مكتوبلك هكي 💔

مكتووبلك هكي 💔(الحلقة التانية)

بتول
بتول بنت عمره 19 سنة بنت مجنوونه ومهؤؤسة برووحهاا شوي لا مش شوي تقدري تقوولي هلباا وكانت تعيش وسط عائلة ليهاا مكانه ف المجتمع وعندها إسم وشعبية المهم كانت تعيش مع أب وأم وجدة وعمهاا ومرت عمهاا وعمها الصغير
إسم بوهاا : إسلام
إسم أمها : جويريه
إسم جدتتها : خالدة
إسم عمها الكبير : شريف
إسم مرت عمها شريف : سليمة
إسم عمها الصغير : فادي
وطبعا عمها ومرت عمها عندهم بنت وولد
الولد صغير مش كبير هلبا عمره 15 سنه واسمه : معتز
ومعتز كان سمين شوي وكانت بتول تنادي عليه بالدبدووب🤤😂
وبنتهم كان إسمها : ريم وهي عمرها 21سنه وهي متزوجه من عائلة راقية وكانت حالتهم كيف حالة عيلتهم ف المكانه الإجتمااعية وهكي
إما بتول فكانت البنت الوحيدة لعيلتهااا لكن كانت تحب ريم ومعتز هلبا وهما يحبووها هلبا وكانهم إخوتهاا الحقيقيين
وكانت عيلتهم يهتمو ببناوييتهم هلباا هلباا
لدرجه يحاول يطمنوو ع كل شي يخص مستقبلهم
وكانت بتول أكتر صفتين مشهورة فيهم هماا
1 العنااد
بتوول كانت أكتر حد يعااند ومتحبش حد يعااندها وادير اي شي ع خاطر تربح العناد هياا
وتعرفو كانت معااندية لدرجه رهيبة يعني راسهاا مسكر
ومن الصعب إقنااعهاا
حتى ف لبسهاا من المستحيل تاخد راي اي حد فيه تلبس بس يلي هياا عجبهاا
وتااكل يلي هيا عااجبها ويااجماعة متحبش تآخد راي حد ف شي ولما حد يسإلها ترد عليه ب أني مش مستحقة رآيك وأو راي حد
2 صفه رقم اتنين هياا البروود
اه ينااري على برود بتول
بتول باردة لدرجه كبيرة تعرفو توصل درجه ايبكي حدااها الناس كلهم بتول متتحرك فيهاا شعره
ومااهيش حسااسة بككل
وتعرفو مستحيل تبكي ع خاطر حد نهاائياا
واي حد بيطلع من حيااتها بتول بكل برود تقوله بااي
ومستحيل تجبر حد ع ان يحبهاا واو يتقبلهاا
وتوا تاابعو موااقف داارتهم بتول ف حياتهم توضحلكم صفااتهاا
ف الكلية بتول كانت حلوة هلباا لدرجه اي حد ايشووفها ينعجب بيها رغم ان اسلووبهاا زي الزفت 🤦‍♀️
المهم ف ولد انعجب بيها فقرر الولد ان يعترفلهاا ان يحبهاا
فقرر ان يكتبلهاا ع سبورة القاعة
أحبك بابتول
كلهم مقمعزين ف القاعة وخشت بتول
بتول أول ماشاافت يلي مكتوب داارت روحها مااشبحت شي و قعمزت عادي ف مكاانها طبعاا كلهم إستغربوو ليش ماقالت اي شي او ردة فعل فقالتها بنت معاها بتول شن رآيك
ردة بتول بستحقارة قصدك يلي مكتوب ف السبوورة ليا أني
فردو علهاا اي إنتي آصلا مافيش غيرك بتول ف الكلية كلها
بتول : امممم به
بتول : تمام من يلي كتبهاا
طبعا مافيش حد رد علااها
بتول : يلي كتبها يمشي يرسم بحداها ❤ قلب لانها مش حلوة بلاش قلب صراحه
طبعا الولد فرح مسكين ومشي رسم ❤ بحدااها
المهم بتول داارت رووحها فرحت وعجبتها
مشي بتول بجنب الولد وخدت من الخطااط
وقسمت القلب يعني حولت نص القلب
وقتله إمشي يااتافه 🤤
طبعا الولد 😱 وغمى عليه
____________________________________
وطبعاا بتول مشهورة هلبا ف كليتهاا رغم ان أول سنه تقرى فيهاا
طبعاا بتول هبلتهم كلهم وحرقت دمهم
وكان الحب بنسبة ليهاا شي تاافه لان ف الاخير مااليها حيجبولها عريس لقطه وحيكون نفس عريس أختها ريم
____________________ ______________ ______
اليوم أول يوم يتلاقو فيه سراج وبتول
سراج زي ماتعرفو ان كان يقرا ف كلية القانون ولان عاش برا فترة طويلة فيعرف يتكلم English صح وقعد فترة مليحه يعطي ف كورس عرضو عليه ايدرس طلبة سنة أولى لان أستاذ الاول قدم إستقاالته طبعاا لفترة بسيطة بس
وسراج وافق لانها فرصة كويسة ليه هو
وطبعا الطلبه يلي حيكون سراج مدرسهم بتول تكون طالبة منهم
وأول يوم ف كلية لسرااج
سمع المدرسين يحكو ع بتول
وأول ماطلع ف ساحه برضو سمع بناويت يحكوو علااها
وبعدهاا شبح الولد نفسه مقعمز وسااكت ولما سأل خيره ردو عليه بتول
سراج : بالله وينها بتول هذه يلي مدايره ضجه كبيرة ف الكلية
رد عليه بنت : والله انشالله ماتشوفها البنت هذه تنااشبك وتزعجك وانت مش مدايرلها شي
سراج : لهدرجه
البنت:والله وأكتر

طبعا اي حد ايشوف سراج يحسابه طالب لان صغير ف العمر

المهم لقاء كاان غريب شوي
أول حاجه بتول وسراج ميعرفوش بعض
القصة بدت ف الكفيتريا
سراج مقعمز ف طاولة وكان الكافي كله فاضي
وسراج مقعمز ويشرب ف كباتشينو ويقرا ف كتاب

وبتول خشت ف الكفيتيريا لان تم طردها من القااعه
أول مااخشت بتول شبح للكافتيريا كلها فاضياا
وشاافت سراج مقعمز
بتول : 🤤❤❤
طبعا بتول نعجبت بسراج وقعدت تشبحله وهو كيف يقراا

وطبعا بتول الازعاج يمشي بدمهاا
فقالت ف خاطرها اني عجبني الولد فضروري هو ينعجب بياا
قعمزت بتول ف الطاوله يلي مقاابله سراج
وقعدت وقعدت وقعدت ليين مللت وسراج منتبهلهااش لان مش فاضي بيهاا فاضي ف القرايا
وبعدهاا بتول
نااضت من طاوله يلي مقاابلته وقعمزت ف طاوله يلي بجنبة بالضبط
وقعدت بتول تحرك ف الكرسي تهز ف الطاوله
وتقوول :اححم اح احممم
وتااخد ف طاسة يلي قدامها وتشيعها من مكاانها وترد وتخبط وداارت إزعاج والمكان فاضي وصوت قوي
حتى صاحب الكافتيرياا استغرب من حركااتها العبيطه هااذم
والمهم بعد نص سااعه ملت بتول وناضت وف يدها طاسة ميه
جت بتوول لطاولة سراج وقتله
هي إنت
سراج شبحلهاا
وبتول خدت الطاسة يلي ف يدهاا وكبتها ع سراج
😱😱😱
وبعدها شدت ف يدها الكتاب وقالت هذه يلي واخد عقلك صح
خدت القهوة وكبتهاا ع الكتاب
كيف بتكون ردة فعل سرااج
سراج ناض من الكرسي وطلع
وصاحب الكافيتريا استغرب كيف يسكت وميردش علاها وعلي حركاتهااا هذه
وبصدفه في قروب أولاد خاشين للكفتيريا وشبحو الموقف قداامهم
ولما طلع سراج الاولاد يشبحو لبعض وهما مستغربين
سراج شبحلهم وقالهم
لا حرج ع المريض
بتول 🤤💔
اه يالبي شخصيته تقتل
_____________________________________
وفي اليوم التاني
الكل مقعمز ف القاعة وخش عليهم سراج
بتول فرحت تحسابه زميل معااهم
وهو قال
أهلين اني أستاذكم الجديد وإسمي
سراج
كلهم استغربو ان صغير ف العمر
ولماا هو قعد يشرح
بتول مزال مش مستسلم وتبي تلفت نظراا لان عجبهاا
بتول : معليش أستاذ
سراج : نعم
بتول ممكن تعاود مفهمتش
سراج : تمام

قعد سراج يعاود الدرس لبتول أكتر من 20 مرة حتى ضربت الحصة وطلبة طلعو ومرت ساعتين ع طلعتهم
وهي بس تتأمل فيه
سراج : فهمتي ع مأظن فهمتي خلاص
بتول : لا مزال
سراج : بس خلاص وقت بنطلعو ومعقوله اكتر من عشرين مرة وإنت مفهمتيش
بتول : لا فهمت خلاص
سراج : متأكدة
بتول : اي
طبعا بتول طلعت وروحت
______________________________
وفي اليوم التالت بتول
عدت لحقت سراج ع خاطر تشوف وين ساكن
وطبعآ لقااته يسكن ف السكن الجامعي
وعرفت عليه كل شي تقريبااا
________________________________
وبعد كم يووم وبتول ع الحالة هذه
قررت تحكي لصاحبتهاا
إسمها : تسنيم
طبعا تسنيم استغربت ان بتول تحولت من بتول المغرورة الباردة الي بتول العشقااانه
تسنييم : اسمعي انتي شكلك تحبيه فلهذا ضروري تحكيله مشاعرك
بتول : اي صح
تسنيم : اي وهو مستحيل يرفض بنت زييكك
_______________________________________
طبعا ف اليووم يلي بعده
ف القااعة
خشت الاستاذ سراج
لقااهم كلهم ف أماكنهم وبتول واقفه بحداا السبورة
واول ماخش قتله بتول
سراج
بنقولك اني من أول مرة شبحتك فيها حبيتك وقعدت مهووسة فيك واني معجبة بيك هلباا
وطبعاا كلكم حتستغربو بس والله اني حبيتك
آصلا مش عارفه كيف جتني الجرآءة حكيتلك 

شن بتكون ردة فعل سرااج ........
✍Najeya Adel
تابعوني للحقة التالته

انحبككم 💜