هلووو
اشتقتوا لي ؟
ادري وانا كمان م اشتقت لكم(:
اليوم الملكة ماجات معي ، قالت عندها ضروف(:
المهم اليوم بحكي لكم قصه صارت معي وانا صغيره للأن وانا اعاني منها
ذي الموقف هو أكثر موقف يثبت غبائي بالصغر
نبدأ
كان معانا عرس ، عرس خالتي تمام، وللتفشيل أكثر م اذكر من العرس الا ذا الموقف
خلصنا العرس والدنيا صارت ليل ، خرج اخي بيروح البقاله ولحقناه انا وأبن خالي ، فذيك اللحظه انا كان عمري 7سنوات وأبن خالي 13 تقريبا
المهم خرجنا بعد احمد عشان نقله يجيب معه اشياء نبغاها من البقاله
كان في عند البيت كذا زي اللوح الكبير مسنود ع الحيط
يعني يقدر يعدي منه أي حد ، الدنيا كانت مره ليل وم تنشاف حتى يدك ، لحظي العاثر حتى اللمبات يلي بالشارع عطلت(:
احمد قام يتفالح وعدى من ذاك اللوح وخرج وراح البقاله وطبعا لان الدنيا مره ظلام ماشفناه ، احنا قربنا من اللوح واحنا خايفين لأن محد كان بالشارع وقفت انا وأبن خالي الكبير المحترم وقف وراي ، شوفوا الرجوله والشهامة بس
المهم وقفت انادي عليه واقول احمد ، احمد ، قامت خرجت لي قطه؟!!
اي وربي قطه ، فذيك اللحظه انا نطيت ودخلت البيت وانا اصرخ واقول احمد صار قطه ، احمد صار قطه ، وأبن خالي وراي
المهم أمة محمد كلها التمت عليا ، الحمدلله كانت الدنيا ليل ومافي حد كثير ، امي قعدت تقول وش في وش في واخوالي اجوا من برع ع صوتي وخالاتي يعني صارت فضيحه بجلاجل (: ، صرت ابكي واقول احمد صار قطه والله صار قطه حتى روحوا شوفوا وابن خالي يقول اي صح صح كلامها انا كنت معها(:
طيب ي البقرة انا صغيره وأصدق أن الإنسان إذا دخل لوح خشبي يخرج قطه انته وش ، وين يلي درسته(:
وبين كل ذيك الفوضه والناس تهدأني احمد اجا(:
لا واعاد يقول شفيكم ليه متجمعين؟
والله للحين اتذكر نظرة ابن خالي له كأنه يقول مش كنت قبل شوي قطه شلون رجعت انسان؟؟
ومن ذيك اللحظه ليومنا هذا وعائلتي الكريمه تعايرني بهالسالفه
احلف لهم واعيد أنها يلي طلعت قطه بس للأسف مايصدقوني ، لا وعادهم يقلدوا ابن خالي لمن كان يقول اي صح صح كلامها كنت معاها(:
يهود بني بلتعه مو عائله ذون
وكل م احكي لهم سالفه يقولوا كذابه):
يلي ذكرني الموضوع خالتي
كنت احكي لها امس اني سمعت صوت أحد من داخل الدولاب وهي قالت :
اصلا قد رجعتي احمد قطه شلون م تسمعي أحد داخل الدولاب (:
طيب ليش ياخالتي العزيزة، يقولون الخاله ام(:
السالفه ذي وصمة سودا بحياتي الكل يعايرني فيها):
شرايكم انتوا احمد صار قطه والا انا اكذب ؟
انتهت سالفتي البيض(:
_________
"احبك ؟! "
لو حد قالك ذي الكلمه وش ترد عليه؟
خاصه لو كان حد م تحبه ، تكذب يعني ؟ ، انا م اعرف ارد الا إذا كان حد احبه من جد ، علموني أساليب التسليك لاني احس بلاقي بلوك بأي لحظه (:
______
"طالعه حلوه اليوم "
عاد ذي بالذات عمري وحياتي م عرفت ارد على أحد قالها لي ، اختكم محتاجه لكم علموني(:
_____
لمن تسوي مقلب بأحد ويقول احلف أنه مو مقلب ، هنا انا ادور على كل السوالف يلي سحبت عليها من قبل واجيبها للشخص يلي قدامي ، انتوا وش تسووا؟
________
بس واهوبوكم💜💜
الى اللكاء الكريب (:
