في العشق 😍😍خيانة💔😔😢

في العشق ❤❤خيانة 😭😭 الجزء الثالث ولاخير

سلام نسيم لباس؟؟
انا:وي لباس ونتي نونو لباس
نونو:غايا لحمدلله
انا:واش قريب العرس ولا؟
نونو:يااا مزلني صغيرة والله
انا:يااا ماقولتليش جبتي البيام ولا لا
نونو:وي جبتو
انا:مبروك عليك ههههه
هذي كانت محدثتنا الاول بعد 9 اشهر من لفراق وي 9شهر وحنا محكينا مع بعضنا 9شهر وانا نتعذب ونموت كل يوم الف موت علجالها
انا:هيه كاش جديد لعايلة تعك ڨاع لباس؟
نونو:وي لباس الحمدلله
انا:نونو راني حب نقولك حاجة راهي حصلتلي في رقبتي😔😔😔
نونو:وي قول واش بيك واش كاين؟
انا:نونو نحبك وفي9شهر هذي كونت نستناك فيهم وتعذبت وراني حبك تعرفي بلي نحبك ونموت عليك افففف خلاص راني قولت واش عندي دزولي نتي مربوطة برجل ضوك وانا راني نخلط دزولي
نونو:نسيم انسيم ؟
انا:وي علبلي راني نخلط اسمحلي خلاص والله
نونو:نسيم نبغيك
انا:اه كيفه؟
نونو:نسيم نبغيك وماكونتش مخطوبة وهذيك لحكاية درتها من راسي برك وڨاع
انا:وكفه تقوليلي؟صاحب بابا ومانعرف؟؟
نونو:نسيم كذبت عليك في بزاف صوالح
انا:كفه كذبتي في بزاف صوالح؟
نونو:نسيم انا بابا ميت وهذي مداة ملي مات (ربي يرحمو ويجعل مثواه الجنة انشاءالله)
انا:اه ماني فهم والو
نونو:استنا نحكيلك
نونو:نسيم انا موسمنيش صونية ومانسكنش في مستغانيم وڨاع واش حكيتلك كونت كذبة فيه.
قريت هذ الميساج وخممت لي لحظة وخممت كفه ندير انا قولت في نفسي نونو نعرفها ونعرف بلي تحبني صح ولوكان ماتحبنيش من قلبها راهي ماتقولهاليش .
انا:نونو لماضي خليه على جيها اذا نتي تحبيني حتى انا نحبك ونموت عليك
نونو:يعني جاتك نورمال
انا:وي نورمال
نونو:وانا كونت خايفة وصحبتي لي درتلي الكوراج وڨاع
انا:صي انسي
انا:نونو انا نويك لحلال وبربي نشالله راح يجي نهار وين نروح انا ويك لعند قبر بابك نقرو عليه الفتحة ونخطبك منو ونطلبو رضيتو
نونو:نشالله ياربي
المهم هكذا كانت حكيتنا كي ولينا وانا في 9اشهر هذيك كونت عرفت وحدا اسمها اشراق كانت بنسبا ليا مجرد صديقة لا اكثر ولا اقل وكونت نحكي معاها ديما وكونا نڨصرو ساعة على ساعة حبتني الطفلة ولات تقولي نحبك وڨاع حقيقة حصلت فيها وفي كفه نديرلها على خطر انا مانحبهاش وقلبي راه عند وحد اخرى لي هيا نونو وفي نفس لوقت مكونتش حب نجرحها كما جرحتني نونو المهم كونت نڨصر معها مالڨري نونو جات مي مام هيا كونت نحكي معها كي شغل محبيتش نحڨرها المهم فوتنا يمات شابين انا ونونو وكونا نسهرو طول وانا كل مانزيد نعشق فيها اكثر واكثر وكونا نڨصرو ولحوب لي كونا نحبو بعضنا جامي صرا والله تعرف كلش عليا نعرف كلشي عليها المهم انا الصباح خدام وفليل موالف نجو نحكو حتى نرقدو والتلفون نخلوه يمشي وليت شفتها فتصور وسمعت صوتها وڨاع جا نهار لي فتحت اشراق فيس وبعثتلي ميساج ونونو كان عندها لمودباص تع الفيس تعي وانا كونت خدام المهم تلقو تما وشعلت بينتهم وڨاع وانا غير فتحت الفيس شفت لميساج تعهم فشلت والله على خطر نونو مارحش تفهمني وراح تبقا تعيط وممكن حتى انا تروح وانا بسيف بسيف به قنعتها بلي انا نحبها هيا وهذي اشراق هيا لي تحبني وانا مكونتش حب نجرحها وڨاع المهم كي فهمتها اضطرارت به نخلي اشراق طلبت منها سماح وبلوكيتها ومن النهار هذاك مازدت هدرت معها المهم كملنا انا ونونو وبسيف به نسينا لحكاية هذيك المهم وحد شهرين هكذاك بعثتلها ميساج يومين ماجوبتني عيت وانا نبعثلها مكانش تقلقت عليها وتحيرت واناوكان عمبالي كاش مادرتلها ولا راحت كما لخطرا لي فاتت عيت نستنا مكانش يومين مكانش نهار الثلث بعثتلي ميساج قالتلي اسمحلي خويا كان منحيلي التلفون وڨاع ايا قلتلها علاه ينحلك فتلفون قالتلي علا خطر لقاني نحكي مع ذراري ولمزية نتا كونتي محيا لميساج تعك .
انا:واش واش كونتي تحكي مع ذراري؟؟
نونو:وي كونت نحكي مع صحبو
انا:وكفه تحكي مع صحبو هذا
نونو:اصدقاء برك
انا:هاتي رب المودباص تع الفيس تعك
نونو:اوكي
انا :ايا هاتي
عطتلي المودباص دخلت لقيتها مبلوكيتهم كامل المهم ماعيطش عليها بزاف وڨاع المهم هكذا مشكل صغير وفوتهالها وخلاص الحقيقة انا مانحبش المشكل معها كونت ديما نتهرب من المشكل ونسمح في حقي غير به ماتفسدش العلاقة لي بناتنا على عكسها هيا لي كانت مشكل صغير تكبرو تضربلي بيه شهر وحنا نحكو عليه وانا نفهم فيها مي والو حتى لحق نهار لي راح يكون هوا منعرج هذ لحكاية كامل نهار لي طاح كلش نهار لي قررت هيا به تسمح فيا وتروح .
انا:نونو اعطيلي النمرو تع مامك وخوك به نجي نخطبك
نونو:اه لالا راني خايفة يانسيم والله خايفة
انا:من واش تخافي؟
نونو:من خويا
انا:يانونو راح نحكي مع مامك برك املا
نونو:والله خايفة استنا نشور صحبتي
(فلحقيقة هي عندها وحد الصحبت شيطين يمشو فوق الارض خصتا وحدا فيهم )
انا:نونو هذي حياتي انا ويك ماشي تع صحباتك
المهم عيت نحول معاها وبسيف به قبلت وعطتلي النمرو تع مامها ايا وتفهمنا على لوقت لي راح نعيطلها فيه
انا:الو سلام عليكم
مامها:وعليكم السلام شكون؟
انا:ياك نتي عمتي*****؟
مامها:وي مي شكون نتا
انا:عرفتها على روحي وڨاع
مامها:الله يبارك واش تسحق وليدي؟
انا:حب نخطبك في بنتك ياعمتي
مامها: ومنين تعرفها؟
انا:وي نحكيلك كلش مي لزم تحلفيلي بلي مارحش تمسيها
المهم حلفتها وحكتلها كلش
مامها:انا بنتي مزالت صغيرة ومزال راح تقرا وحتى تكمل قريتها وتشد خدمتها به نزوجها
انا:😁😁😁راح نستناها
مامها:ههههه مي راهي مطولة بزاف وزيد انا الناس يضلو يقلولي نخطبوها هكذا ومعرف
المهم انا ملخر فهمت بلي ماهيش حبة الزوج هذا كبيت وهيا راحت غابة يمات وكي جات حكينا يمات وبدات المشكل وانا غير نسكتلها وهيا تغلط وانا نطلب منها السماح وڨاع حتى جا نهار وين حتى انا نفذ صبري وبدو لمشكل وفهمت بلي راهي تحوس تتخلص مني وڨاع المهم مازدناش بزاف وبلوكاتني من الفيس وانستا ملڨري علبلها بيا بلي نحبها مي والو مارحمتنيش.
هذي هيا حكاية التعيسة

😭 النهاية❤