قررت انا جيا و بكامل قوايا العقليه ان اقوم بتعليم اللهجه المصريه لغير المصريين
و استعنا عالشقا بالله
ليتس جو
نبذه عن اللهجه المصريه
اللهجه المصريه هي لهجة اهل جمهورية مصر العربية و اللهجه المصريه بتتفرع لعدة لكنات
1- القاهري و الدلتاوي (في القاهره و الدلتا)
2-اسكندراني (ايووه عليها ايووه)
3-بحراوي ( محافظات قناة السويس اللي هم الاسماعيليه و بورسعيد و السويس)
4- صعيدي و الصعيد بيمتد من اول الفيوم لاسوان
5- سيناوي (و دول بدو فهي خليط من البدوي و القاهري)
معلومه زياده : في ناس في اسوان بيتكلموا نوبي اللي هي لغه اهل النوبه و دي لغة تانيه مختلفه عن العربي تماما
و في بعض عائلات في الصعيد بتتكلم قبطي و دي كانت لغه مصريه قديمه كانت موجوده ايام البطالمه و الرومان و العهد المسيحي الاول و حاليا بيتم استعمالها كلغه طقسيه في كنائس مصر الأرثوذكسية اللي مقرها الاساسي في الكاتدرائية المرقسية بالعباسيه
قولت المره دي ادي نبذه بس كده عن اللهجه و نتقابل في حصه تانيه
دمتم مبتسمين 💚💚💚
