قواعد تطوير الذات

قصتي مع تطوير ذاتي

أولاً السلام عليكم ..أني أيه أنسانه عندي طموح وحلم وأحب شي أسمه تفاؤل ..طبعاً حبيت أنشر كتاب عن تطوير الذات لأن هذا الشي كولنا نحتاجه كولنا أنحب أنطور من نفسنه وهذا الشي كولش حلوو..وحبيت أفيدكم بلنقاط ألي أتبعتهه شخصياً وفادتني هواي..أني الصراحه كنت أنسانه عاديه عايشه حياتهه حته ماكان عندي حلم أسعى وراه ..حته ماكنت حاطه أبالي انوو أطور نفسي وكذا ..لحد ما كعدت ويه نفسي وفكرت كولت لشوكت حضل أنسانه عاديه ..لا أني ماراح أبقى هيج ..وطبعاً هنا بديت أطور من نفسي صار عندي حلم وأكتشفت أنوو يكون عندك حلم وتسعى وراه هذا شعور لايوصف صدك تحس أنو أنتَ أنسان الك وجود والك حياة..وبعدين بديت أكتشف مواهبي حسيت انوو أني أحب الرسم بديت أرسم وشوي شوي ..صرت رسامه والكل صار يدعمني ويمدحني ..صرت مميزه مختلفه ألي وجود ..ومن بعد الرسم أكتشفت موهبتي الثانيه وهي الكتابه صرت أكتب خواطر أكتب تحفيزات حته لاحظت أنوو ألي يقراهن يتأثر ويتشجع من الكلام ..ولحد الأن مراح أوكف على محطه وحده راح أكمل وحالياً عندي هواي أحلام وبأذن الله راح أوصللهن وبدون توقف .. أهم شي تكون عندك ثقه ب الله ومتوكف على محطه وحده وتستمر ..أتمنى يكون عجبكم الكتاب ألي نشرته ..وان شاء الله اذا حصلت على دعم كبير أسوي جزء ثاني وشكراً..