قدر

٨

في بيت من طابقين..مطلي بالبيج وقدامه حديقه ظريفه ..في الرياض❤️
نعرفكم بالناس الساكنه في البيت دا
عمران:الاب للأسرهه
جيهان :الام
نعيمة:والده عمران
جواد: جهاد:جلال :إبناء عمران

عمّار:اخو عمران الاصغر..
...............؛
جيهان(عمرها 40سنه دارسه قانون بس ما شغاله وحده متسلبطه ولسانها طويل شديد...)
عمران(أستاذ متقاعد..بس شغال في المدارس الخاصه وطبعا موجهه وواضع لامتحانات الشهاده وشغال في الوزاره برضو..انسان هادي عكس مرتو بحب شغلو جدا ومسالم وم بتكلم كتير)
نعيمه:(دي طبعا المسيطر والمخطط والمدبر للاسره اقصد المصاايب الفيها..حرباايه ع هيئه انساان..😂)
عمار(عمره 26سنه زول الله كدا طيب وهادي ورااقي وظريف..كل همو شغلو وسفرو وبس م شغال بامو ولا خاتيها ف حساباتو..كل مره بتخطط تعرس ليهو ..بقول ليها عرسك الشفتو في اخووي داا م عايزو..علاقاتو مع البنات زيرو بالشمال..م بيعرف نهاي)
جواد(عمره 19سنه ولد حبوب وشيطان عديل😂بعششق المشااغبات ومجنن ناس البيت كلهم فردا فرداا،.بحب بت اسمها رفأ..لدرجة الغباء..خش الجامعه بالعافيه وبدرس تصميم داخلي..)
جهاد(عمره 16سنه ممتحن شهاده وغلباوي اكتر من اخوه..مربي شعرو طوويل ومنفوش وحلبي وطبيعي تلاقي لابس تلات اربع وكاروهات💔استايل غبي😒💔
جلال(اخر العنقود وزي م بقولو سكر معقود😍❤️ظريفوني كده عمره 10سنوات بدرس ف مدرسه اساس )

💖قدر💖:
اليوم جمعه . كالعاده عمار بكون نايم والاولاد كلهم..
بس عمران وامو ومرتو جيهان بكونو صاحين بشربو الشاي
عمران:يا حجة الليله انا ح امشي اجيب البت
امو م ردت
جيهان:اسمعني يا عمران...
عمران:جيهان ولا كلمه ولا كلمه دي بتي تجي تعيش في البيت دا معززه مكرمه زيها زي اي اخ ليها عايش هنا فاهماني ومن واجبي كاب اقوم بالمسووؤليه...
جيهان قامت طلعت غرفتها
نعيمه:يا عمران الله يهديك..انت براااك عملتها في نفسك واتسببت فالمصايب دي كلها اسي
عمران:لو ما انتو عارضوتني كان اسي انا وامها يمكن عايشين وعندنا اسره..
نعيمه:يييييياااييي قلدتو بس دا انت الفالح فيهو
عمران:اخد تنهيده اللهم طولك ي روح سلام وقام شال مفتاح عربيتو وطلع...
عمران:الو ي معتز والله عندي سفره ع الجزيره كدا مستعجله وعارف الليله يوم اجازتك بس عايزك تحي تسوق لي ونمشي..تمام ..اوك شكراً
...................
قدر تلفونها ضرب :الو
عمران:ازيك يا بتي
قدر:الحمد لله
عمران لمي حاجاتك وانا ف السكه ان شاء الله
قدر:ححاضر يا بابا
حليمه:ابوك خلاص جا يسوققك
قدر :ااي ي خالتو
حليمه:خخلاص اتجهزي بس ععشان يجي يلاقيك جااهزه
قدر :كوييس..

....................
مؤيد:انتي عارفه ي مرام
مرام:اها😂
مؤيد:والله الفترهه دي م قادر اشتغل كويس
مرام:لي
مؤيد:مم عارف
مرام:اصلا من جيت من عرس محمد انت م طبيعي كدا
مؤيد:استتغفر الله بس
مرام:احككي
مؤيد:احكي شنو
مرام :الحاجة الشاايل همها دي ..مؤيد:لمن سافرنا العرس لاقيت لي بت كده
مرام:وعجبتك..
مؤيد:يمكن..بس م اتكلمت معاها غير مره وااحده..وشفتها مرتين..واتخيلي الحصل طلع انه علي كمان معجب بيها وحاليا كده ارتبكو
مرام:😳😳 وااعي انت بتقول في شنو
مؤيد:ااي وااعي
مرام:مسسم غيتو اها ..خلاص انسها يزول م نصيبك والحمد لله انت م اتهورت وعملت حاجة
مؤيد:لالا م كده بس😂..دا صحبي معقوله واصلا م عندو خبر بالقصه..مرام😒القصه دي تندفن هنا بينا سامعه وم طلع نهاي الموضوع منتهي دي ف حساب حبيبه صحبي
مرام:اكيد معقوله..
اها ح تجيني الجامعه متين
مؤيد:انتي لسه مع الماجستير ..والله ي مرام بشوف
مرام:يخخ ي مؤيد والله فاقداه ايام الجامعات وصياعاتنا
مؤيد:خلاص ولت يختي😂
اها اخخبار حبيب القلب شنو
مرام: قصدك ياتو فيهم
مؤيد:غااااااايتووووو انتي ي مرام م بسالك😂
مراااام:تربااااايتك ..شوف ي مؤيد انا قصص الحب والكلام دا م بتنفع معاي يومين وبطني بطم منو
مؤيد:الله يخليك مسنقله كدا لمن اعرس انا
مرام :هووي😒
مؤيد:هواا😂😂😂💔

مويد:اها انتي صحي صحاباتك وينهم م قاعده تطلعي معاهم
مرام:هو انت لسه مصدق الزمن دا في صحبات ...نهاية كل صحبه تطعنك ف ضهرك وتمشي
مؤيد:انتو البنات تحيرو
مرام :للاسف دا الحاااااصل

زوبه:انا ح امشي معاكم
قدر:😳
حليمه:يمكن جنيتي😒💔
زوبه:لا انا جحاده وبعدين نفسي فالجامعه وقدر اسي تسافر..انا شايفه احسن وقت..

توقعاتكم...

اللي اللقاء