السماجة؟؟!!

كحتي الشميله

هلوو

هالمره وفيت بوعدي وجبت الملكه💃💃

ما اذكر إذا وعدتكم بس المهم انها اجت(:

يلا ي ملكتي الشميله اجلسي فوق الكرسي مثل الشاطره المؤدبه

نبدأ ~~

احم احم

خلاص غيرت رأيي مابي احكي لكم السالفه ، ياخي مره تفشل

مدري اذا الناس كلها تتعرض لمواقف زق نفس مواقفي والا انا لوحدي، بس مره احراج وخاصه آخر موقف

طيب خلاص اشفقت عليكم بقول (:

كنا ببيت جدي ، بيت العائله يعني ، اخوالي وخلاتي وازواجهم كلهم متجمعين (:

مدري ليه كل سماجاتي اخوالي يشهدوا عليها ، يمكن عشان يتبرأوا مني في القريب العاجل بأذن الله (:

المهم ما علينا ندخل بالسالفه

كلهم كانوا يسولوفون وانا الوحيده الساكته ، مدري وش ذي السكينه يلي نزلت علي بس يكمن كنت مستحيه من زوج خالتي لأن علاقتي فيه مو قويه ، يعني ما نلتقي كثير واذا التقينا مانفتح حوارات ، احس عقليته كبيره وواعيه عكسي وعكس زوج خالتي الثانيه

المهم كلهم أصواتهم عاليه وانا منحاشه لحالي في الكنبه يلي فالزاويه

فجأة كحيت (:

وياريت اي كحه عاديه لا ، حكيت وكأني باموت الان ، احس صوتي وصل لأخر الحاره

وقفت كحه ولفتت لهم ، لقيتهم كلهم ساكتين ويتفرجوا علي ، بسم والله وش تبون؟ ، اول مره تشوفوا حد يكح مثلاً؟ ، طيروا هش هش

ناظروني يمكن نص دقيقه ورجعوا لسوالفهم ولا كأن شي حصل

رجعت اكح مره ثانيه واقوى من اول ، حسبي الله عليك كحه بس

منجد شكلي كأني اختنقت حتى بنت خالتي يلي عمرها وحياتها ماسوت لي شي غير النرفزه جرت وراحت تجيب لي ماء

كحتي الحقيره ماوقفت ، تف عليها بس

زوج خالتي هذا يلي احاول م افتح معه احاديث لانه انسان مره مثقف واخاف اغلط بالكلام واتيح من عينه

المهم راح قالي " سلامات"

انا تجاهلته وسويت نفسي ماسمعت وواصلت كحتي

بالله لو انتوا مكاني وش تسوون ؟

طيب الاخ العزيز الفاضل ماشافني سمعته واتجاهلت وسكت ، لا مصر يحطني بموقف بايخ ، أحسه حاقد علي