مكتوبلك هكي 💔

مكتوبلك هكي (الحلقة الاولى )

ياهلا ياحلوين كيفكم اني إسمي فاتن عمري 20 سنة بنحكليكم قصة غريبة شوي أحادتهاا مخربطة بس فيهها متعه طبعا كل قصة حب اتكون بين طرفين وأغلب الآحيان ف طرف تالت ف القصة بس القصة هذه مفيهاش طرف تالت ولا رابع القصة هذه فيهاا عائلات بككل المهم
اني حبيبت نحكيلكم القصة هذه طبعاا اني انكون فاتن بنت سعيد والقصة هذه بين سراج ❤ بتول
سراج ايكون صااحب ولد صاحب بابا و اني سمعت القصة من سراج بذاته
خلاص ساد من كترت الكلام وبنبدي نحكيلكم القصة
سراج شااب عمره 22 سنه من ليبيا لكن مش عايش فيها لان بوه توفى وخداهم عمهم الوحيد هو ومراته وللاسف أمه مريضة بالسرطان وهو كان عمره سبعة سنين وعمه إسمه معز الدين
متزوج بس ربي مرزقااش بصغار وقعد يهتم ف سراج لان أمه قعدت سنه ومااتت 💔
ومن لمه كان عمرة سراج 10 سنين وهو عاايش مع عمه معز الدين ومراتة زاكية
المهم حول معز الدين ان يربي سراج احسن تربي وميخليش اي شي ينقصه ديمه يلي يبيه ايجيه وين مايبي يعدي عادي وكل شي كيف مايبي
لكن هذا كله سراج اتجييه هفوات يقعد حزين بس أهم حاجه عنده ان ميخصرش عم معز ومراته زاكيه
لما وصل ف عمر الجامعه قرر يمشي ايزور ليبيا لان توحشهااا هلبا
ومن توا بدت القصه
سراج: يااعمو اني نبي نزور ليبيا وربي شوي ونروح
معزالدين : تمام باه استنى شوي بالك نمشي معاك حتى اني وزااكيه
زاكية : خلاص ياامعز خليه ع رااحته بس ياسراج خليك ديمه تكلم فياااا
سراج : تي لو مكلمتش حبي اني من بنكلم
زاكية : ربي يخليك ليااا يااضي عيووني
سرااج رن تيليفونه
سرااج : Hi
سراج عدا يكلم
زاكية : شفت ربي مرزقناش بصغار ورزقني بأحلى سيرجو ❤ ربي يحفضه
معز الدين : اي والله هو خسر أهلها واحني خسرنا الصغار وربي جمعنااا مع بعض
بعد يومين 😭
سافر سرااج لي ليبياا
وصل سراج للمطار واول مانزل قاال
محلاك يااليبياا ❤
طبعآ سراج مخطط إن بأسس روح بروحه ف بلاده
سراج أول حاجه دارها انتسب ف كلية وف السكن الجامعي والكلية هذه متاع حقوق ع خاطر يطلع محقق او ضابظ شرطه زي ماكان بوه قبل
وهو مقالش لعمه ومرت عمه الحاجه هذه
طبعا سراج ميبيش يصرف بفلوس عمه ولايستعمل اسم عمه ف ليبيا زي ماكان ف بلاد براا
فقرر ان يشتغل ف مطعم في الليل وف صبح كلية وفي العصر يعني العشية يعطي ف كورس انجليزي لان الانجليزية متاعه مليحه
وهذا كله ع خاطر يأسس روحه
وبعد مرور سنه كااملة
قرر سراج يرجع يزور عمه بس مرجعش تراا قولو ليش
هههههه....... اي صح خشت حياته بتول ❤
كيف خشت بتول ومن هياا بتول كل هذا وليش خشت وشن ومنو
هذا كله تعرفوه ف الحلقة التانية
✍Najeya_Adel
انحبكم 💜