#حب_عنيف 6
حور:طلعت اخيرا ....وووه عليا استاحشتك 😭
معتصم:فتح يديه تعالي يامشفشفه
حور:خبطاته على ضهره...تحشم ياخايب
معتصم:🤦🏻♂️به سلمي ع الاقل
حور:سلمت عليه وقعمزو ورا الحوش
معتصم:وهاااذا ساندوتش الطعميه يلي تبيه
حور:تربعت وبدت تاكل....وااااك قداش استاحشت شارعنا واستاحشتكم كلكم بنهبل😭
معتصم:يشوف للحوش الكبيررر...مش مرتاحه هنايا؟
حور:تاكل....عادي
__________
امير:وصل لعند الباب ووقفه صوت مها
مها:امير لحضه شوي
امير:مش فاضي توا ...وجي بيطلع بس وقفه صوتها مره تانيه
مها:5دقايق امير اصلا بنروحو خلاص!!
امير:تلفتلها بملل..شن تبي
مها:ليش هكي تتصرف فهمني كيف العرس يتحدد بعد3شهور بس بدون علمي؟!وبعد مانجهزو في الحوش المده هاذي كلها كيف تختار تعيش في حوش بوك؟!!!
امير:مش عاجبك افسخي
_________
معتصم:شن مدايرين معاك؟!
حور:كل واحد علي حاله
معتصم:حور لو انتي مضايقه بجديات ناهذك من هنايا
حور:ههههه وين بترفعني
معتصم:وين ماتبي
حور:سكتت شويه وهيا تتأمل في معتصم عارفاته معنده شي يالله حق خدمته يسدوه ماكله بس عجبها ميف مستعد يدير اي شي عشانها ❤️
معتصم:ها شنو؟
حور:ابتسمت....انا كويسه اطمن ...كلها ايام الحقير ولدهم يتزوج ونمشي مع خالتي
معتصم:شن قصة ولدهم هاذا وليش طلعتك مربوطه بيه؟
حور:بصوت واطي ...بوهم دلدول مرته تحكم فيه وولدهم التاني صغير تقريبا عمره19بس.
الحكم والكلام كله لي ولدهم الحقير الكبير هوا شبه مسؤل ع كل شي وهوا يلي مش راضي يخليني نطلع مع خوالي
معتصم:وعلاش؟
حور:يقول ان ميبوش ولدهم يتربى بعيد عليهم خوي رمزي نقصد ع اساس من ريحة اختهم
معتصم:انا مطمن عليك ان مش قاعده جعانه هنايا ولا صقعانا بس في نفس الوقت منبيش حد يضايقك
حور:كملت السندوتش....ولا يهمك انا قدها 😂💪🏻
معتصم:ابتسم بحنيه ومسحلها فمها بطرف صبعه
__________
مها:امير شنو الكلام يلي تحكي فيه انا كل يلي نبيه منك تشاركني كل شي لان هاذي حياتنا الاثنين
امير:حط يديه في جيوبه وقام راسه ..اففف توا العرس وتحدد والقرار قررته شن المطلوب مني توا
مها:قربت عليه وترتبله في بطم سوريته...عارفاتك متوتر من العرس وخدمتك حبيبي اهدى وشاركني همومك عادي نسمعك انا
حور:خشت وشافتهم بي المنضر هاذا....اووو عصافير الحب هاربين من الصاله 😂
امير:مسك يدين مها وباعدهم من عليه....وين كنتي؟
حور:شن دخلك اسأل خطيبتك بس 🙃
امير:قام حاجبه !!
حور:مسحت فمها ...نبصر😅خنبت حاجه كليتها برا وشميت شوية هواء
مها:شافت لي امير بعدم اهتمام لحور....المهم حبيبي نكملو حكي ع النت اول مانروح نكلمك
امير:عيونه علي حور وعارفها تكذب ...يصير خير
مها:رجعت لي الصاله جنبهم ومش حاطه في بالها حور ابدا لان حسب رايها امير مستحيل يشوف للبنات من النوع هاذا
حور:تعجب في مها...نحكو علي نت حبيبي نننننن
مرزن دمها بس تبي الحق طالعين ع بعض الزوز باردين
امير:سكر باب الحوش ....معش تطلعي بروحك الدنيا ليل
حور:خايف عليااا!!🙃
امير:هز براسه بي استهزاء ورجع داخل
