ضائعه...في أرض الله الواسعه

البارت الأول

مساء العسل

((أمل الغد))
...............................
أول شيء...القصه موحقيقيه آنه كتبتها من خيالي لكن...أكثر أحداثها واقعيه وموجوده وبيها كم حدث خيالي....ويمكن يكون اكو شخص عاش مثل احداث القصه..المهم بالنهايه هي للتسليه والتشويق اولاً والتعليم ثانياً...

نبدأ على بركة الله
........................
صحيت من نومتي...ووجدت نفسي في مكان مظلم مجهول في وقت مجهول وأنا اصلاً بهذه اللحظه كنت جاهله ان....منو آنه ووين ...شصار....شلون وصلت لهذا المكان يااا ااالله ارد اتذكر ماكو فقدت ذاكرتي!!!!

أنا دعاء من سكنة ذي قار-الناصريه وحده من المحافظات العراقيه عمري 18سنه عايشه وي والدي ووالدتي واخواني...

في يوم من الأيام قررنه انه ووالدتي نروح سفره لمدينة النجف الأشرف لغرض الزياره ونروح لبيت خوالي: همه ثنين واحد متوفي وعده ست اولاد وبنيه وحده وخالتي عايشه ببيتهم والثاني عنده ولد وبنيه ...

رحنه لبيت المتوفي بالبدايه وزرنه وبعدها رحنه لخالي الثاني...
...........
دعاء:خالو خل نطلع انه وياك...

الخال:ههههه وين مثلاً...

-للكوفه مثلاً(مسجد الامام علي)

-ماشي صيحي امج وتعالي نروح...

صحتلهه ورحنه سوه للكوفه زرنه وطلعنه جاي نمشي...

امي:اوگفو خل اشتري كم شغله...

وگفنا وراح خالو وراها...انه مااستقريت بمكاني لازم اتحرك وكان سوق وزحمه وهوسه وووووو اذا تريد تحاجي واحد الا بمكبر يله يسمع...

مشيت شويه وامي وخالو ملتهين طبيتلك بفرع محد بي مشيت شويه وجاي ادور وجهي اريد اطلع من الفرع وما احس اله وصله تنحط على أنفي وبعدها مادريت شصار...

فتحت عيوني بمكان مظلمممم كلش وماكو صوت...يا الله هاي انه شوصلني اهنا وانه منو اصلا مااتذكر شيء...استغفر الله ربي شنو الصار ...

وآنه افكر سمعت صوت الباب انفتح واجه واحد شغل الضوه...شفته واحد ملثم والغرفه صغيره اجاني وبعدين دخلو وراه ثنين ملثمين ...

واستلموني دفرات بكل مكان ورفس ببطني تقيئت دم من وراهم وأصرخ وماكو فايده وبعدين واحد رفسني وگعني للگاع وعافوني وطلعو...

آخ يابه متت بين اديهم شنو ذوله... حشه وحوش مو بشر...

زين هسه انه شسوي وهمه ذوله ليش جابوني اصلا...استغفر الله ربي...

شويه وانتبهت اكو فتحه بالحايط بس زينه يعني ينطلع منها ومو كلش عاليه...زين ذوله ليش مخلينهه عجييييب

والله وصعدت اتسلق عالحايط باوعت من الفتحه منا ومنا صحراء ماكو شي ولا جنس مخلوق...

عاد طفرت لبره بس يابه اتكسرت كانت صبابه يله المهم خلصت خل افلت...