قواعد تطوير الذات

القاعدة الثانيه :الثقه ب الله

الثقه ب الله شنوو يعني ..أني هسه أعرف ربي  وأعبده ..وأنوو خلقنه وهوه ألي خلق كولشي وسوه معجزات أحنه هذي الأشياء كولها نعرفهه من أحنه كُنه أصغار وهسه همات نعرف هواي اشياء ..بس مو كولنه يعرف هذا الشي أو مطبقه والي هوه الثقه ب الله ..وهوه أكثر شي يقوي علاقتك ويه ربك ..وشلون يعني ..الثقه ب الله هوه يعني تكون واثق بأنوو الله دائماً يكتبلك الخير ..دائماً يخلي الأشياء من كول فروعهه المصلحتك أنتَ..من تجي تطلب حاجه من الله تكون واثق بأنوو حيحققهه وتكول بداخلك أنوو حتلو متحققت الله حينطيني شي أحلى وأحسن من ألي تمنيته ولويش لأن الله يعرف مصلحتي أكثر من نفسي ومن أي شخص بهذا الكون يحبني ويخاف عليه ..لأن هذا ربي ألي أقرب اليه من حبل الوريد ألي يحبني ..ألي من أغلط وأجيهه تايب يغفرلي ..وتعلم دائماً تحجي ويه الله عندك هم احجي وياه ..عندك فرحه أحجيله على مدى فرحتك ..عندك مشروع أحجي ويه الله وكوله يارب أني هيج اريد اسوي اذا كان زين خليهه يصير واذا لا أنطيني أحسن منهه..لاتفكر بيوم ولا للحظه أنوو الله يريد يعذبك أو دائماً يخليك حزين أو مايحققلك الي تريده لا ..وأنما فكر أنوو الله يحبك ويريد مصلحتك ..ودائماً يبعد عنك الشر والشي الي يضرك حتى بلأشخاص الي بحياتنه مرات تشوف أكوو اشخاص فجأة يطلعون من حياتك ويتركوك أنتً أبداخلك تحزن وتكول ياالله ليش بعدتني عن ألي أحبهم ..بس الله بعدهم عنك موو علمود تحزن أو يخليك تخسر شي تحبهه وأنما بعدهم لأن يمكن هذولي الأشخاص حيضرونك بحياتك بعدين ويأذونك فلذالك الله بعدهم لان يريد يحميك لان الله يحبك ...وفكر ودائماً حطهه أبالك أنوو الله بعظمته يحبك ويحميك ويريد مصلحتك فليش تحزن ..(لن يتركك تحزن؛سيضم الله قلبك )..وشكراً