صِدْفة

جراحه

25اكتوبر2018

اثناء ما كانت جيا ما كانت قاعده عادي مع جوزها و البنات حست بحاجه مش مريحاها في الجنب اليمين من صدرها .... هي شكت انها تعبانه بس قررت تأجل شويه عشان محدش يقلق

3نوفمبر 2018

اجلت بردو شويه و لكن بردو مش مرتاحه

فقررت ساعتها تقول لنيونج على اللي حاسه بيه

الراجل عرف من هنا .... وداها معمل الاشعه تعمل فحوصات على طول

في مركز الاشعه

الدكتوره : مراتك عندها ورم ليفي في الناحيه اليمين حجمه 2.2 سم بقاله اكتر من 3 سنين في صدرها

جيا اتصدمت و بدأت تخاف ليكون كانسر

نيونج قرر انه يوديها للدكتور عشان يشوف حل للموضوع دا

الدكتور : متخافوش الورم حميد بس الافضل نشيله جراحيا عشان ميكبرش اكتر من كده

و بعد جوله من اللف على دكاترة الجراحه قرروا ان العمليه هتكون يوم 7 نوفمبر

6نوفمبر

نيونج خد جيا تروح تعمل تحاليل عاديه عشان يتطمنوا

هي اه جيا عيطت و الدكتور بياخد منها عينة الدم بس جت سليمه

7نوفمبر 2018

قررت جيا يوم العمليه الصبح تروح الجامعه تسلم حاجات للدكاتره و حرفيا مدرس الكورس هزقها بسبب الحوار دا

الساعه 5 العصر

راحت جيا و نيونج و البنات و جوت سفن و اكسو و امها و ابوها المستشفى

*جيا كانت خايفه بس خبت خوفها عشان محدش يقلق*

دخلت اوضة العمليات و عملت العمليه و نجحت الحمد لله

جيا و هي كانت تحت تأثير المخدر كانت بتعيط بشكل غريب اوي كما لو انها كانت بتطلع الخوف اللي كانت مخبياه من الكل

الكل روح البيت و جيا مش عارفه تنام عشان الجرح

8ل 14 نوفمبر 2018

نيونج و البنات كانوا موجوعين من منظر الجرح و هم بيغيروه
(الدكتور كان غبي و جابلها نزيف تحت الجلد و كان الجرح لونه ازرق )

مامتها لما شافت الجرح عيطت و خلت جيا تعيط معاها

12 يناير 2020

الخياطه اتفكت و الجرح لسه معلم في جسمها و كل ما تشوفه او يجيلها نغزه فيه تفتكر الفتره دي بس كلام الدكاتره و نصايحهم مبتتنفذش

و لكن كانت فتره صعبه عالكل و عليها هي اكترهم

دمتم مبتسمين 💚💚

البارت احداثه واقعيه و حرفيا بتوجع كل ما افتكر الفتره دي