في العشق 😍😍خيانة💔😔😢

ايام التعرف

.........
نسيم علبلك بلي نعشقك ومستحيل نسمح فيك ونتمناك اب لولادي ونكون معاك طول حياتي؟
.....
نسيت به نعرفكم على روحي
انا نسيم من الجزائر من بجاية بتحديد
متخرج من جامعة سطيف تخصص علم النفس المهم كونت عيش حياة كما انا كما الناس ڨع وكونت على علاقة بوحدا اسمها سومية جارتي ملي كونا صغرى كبرين مع بعض كونت نحبها ههههه طبع كونت ديما فيدال معاها ڨع الحومة علبلهم بينا ڨع الناس يعرفونا مع بعض يعرفو بلي رانا اون كوبل وملي كونا صغرى كونا نخرجو كيف كيف وندورو كيف كيف ونقرو كيف كيف.
.......
الو سلام اعليكم وين راك خو اروح راني نستناك فلحومة تحت نسحقك؟!؟
....
هنا بدات نقطة التحول في حياتي عيطلي صحبي حسان يسحقني
....
وي خوى راني جايك ابقى تما عندك عشر دقيق ونكون تما عندك ياخو.
.....
هبط لعندو طبعا هذا حسان صاحبي وخويا قعدنا مع بعض شوية قالي نروحو ندورو شوية عند لبحر نسحقك
قولتلو مكانش مشكل ركبنا فطنوبيل روحنا لبلاصتنا تول لبحر وهبطنا ندورو شوية وكان لوقت هذاك فصيف قعدنا ندورو نحكو على امور عادية ......  حتى حبسني حسان.

حسان:نسيم عيطلك علجال حجة لزم نحكيها معاك تخصك
انا:غير لخير صحبي احكيلي واش كاين
حسان:حشمت منك ياخوى والله
انا:واش درت تاني وين راك عاميها
حسان:لالا ماشي هكذاك
انا:واش ملا احكي
حسان:نسيم نتا خويا ونقدرك ونعزك مي سومية راها مع وحدى اخرى
انا:حسان واش هذى الهدرا اعرف واش تهدر
حسان:انا راني قلتلك ونتا دابر راسك
انا: حسان منين جبت هذى الهدرا وشكون قالك
حسان:مانقولكش يانسيم مي حوس راح تفهم كلش
انا:حسان ياتقولي يا............18+هههههه
حسان:دير واش تحب مي انا مانقولكش حوس تفهم وحدك .
......
راح وخلني تما مع راسي نخمم في واش قال حبيت نشك فيها مي ماقدرتش عيطلها ماهزتش عليا ؟؟؟اول مرا ماتهزش عليا ؟
قولت نعيط ليماها نسقسيها ؟
انا:الو مساء الخير خالتي ياسمين
خالتي ياسمين:مساء الخير وليدي واش راك لباس؟
انا:لباس
انا:خالتي سومية فدار؟
خالتي :لالا هذا وين خرجت علاه ماشي معاك؟
انا:اه لالا ممكن عند صحبتها ولا ؟
انا:المهم مرسي
وكوبيت
؟؟؟؟؟؟
وين راحت هذي ؟؟
المهم قعدى نخمم حتى ليل به عيطتلي
سومية:الو مساء النور عمري
انا:يرحم بابك وين كونتي؟
سومية:كونت 💔فدار مخرجتش خلاص
😱😱
(مقلتلهاش مامها بلي عيط سقسيت عليها)
...
المهم حكيت معاها نورمال ليلة هذيك ومابينتلها والو على خطر اول مرة تصرا وتكذب عليا المهم فاتو ليام وحنا مع بعض وانا نسيت ڨع واش حكيت مع حسان و واش قالي .
....
جا نهار لي قرر بابا وعمي يبعثوني لسطيف نكون رائيس مجلس الادارة تع الفندق تعنا تما
ايا انا بديت نخدم في سطيف اممم ماكونتاش نروح بزاف ومكانش عندي وقت به نحكي معها بزاف ولينا نحكو غيرى حاجة قليلة حتى وحد نهار صونا التلفون ؟
...
انا:وي وليد عمو واش لباس؟
فوزي:مكان ني وليد عمو ني والو علبلك واش صرا؟
انا:واش صرا غير لخير ؟
فوزي:صحا قولي وين راك؟
انا:وين زعما راح نكون في نيتك؟اي بينة فلوتال تعنا
فوزي:استناني راني جاي خوى نسحقك
انا:غير لخير ياخو واش كاين؟
فوزي:اي ماشي هدرا تع تلفون
انا:؟؟؟اوكي راني نستنا فيك.
......
(فوزي وليد عمي وصحبي في نفس لوقت)
المهم
وصل فوزي لوتال جا لعندي لڨاني مشغول شوية.
فوزي:نسيم حط كلش واروح معايا للمكتب تعك نسحقك
انا:اصبرى شوية راني مشغول
فوزي:نسيم قلتلك حط كلش واروح معايا
انا:اصبرى اووووو
فوزي:قولتلك اروح لوكان ماشي امرى مهم لوكان مجيتش
فوزي:الامر يتعلق بي سومية
انا:اه ؟؟
انا:واش بيها سومية
فوزي:قولتلك اروح للمكتب نحكو
رميت كلش من يدي ورحتا للمكتب تعي انا وهوا به نحكو،دخلنا للمكتب سكرى لباب بلمفتاح
انا:احكي واش بيك سكت واش بيها سومية؟احكي؟
فوزي:😔😔نسيم سومية تخطبت
🤯🤯🤯🤯🤯
انا:احكي نورمال واش بيك نتا تاني جاي من بجاية لسطيف به تديرلي قالب؟
فوزي:نسيم منيش نتمسخرى معاك سومية تخطبت😔
انا:اسمع فوزي نتا وليد عمي ونحبك كي خويا مي اعرف واش راك تهدر
فوزي:نسيم قلتلك سومية تخطبت
وتما تفكرة واش قالي حسان تما تفكرة بلي كذبت عليا كي قالتلي كونت فدار تما تفكرة كلش😭😭😭😭😭😭😭
طحت فلرض ذقت بيا الدنيا حسيت ڨع الناس راهم يخونو فيا بدا الدم يهبط من نيفي (رعفت)
فوزي:نسيم؟ انسيم؟انسيم؟نوض
انا:وين راني واش راني ندير هنا ؟
واش هذى الدم لي على لشوميز تعي؟
فوزي:نسيم راك فسبيطار ارتح شوية
قالك طبيب غدو نخرجوك من سبيطار
انا:فوزي؟وسومية؟؟؟
فوزي:ارتح غدو نكمل نحكيلك
المهم غدوا من ذاك خرجني فوزي من سبيطار وداني لوتال و واحد معلبلو بلي كونت فسبيطار
وصلنا لوتال
انا:فوزي احكيلي كلش كفه ؟
فوزي:حسان
😱😱😱😱😱😱
انا:اه!!!!واش بيه حسان؟
فوزي:حسان هوا لي خطبها
انا:راك تتمسخرى بيا؟؟
فوزي لالا والله راني نحكي سيريو
😭😭😭😭😭😭😭😭😭😭😭
انا:حسان؟حسان؟
فوزي:وي حسان مع الاسف هوا وضهرى بلي كانو على علاقة من ورا ضهرك
طعم الخيانة مور ومايحس بطعم تعو غير لي جربو 😭😭😭
فاتو يمات وانا عازل روحي على العالم مانكل مانشرب ماوالو حسيت بلخيانة لي ديتها من اعزى الناس لي تذوقت الطعم تعها من احبى الناس لعندي 😭😭😭المهم فاتو يمات وانا مطفي التلفون ومسكر على روحي الباب تع المكتب تعي والحومة ڨع سمعت بلخبرى انتشرى لخبرى هذا وسمعو بيه ڨع والناس ڨع قعدين يسقسو عليا وين راني ووين روحت واش درت ؟؟؟؟
.....
جا نهار وين قررت نخرج من العزالة تعي وشعلة التلفون وكي شعلت التلفون جاني ميساج!! ميساج من عند سومية 😭😭😭😭
الميساج يقول:
نسيم اسمحلي علبلي بلي خونتك وراك حاس بلخيانة وحس بلي رانا طعناك في ضهرك مي هذا هوا مكتوب ربي وربي يجبلك بنت لحلال لي تستهلك.
هزيت التلفون خبطو فلحيط وكسرت لبيس وسكرت الفيس بوك تعي وبقيت في سطيف خدما فلوتال وكونت كل يوم نزيد نحقد عليهم وهز الكية في قلبي نار العشق يكوي لكن نار الخيانة تحرق😔😔😔
المهم هوما ماطولوش ودارو لعرس مبروك عليهم وربي يهنيهم😢
وانا جا نهار لي بعثولي به نفوت لعام
قعدت نخمم مع روحي وانا مزلني مجروح من الخيانة قولت في نفس نروح نفوت لعام ونبعد شوية بلاك ننسا واش صرى معايا واش فوت وكي لحق نهار لي بعثولي فيه روحت لبجاية سلمت على يما وشيخ وجيت رايح نفوت لعام خليت يما تبكي على حالتي لي كانت علبلكم كفه وعلبلكم بلي ماشي ساهلة دخلت للعسكرى دخلت لى ام لبواقي فوت سطاج ومن تما بعثوني لتندوف نكمل واش بقالي تما درت صحاب تما بديت ننسجم شوية مع الحياة لعسكرية وتدرجيا بديت ننسا واش فوت ولخيانة لي صراتلي وكونت ديما نقول خلاص مانزيدش نعشق ولا ندير وحدا نحيت فكرة الزواج من راسي .

                        الجزء الثاني غدوا نشالله على الساعة 00:00ليلا وشكرا🙏🙏🙏