طغيان النجوم 🔞

تكمله البارت الثاني

#اول مراد #

#طغيان النجوم #

طيب واعرفك زين ماتنسه فد يوم
ياخويه بس مرات تلهينه الهمـــوم

الخوة منبع طيب وانتو من اهلها
اليزرع الطيبات يحصد مثلها

وكمله مني...الخوة طيب وعطر......
الخوة موكله تنراد......
الخوة مثل حسين والخوة عباس

يمحسن شكلك على اختك لو شفته

النار تاكل بيه لوشفته

الوحش حاط شفته على شفته

حسن صد وشوف ذيج الغزاله

يحسن صد وشوف ذيج الغزاله

مجروحه تبجي هموم الله من بدالك

غزل...بثمانيه الصبح اندكت الباب ماكمت هوه كام فتح الباب طلعت اخته مريم سلمت عليه وباركتلي واني على نومتي ما اتحركت
هوه اخذ الريوك رحت غسلت وتركينه وهو هم كمل ريوك بدل وطلع واني هم كمت لبست لبس حلو وحطيت مكياج ما اعرف احط بس شسوي حطيت اشوي حمرة وكحل اول مرة احط احسه راح يفكس عيني هههه ونزلت كعدت بين اهله وكرايبهم ايباركولي الى ان جعت حيل وما اكدر اكل هوة اكبالي
من اشوف طريقه بلأكل نفسي تلعب مادري اشبي ياكل بهمجيه ويلحس اصابيعه اشون من ايخليهن ابحلكه روحي اتكش المهم .وبعد هلسبوع اهلي .صدك اجه وكال حضري روحج اليوم معزومين عند اهلج ،واني فرحت حيل طرت بلسمه من فرحتي كمزت ركض بدلت واتمكيجت هوة ضاربه صفنه ايباوع عليه ويلعب بلحيته كملت ورة نص ساعه طلعت اني وامه وهوه ومرت اخو ورة فترة عرفت مو مرت اخو طلعت مرة الاوله جذبو عليه من كالو مرت اخو المهم رحنه لبيت اهلي وكفت اكبال الباب واشجار الحديقه طالعه من السياج جريت نفس طوويل افيشش ياريحه اهلي افيش يارحيه خواني والله احس المحنتكم اله عطر ينضح من هلبيت وطبيت لبيت ولكيت عبوسيي وحسسين ورحت حضنتهم مثل طفل والكه امه ابجيي بحركه من كل كلبي بجيت واكول الهم ليشش ليششش واشهك وارد اعيدهه ليشش عفتوني وهمه هم حضنوني عباس اشكد ما عصبي كام يبجي عليه والله الله اليدري من اجو ومالكوني اشسوو

عباس....سودة بوجهي خويه والله لو ادري هيه ايصير بيج جا مارايح لو اعرف ايطردوني من الشغل لو ادري هلدكه ايدكه ابويه من نطلع فلا رايح

حسين....اي خويه من طبيت ومالكيت اتخبلت سالت عليج كالولي زوجناهه لو اتخبل احس الكعدة ما اكدر اكعدهه جن الكاع تاكلني يخويه همداني اي والله لو ادري هيج حرام اكابلج واكعد اشمدريني وراي ايزوجج ابويه يممممه بنيتي اوف يابويه ولج كلبي متكطع عليج لو تدرين

بتسام...اي والله مز درور كلبو البيت كلاب رادو يجون ياخذوج بس عمي وكفهم
كامو ايكمزون اتخبلو

غزل...العرفته متفق ويه جاسم عزمنه ثاني يوم جيت اخوتي وضليت ساعه بحضن عبوسي ايبوس بيه وساعه بحضن حسين وبهل العمر اتحملت المسوليه
صار عباس ايشاقيني وايوكلني درت وجهي باوعت جاسم يخزر بيه ايريد ياكلني خلصنه اكل اشويه وجابت ابتسام الجاي واني بتسام ضلينه من سالفه لسالفه ونضحك واشويه وطلع عباس راح للمحل اليمنه جابلي اشكال الحلويات واجه ما مخلي شي ما جايبه حلويات واشكال اني كمت ادبج من الفرحه نسيت كلشي صار بيه نسيف نفسي حسيت اني رجعت غزل البريئ وادلل على اخوتي ورة اشويه واجه سجاد وحسين