#Unicode
ချစ်သော...Mr.Min
ရှင်က လေပြေလေးဆို ကျွန်မက လေပြေလေးရဲ့ အထိအတွေ့ကိုခံယူချင်တဲ့
ပန်းလေးတစ်ပွင့် !
နူးညံ့တဲ့ပန်းလေးတစ်ပွင့်တော့မဟုတ်ဘူး
အကျည်းတန်ပြီးရိုင်းဆိုင်းတဲ့ပန်းလေးတစ်ပွင့်
အဲ့ပန်းလေးရဲ့ ချစ်ခြင်းဋီကာက
လေပြေလေးဆိုတဲ့ Mr.Min ကစတယ်။
~~~~~~~~~~~~~Mr.
Min~~~~~~~~~~~~~
မြောက်ပြန်လေ၏ ကျီစားသမှုက နူးညံ့ခြင်းမရှိ။
ဆိုးလ်မြို့တစ်ခုလုံးအား ဝါးမျိုသွားမတတ်။
တိုက်ခတ်လာသည့်လေတို့သည်ကား ကြမ်း
တမ်းသည့်ဘက်သက်ရောက်၏။လမ်းမအလယ်
ပျားပေါင်းလောင်ခတ်ရှုပ်ယှက်ခတ်နေသည့် လူအချို့တို့သည်ကား ပြိုတော့မယောင်ဖြစ်နေ
သည့် မိုးအားကြည့်ကာ ကြောက်ရွံ့တုန်လှုပ်
ဟန်ဖြင့် ခပ်သုတ်သုတ်လျှောက်လို့နေ၏။
ထိုသူတို့နှင့် ဆန့်ကျင်လျှက် အေးအေးလူလူ
လျှောက်နေသည့် လူတစ်ယောက်ရှိနေသလို
ကားမှတ်တိုင်နားရပ်နေသည့် ပေတေတေ
ကောင်မငယ်လေးတစ်ယောက်လဲရှိပေသည်။
"" ကျစ် ! မိုးကလဲ ချီးမို့ရွာရတာလဲ?? မုန်းလိုက်
တာ ""
အပြင်ထွက်ရမည်ကိုပျင်းသူပီပီ တစ်ပတ်မှာ
တစ်ခါလောက်သာထွက်သည့်အချိန်အခါမှ မိုးက အချိန်အခါမဆိုင်းရွာချလိုက်သည်မို့
သူ စုပ်တစ်ချက်သပ်ရင်း ညည်းညူလိုက်မိ
သည်။လူသူ ရှင်းနေသည့် လမ်းမပေါ် အုံလိုက်
ကျင်းလိုက်ရွာချလိုက်သည့် မိုးတို့အား အ
ကြောင်းအရင်းမရှိပါပဲကြည့်မိသည့်အခါ လူက
အလိုလိုမျက်မှောင်ကြုတ်မိပြီးသား။
ထီးမယူလာတတ်သည့်အပြင် ထီးကိုင်တတ်
သည့်အကျင့်မရှိသည်ကြောင့် မိုးရွာသည့်အချိန်
နှင့်ကြုံတိုင်း သူအမြဲဒုက္ခရောက်တတ်စမြဲ။
ခပ်လှမ်းလှမ်းမှ ကားမှတ်တိုင်အားကြည့်မိ
သည့်အခါ မိုးခိုနေပုံပေါ်သည့် ကလေးငယ်မှ
လွဲ တစ်ယောက်မှမရှိသည်မို့ သူခပ်သုတ်သုတ်
ဖြင့်သာ ထိုကားမှတ်တိုင်ဆီ လျှောက်သွား
လိုက်မိသည်။
မိုးမိ၍စိုရွှဲနေသည့်ကိုယ်လေးမှာ အချမ်းဒဏ်
အား တောင့်ခံနိုင်မည့်ပုံလဲမပေါ်။ ကြွက်စုတ်
ကလေးသာသာဖြစ်နေသည့်ကလေးလေးအား
မြင်မိသည့်အခါ သူ မျက်မှောင်ကြုတ်လိုက်
မိသည်။
