنت اشرب مي من سمعت هيج غصيت غصه بلمي احس المي كام يطلع من خشمي وكتله بويه اني خايفه كمت ارجف من كال هيج باوعتله وعيوني ادير من الغصه كلته ماريد ازوج مااريد واكح واحجي كتله بويه اريد ابقه هنا

ابوحسين....-بصياح- مو بكيفج انتي اني انطيت كلمه للرجال انتي اتسكتين واتخلين نعال بحلكج  واتسكتين مالج كلمه عليه هذا الاسبوع عرسج وخلص بله لغوة زايده

غزل...ضليت ارجف من الخوف كوه وصلت للغرفه ابجي شبعت بجي ليش واشسويت وشنو السبب انو انضلم هيج
وانغصب على زواج مااريده ليش اناغش وابجي وامسح دموعي واكوووو لللل للييشششش ش اتسوي بيه هيج انته مو مؤمن انته مو اتصلي موتندل القبله مو تعرف الحلال والحرام ليش تغصبني ليش
بويه انته المن اتصلي اذا متعرف بيه الله
متكول هاي طفله ارحم بحاله متكول بس مع الاسف لا حيات لمن تنادي

...يمشي الاسبوع مع التحضيرات....

غزل....صارت مشيه شيوخ وخلصت وكال
باجر انروح للسواق مالت كربلا نشتري النيشان والمفاجئه حامد طلع متزوج وميته مرته وايريد طفل وميصير عنده
عنده ضعف وانوب كالتلي بتسام عمرة ٥٨سنه  المهم صارت روحتنه لكربله وشفته لحامد كمت ارجف رجال جبير بلعمر وطويل وعيونه اتخوف ولابس دشداشه وعكال وسبحه بيدة وشوارب ثخان واني شمطت بمكاني والله عيونه اتخليني ارجف مهم مشينه وياي خلاتيي ورحنه عقدنه وكملنه مشرته وانوب يمشي وياي وكلسى طاخ ايدي ولو يتلمس بديه واني اطفر منه لو من نمشي يتلمس ضهري واني شكله ويه حركاته روحي تكش منه  وارجف منه وهوه يتعمد ايماشيني
اباوع عليه يمشي ويلعب بلحيته ويغمزلي
يعني رجال جبير  واني من اشوف هيج اخاف اكثر ودور وجهي عنه واجلب بخالتي مثل الطفل المجلب بأمه ليضيع
كمل كل النيشان والذهب ورجعنه ٤:٣٠العصر للبيت ورحت كبل للحمام اغسل وارتاحيت وكبل ذبيت نفسي ونمت
ماحسيت اله١١بليل هاي الحجي بشهر السابع ٢٠٠٦ نزلت اكلت وكملت وكله نايمه
ماكو احد كملت اكل ورحت لغرفتي فتحت الجنط اشكال الملابس ومكياج وشغلات نسائيه وكل هلشغلات الحلوة مالي نفس بيهن ولافرحت بيهن ولا بعرسي لا بذك العرس ولا بهذا حسبي الله ونعم الوكيل عليكم  عزلت الملابس وصفطتهن وخليتهن بلجنط صارن ٣جنط
والبقيه عفتهن بلكنتور ضليت كاعده لحد ١ونص بليل ماكدرت انام رحت للمطبخ غسلته ونضفت البيت وغسلت الاهدوم وطارمه ورشيت الحديقه وطبيت صارت الاربعه واني كاعده رحت اتجددت وكعدت على المصلايه  اقرة قران كلت بلكت ارتاح اشويه  كلمت صار وكت الاذان وصاح الله واكبر صوت يهز الكيان صوت ايخلي الواحد ايبوس ايده وايخليه على كصته
صوت الرحمه وذكر الله عاد اني صدق وسديت القران وبسته وخليته بصف التربه وكمت صليت صلات الصبح وكملت صليت لأمي ودعيت رب العالمين ايساعدني وريح كلبي ويدليني على الطريق الصح ويهدي حامد عليه وما يضلمني ويضربني مثل جاسم دعيت اهواي وبجيت اهواي لحمد ماحسيت براحه وكل هذا واني حاطه راسي على التربه وابجي ومانمت النوم مااجاني ابد
لحد ما كمت ورحت للشباج اشوف اشو ايجهجر الصبح وسبحه بيدي لحد ماصارت السته ونص دخل سجاد وكال