قدر

١٣

علي:الو
زوبه:ايوا يحبيبي
علي:انا برا اطلعي
زووبه:اوكي جايا عليك انا
زوبه اواقفه قدام الكليه وبتتلفت ..وم شايفاه وعلي بفتش ليها وم شايفها شال التلفون واتصل عليها..
علي:انتي وين ياخ
زوبه:انا برا بس انت ف اي عربيه
علي :لونها اسود يمين باب الجامعه
زوبه:ايوا خلاص شفتك
اول م زوبه وصلت للعربيه علي نزل القزاز بتاع العربيه وكان شااايف شخصيه تانيه قدامه💔💔بكل عفويه
علي:يا اهلين
زوبه:كيف حالك"وكلها فرح وحب"ومستنيه ينزل او يقول ليها اركبي
علي:بخير والله الحمد لله وين قدر؟
زوبه:قدر؟هههههه كيف يعني☺️💔
علي افكارو جاطت وبقي شايف زوبه تلاته تلاته ...فكر فكر قال اي اي دي صحبت قدر بس م يكون لا لا
ف اللحظه دي تلفونو رن ردا
الو ..كيف ..خلاص انا ف السكه..لالا م ح اتاخر
علي:معليش ف الشغل محتاجني ضروري .ح امشي نتكلم بعدين
زوبه:وبكل استغراب اوكي..ومشت منو ونظام زعلانه بعاملا كدا ليي؛
علي ساق عربيتو وم عارف يمشي وين اصلا بعد الشوفه دي..اتصل فورا ع رهف
رهف:الو علي كيف الحال
علي:تمام والله انتي كيف حالك
رهف:بخير والله من وين الليله كدا.دا افتكرنا نسيتوناا..
علي:عايز اسالك سؤال يا رهف
رهف :اسال ي علي..ومالك في حاجة
علي:لمن انا طلبت رقم صحبتك انتي اديتني رقم منو باالضبط
رهف :هههههههه بسم الله رقم زينب صحبتي طبعا مش انت قلت عايزو مالك
علي:اخخ..لالا ولا حاجة طيب شكرا
رهف:مدام اتصلت واتصلت انا المسااء عامله عزومه لاصحابنا يا ريت تشرفو
علي:ان شاء الله
رهف :مع السلامه
علي:الله يسلمك....
علي"اسي انا اعمل شنو دي شنو اللخبطه دي بحب ف بت قريب الشهر وتطلع وحده تانيه..يا ربي والمشكله صحبتها يااخ انا في مصيبه💔
كدا اتصل بمؤيد يمكن الاقي عنده حل
علي:الو مؤيد
مؤيد:ايوا ي علوش الاااخبار
علي:مش تمام
مؤيد:ليه
علي:انا ف مصيبه ي مؤيد
مؤيد:علي استهدى بالله مالك فشنو
علي:لازم الاقيك ععشان نتكلم
مؤيد:والله الليله عندي اجتماع مهم شديد ح نفتتح الشركه ونشوف الموظفين وكدا للمساء نتلاقي
علي:لالا المساء م بينفع نهاي لانو ناس رهف عاملين عزومه وعايززننا نمشي
مؤيد:طيب تعال لي البيت قبل العشاء ..نتكلم وننزل ليهم تمام
علي:ربنا يصبرني للمساء
..............*
حفصه:ياااخ بيتنا طبيعي فيهو اكشنات
قدر:ججاده😂
حفصه:اه والله يااخ نفسي بس تجي تشوفي يوم زوريني طيب
قدر:خلاص يوم ه امشي معاك
حفصه:نحن م اتعرفنا كويس ع بعض هههههههه ساكنه وين اخوانك اخواتك حياتك اي شي
قدر:ههههههههه..يلا ي ستي انا اصلا من الجزيره بالاصح ضواحي الجزيره امي وابوي منفصلين عن بعض يجي 21سنه بعمري يعني وامي اتوفت وهي بتولدني ..عشت مع حبوبه السنين دي كللهاللاسف م قريت جامعه لمن عمري بقي 21نسبه للظروف.. بس لمن  حبوبه اتوفت بابا جا اخدني ..ابوي متزوج وعايش هنا وعندو تلات اولاد جهاد وجواد وجلال
حفصه:انتي جااده ابوكوعمو عمران ابو ناس حواد راجل خالتو جيهان
قدر:_ههههههه انتي بتعرفيهم ولا شنو😄
حفصه:بعرفهم ااي لانو مؤيد اخوي صاااحب عمار اخو عمو عمران
قدر:مستحيل يكون مؤيد الفي باالي😶
حفصه:بتعرفيهو يعني🤯🤯
قدر:اي اي قبل كم يوم زارنا وقبل كدا اتلاقينا ف عرس صحبة صحبتي ف مدني

حفصه:اااي هو كان مشي عرس هناك يا محاسن الصدف سبحان الله😂😂
قدر:بججد صدفه تحير
حفصه:يلا اعرفك علي..نحن اربعه اخوان عندي اخوي مؤيد دا واحمد الصغير ولين ..عايشين مع ماما لانو نفس الحنك ابوي مطلق امي زي خمس سنه كدا ومتزوج ومسافر ومن اتزوج م شفناه متواصل معانا تلفون بس
ههههه عمري 17
قدر:بينا 4سنه عديل
حفصه:يختي انتي صغنونه م باين عليك😂
قدر:ههههههه😂😂
نعيمه:انتي ي جيهان بت العرب دي مش اتفقنا نطردها😐
"عفوا ما قصدي الاٱساءه لاي قارئ للروايه القصد اوضح الحاصل في المجتمع"
جيهان:مسم عاد ي خالتو نعيمه لسه م لقيت لي دخله ليها
نعيمه:انا عايزاها تتبهدل
جيهان:وانا كمان بس اصبري لازم شفتي نعمل ليها مصيبه تنتهي منها عديل كدا
نعيمه:بس كيف وابوها يا قدر اشيلك وين اختك وين
جيهان:كل حاجة في وقتها حلوه واي زول فيهو نقص وانا الناقصها وعيبها بلقاهو ..
نعيمه :ههههههه ان شاء الله انتي بكره مش لمة الحريم ان ناس رقيه
جيهان:اااي شايفاهم ف قروب الواتسب قالو
نعيمه:انا غايتو م بقدر امشي انتي امشي
جيهان:لالا تمام م مشكله ي خالتي بمشي انا.....
....................*
مؤيد:حفصه افتحي الباب
حفصه :طيب...
علي:حفوص ااخبارك
حفصه:علووش كيفك ياا
علي:تمام والله الامور والجامعه كيف بالله
حفصه:ظاابطه والله
علي:بالتوفيق ي زوله
حفصه:الله يسلمك يرب
مؤيد:كيفك يا مان
علي:الحمد لله تمام انت كيف. مؤيد:ممبسوط والله الحمد لله
علي :الشركة مبرووك كمان انججزت والله ربنا يسهلا عليك
مؤيد:والله ي صحبي الحمد لله اهو بنححاول..
حفصه اعملي لينا قهوه..
علي:لالا ي حفصه م تعملي شي اسي شارب وجيت انا
مؤيد انا عايزك ف موضوع ...
مؤيد: ااي قلقت بي خيير ف شنو
علي:طلعت م قدر
مؤيد:الشنو هي
علي :مش حكيت ليك انو رهف ادتني رقم قدر وشنو
مؤيد:اااي
علي:طلع رهف فاهمه غلط ومدياني رقم صحبتها هي يعني الاسمها زينب ولا شنو
مؤيد:والله كذاب؛😂😂😂😂😂
علي:والله جد
مؤيد:ككيف الكلام دا ..وانت نهاي م حسيت ولا اكتشفت😂
علي:مؤيد انا ف ورطه عمري وم عارف اعمل شنو والله
مؤيد:م تخاف بتتحل
علي:بس كييف كيييف وريني
مؤيد:صارحها
علي:انت اتهبلت كيف يعني امشي اقول ليها معليش والله قصدي احب صحبتك م انتي وعشمتك ف الفاضي..يا مؤيد البت حاليا بتكون مكتئبه
مؤيد:وانت عرفت كيف صحي
علي:قلت ي زول الاقيها احسن لانو ف حاجات كتيره م عارفها عنها تمام؛فقمت اتصلت عليها ومشيت اشوفها لقيتها زول تاني خاالص
مؤيد:وعملت شنو ي سيدي انقذني تلفون من الشركه واعتزرت ورجعت..
مؤيد:ججادي ..وهي جات للجامعه يعني
علي:م عارف تقريباً
مؤيد:بالمناسبه قدر كمان هنا
علي:جادي
مؤيد:اي والله قبل يومين مش قلت ليك ماشي لعمار مشيت ليهو عشان الشغل لقيتها هناك عمار بكون عمها
علي:لالا ياخ
مؤيد:طبعا استغربت شديد انا بس سبحان الله
علي:دي شنو الصدف الغريبه دي ...اسمع اسي الحل شنو
مؤيد:والله واحد من اتنين يأما تعترف لبت الناس دي ياما تكمل معاها
علي:ولا هذا ولا ذاك ..لو اعترفت البت ح تنهار ..ولو سكتت صعب علي كده ه اكون غاشيها وعمري م ح اقدر اتقبلا ك حبيبه لي وقدر صحبتها وطوالي ح تكون ف وشي
مؤيد:كدا اوب وكدا اأوبين ..والعمل
علي:بترجاك حلها لي اعمل شنو
مؤيد:خليهم الاتنين
علي:بس انا بحب قدر
مؤيد:اما محتار فيك انت م بتحب بالساهل كدا
علي:والله م عارف المصيبه الفتره دي كلها متخيل نفسي معاها..واسي موقفي قدام رهف ه يكون كيف والله دي حاله
مؤيد:بالمناسبه احتمال كبييير يكونو معزومين وتلاقيهم الليله
علي:ما ناقص والله.
مؤيد:كنت بقول ليك جلي العزومه بس ناس محمد ه يزعلو دي اول عزومه ف بيتهم
علي:الله كريم
مؤيد:ونعم بالله م تشيل هم ه تتحل والله ربنا م بنسانا ودا كلو ل خير
علي :ان شااء الله
مؤيد:يلا ننزل..
#الي_اللقااء